Levitiku 2:2 - ICIGHAN BIBILO

² nana̱ va a mi hen upristi, ônov mba Aron; pristi a̱ ongo mwem ma kengese kua mkurem mara, ikevwe poo, shi a̱ kura libano u human doon u a lu sha mi la cii, a̱ nande sha usu, i̱ lu nagh ku umbur; ka nagh ku usugh ku human doon ku nan TER.

Levitiku 2:2 Iomraidhean Croise

Nehemia 13:14

Umbur mo Aôndo wam sha kwagh ne, de esen aeren a am a dedoo a m er sha ci u iyou i Aôndo wam kua sha ci u ityom i i la kpaa kera ga.

Nehemia 13:22

Shi m kaa a Mbalevi mer, ve̱ wanger ayol a ve, ve̱ va, ve̱ va kura ihindagar, sha u tseghan iyange i memen. Umbur mo Aôndo wam sha kwagh ne kpaa, man shi tsegham sha erdoo Wou u U lu a mi yum la.

Ekesodu 30:16

Ngohol inyaregh ki iwom hen Mbaiserael, ver ki sha ci u tom u tenti u kohol ker la, sha er ki̱ hingir kwagh u umbur Mbaiserael a mi sha ishigh ki TER yô, sha u nan iwom sha ci u uuma enev.

Yesaia 66:3

Or u nan woo bua yô, nan ngu er or u nan woo or nahan; or u nan ne nagh ku sôngon sha tuleiyôngo yô, nan ngu er or u nan sombo aniwa mon yô; u nan ve a nagh ku sha samuyia yô, nan ngu er or u nan ve a nagh ku awambe a igogh nahan; man or u nan ve a kwaghhumandoon sha ci u nagh ku umbur yô, nan ngu er or u wuese akombo nahan. Er ve tsough igbenda i sha asema a ve, uma ve kpaa a ember sha akaa a ve a hôngorough nahan,

Levitiku 1:13

kpa ikav mbi kimi kua angahar a i yô, nana̱ ôô sha mnger; pristi a̱ va a mi cii, a̱ va nande sha atse; ka nagh ku nanden ku usugh ku human doon ku nan TER je la.

Levitiku 1:17

A̱ ande un hen akper a na, kpa a̱ de paven vegher a̱ gbe ken inya ga; pristi a̱ nande un sha atse, sha ikon i i lu sha usu la; ka nagh ku nanden ku usugh ku human doon ku nan TER.

Levitiku 1:9

kpa ikav mbi kimi kua angahar yô, nana̱ ôô sha mnger; pristi a̱ gema cii a̱ nande sha atse a nanden nagh sha mi, i̱ lu nagh ku nanden, ka nagh ku usugh ku human doon ku nan TER je la.

Levitiku 2:16

Pristi a̱ pande asange a alakema a i johol a la kua mkurem, shi a̱ kura libano u human doon la cii, a̱ nande sha usu, i̱ lu nagh ku umbur; ka nagh ku usugh ku nan TER.

Levitiku 2:9

Pristi a̱ kura nagh ku umbur ku nagh ku sha samuyia la, a̱ nande ku sha atse; ka nagh ku usugh ku human doon ku nan TER je la.

Levitiku 24:7

Shi ver libano u human doon u wang sha hanma nongo, a̱ lu nagh ku umbur ku bredi la, ka nagh ku usugh ku nan TER je la.

Levitiku 4:31

ahôm cii yô, a̱ kura a sha, er ka i kura ahôm a nagh ku sôngon ku bem la nahan; pristi a̱ na iwon sha ci u nan, nahan á de nan isholibo i nan.

Levitiku 5:11

Kpa aluer inyaregh ki nan kia kuma mbaatii uhar, shin utulembamkunguv uhar ga yô, nana̱ va na nagh sha ci u isholibo i nan er la, sha mwem ma kengese ma ma kom môm-ken-upue u efa, sha ci u nagh ku isholibo; nana̱ de we mkurem sha mi ga, man nana̱ de we ma libano u human doon sha mi kpaa ga, gadia ka nagh ku isholibo.

Levitiku 5:12

Nana̱ va a mi hen pristi, pristi a̱ ongo ikevwe poo, i̱ lu nagh ku umbur, a̱ nande sha atse sha iniav mbi usuv mbi TER; ka nagh ku isholibo je.

Levitiku 6:15

A̱ ongo mwem ma kengese ma nagh ku sha samuyia ma i hee mkurem sha mi la, ikevwe poo, shi a̱ kura libano u human doon u a lu sha nagh ku sha samuyia la cii, a̱ nande sha atse, i̱ lu ihuma i doon; ka nagh ku umbur ku nan TER.

Numeri 5:18

tsô pristi a̱ ver kwase la, a̱ tile sha ishigh ki TER, a̱ sagh kwase la ice, a̱ penda nagh ku sha samuyia ku umbur kwagh sha ave a kwase la, ka nagh ku sha samuyia ku iyol i wan sha kwagh je la; pristi a̱ gema a lu a mngerem ma nan mnyoonom ma van a ifan sha uwegh nagh;

Numeri 5:26

pristi a̱ ongo nagh ku sha samuyia kura ikevwe poo i̱ lu nagh ku umbur ku ku, a̱ nande ku sha atse a nanden nagh sha mi; ken masetyô yô, a̱ na kwase la mngerem mara a̱ ma.

Aerenakaa A Mbaapostoli 10:4

A kenger un, cier un iyol, a kaa er: Ka nyi, tere? A kaa a na er: Mbamsen ou man uiwua ou ve kôndo sha, hingir kwagh u Aôndo Una umbur je.