Levitiku 2:1 - ICIGHAN BIBILO

¹ Aluer a̱ lu anti or ka nan TER nagh ku sha samuyia yô, nagh ku nan ku̱ lu sha mwem ma kengese; nana̱ haa mkurem sha mi, shi nana̱ penda libano u human doon sha mi kpaa;

Levitiku 2:1 Iomraidhean Croise

Ekesodu 29:2

man shi tôô bredi u i we kwa sha mi ga, man umasa mba i we kwa sha mi ga, mba i nongo sha mkure yô, man umasa mba par par mba i we kwa sha mi ga, mba i shigh ve mkurem yô. Ka sha mwem ma alakema ma kengese ú er ve ye.

Yesaia 43:23

U vam a iyôngo i nagh ough ku nanden ga, u civir Mo sha nagh ough ku sôngon kpaa ga. Mo M kighir we Mer, va nam nagh ku sha samuyia ga, M za u iyol sha nagh ku nanden ku human doon kpaa ga.

Yesaia 66:20

Vea va a anmgbianev enev cii ken akuraior cii, sha ci u nagh ku nan TER, sha anyinya man sha akeke a kpelan, man sha akaa a tôôn ior a mi, man sha mbaalfadari man sha urakumi, á va a ve hen icighanwo Wam Yerusalem, kape TER A kaa la, er Mbaiserael ka ve va a nagh shin tasa u wang, ken iyou i TER nahan.

Esekiel 46:20

Tsô a kaa a mo er: Ingin ka ijiir i upristi vea jiidi nagh ku iboogh man nagh ku isholibo, henpe vea kaa nagh ku sha samuyia, sha u ve̱ de duen a mi ken tembe u ken won la, ve̱ tseghan ior ga yô.

Yoel 1:9

Nagh ku sha samuyia man nagh ku man tôndo ken iyou i TER; upristi, mbatomov mba TER, mba zungwen.

Yoel 2:14

Ka an nan fe er alaghga Una gema awashima Na, man Una undu iveren ken ijime Na— ka nagh ku sha samuyia man ku man, ku nan TER, Aôndo wen je la.

Levitiku 14:10

Sha iyange i anigheni la nana̱ kôr agumaiyôngo ahar a a lu a ihogholough iyol ga yô, man tuleiyôngo môm u a kom inyom i môm u a lu a ihogholough iyol ga yô, shi nana̱ tôô mwem ma kengese ma ma kom uikaren utar-ken-upue, ma i nongo mkurem sha mi, sha ci u nagh ku sha samuyia, man logi u mkure môm

Levitiku 24:7

Shi ver libano u human doon u wang sha hanma nongo, a̱ lu nagh ku umbur ku bredi la, ka nagh ku usugh ku nan TER je la.

Levitiku 5:11

Kpa aluer inyaregh ki nan kia kuma mbaatii uhar, shin utulembamkunguv uhar ga yô, nana̱ va na nagh sha ci u isholibo i nan er la, sha mwem ma kengese ma ma kom môm-ken-upue u efa, sha ci u nagh ku isholibo; nana̱ de we mkurem sha mi ga, man nana̱ de we ma libano u human doon sha mi kpaa ga, gadia ka nagh ku isholibo.

Levitiku 6:7

pristi a̱ na iwom sha ci u nan sha ishigh ki TER, nahan á de nan kwaghbo u nan, sha hanma kwagh u nan er man nan hingir oriboogh sha mi la.

Levitiku 9:17

A na nagh ku sha samuyia kpaa, a ongo ikevwe poo, a nande sha atse a nanden nagh sha mi la, a nagh ku nanden ku pepe la imôngo cii.

Levitiku 9:4

man shi nombua kua nomiyôngo sha ci u nagh ku bem ku sôngon sha ishigh ki TER man nagh ku sha samuyia ku i we ku mkurem yô; gadia nyian TER ngu anden her a ven.

Malaki 1:11

Gadia hii sha mdugh u iyange je zan zan ar henpe i mir yô, iti Yam kume ken akuraior; sha hanma ijiir kpaa mba nanden iti Yam nagh ku humandoon kua nagh ku ku lu wang kpaa; gadia iti Yam kume ken akuraior, kape TER u akum a Sha A kaa ne.

Numeri 18:9

Uicighanmbaakaav mba hemban cii mba i nanden sha usu ga yô, kwagh u una lu u wou sha mi yô, ka iniav vev cii, hanma nagh vegh ku sha samuyia man hanma nagh vegh ku isholibo man hanma nagh vegh ku iboogh ku vea nam la, kua hingir we kua ônov ou icighankwagh u hemban cii je.

Numeri 28:5

Man mwem ma kengese ma ma kom môm-ken-upue u efa, sha ci u nagh ku sha samuyia, ma i nongo mkurem ma kumen a kume sha mi yô, ma ma kom môm-ken-unyiin u hin yô.

Numeri 29:18

a nagh vegh ku sha samuyia ku maghen sha mi man iniav mbi man mbi maghen sha mi, sha anomabua man anomaiyôngo man agumaiyôngo la, sha iyenge i a sha tindi;

Numeri 7:13

nagh nagh yô, lu tasa u azurfa môm, myohom nam lu ushekel deri man ikundugber, man iwese i azurfa môm u sha ushekel akunduatargber, lu shekel u icighanjiir la; ve uhar cii ve iv a mwem ma kengese ma i nongo mkurem sha mi yô, sha ci u nagh ku sha samuyia;

Numeri 7:19

nagh nagh ku a na yô, lu tasa u azurfa môm, myohom nam lu ushekel deri man ikundugber, man iwese u azurfa môm u sha ushekel akunduatargber, lu shekel u icighanjiir la; ve uhar cii ve iv a mwem ma kengese ma i nongo mkurem sha mi yô, sha ci u nagh ku sha samuyia;

Numeri 8:8

Ve̱ va a gumbua a nagh ku sha samuyia ku i magh sha mi la, ka mwem ma kengese ma i nongo mkurem sha min yô; shi kôr nombua ugen kpaa sha ci u nagh ku isholibo.

YOHANE 6:35

Yesu kaa a ve er: Mo M ngu kwaghyan u uma; or u nana va her a Mo yô, ijen ia kera kôr nan mayange ga; man shi or u nana nam jighjigh yô, imura kpaa ia kera kôr nan mayange ga.

1 Yohane 2:20

Kpa ne yô, ne mba a mshigh u u A lu Icighan la, ne cii, ne fa.

1 Yohane 2:27

Kpa ne yô, mshigh u ne zua a mi her a Na la, ngu lun ken a ven, kera gba u ma or nana tese ne ga, kpa mshigh Na ne, a tesen ne kwagh sha akaa cii, un ka u mimi, ka u aiegh ga, man er a tese ne nahan yô, lu nen ken a Na kpaa.

Yuda 1:20

Kpa ne mbadoon mo ishima yô, maan nen ayol a en ken icighanjighjigh wen u nan, eren nen msen ken Icighan Jijingi.

Mpase U Yohane 8:3

Ortyom u Sha ugen va tile hen atse a nanden nagh sha mi la, lu a gbande u zenaria. I na un kwaghhumandoon ngee er a̱ nungwa sha mbamsen mba uicighanmbaiorov cii, sha atse a zenaria a a lu sha ishigh ki ikônough ki torough la.