Levitiku 19:7 - ICIGHAN BIBILO

⁷ Aluer nahan kpaa, á ya un sha iyange i atar la yô, ka kwagh u ihôngorough; á kera rumun un ga;

Levitiku 19:7 Iomraidhean Croise

Yesaia 1:13

Mayange shi de kera vaan nen a iniav sha lanshima ga; kwaghhumandoon kpaa kam kwagh u hôngorough je; uwer u he man iyange i memen, kua mlehe u sha mbamkohol kpaa— M kera fatyô u rumun iferkwagh a mkohol u iniongo imôngo ga.

Yesaia 65:4

mba ve tem her atô u iwaregh man ve tse ken ajiir a myer; mba ve ye inyamigo, man kwaghyan u nungwa nungwa u ndôhôrshima ngu ken ugbande vev;

Yesaia 66:3

Or u nan woo bua yô, nan ngu er or u nan woo or nahan; or u nan ne nagh ku sôngon sha tuleiyôngo yô, nan ngu er or u nan sombo aniwa mon yô; u nan ve a nagh ku sha samuyia yô, nan ngu er or u nan ve a nagh ku awambe a igogh nahan; man or u nan ve a kwaghhumandoon sha ci u nagh ku umbur yô, nan ngu er or u wuese akombo nahan. Er ve tsough igbenda i sha asema a ve, uma ve kpaa a ember sha akaa a ve a hôngorough nahan,

Yeremia 16:18

Nahan Me vande oron ve iyev á kuma kwa har sha iferkwagh ve kua isholibo ve, sha ci u ve hôngor tar Wam sha akom a akaa a ve a ndôhôr shima, man ve mgbough dyako Wam a akaa a ve a hôngorough la.

Levitiku 19:6

Iyange i á na ku la, ka iyange la je, á ya ku ye, kua kpernan kpaa; kpa ma kwagh u una tsa her, á kuma ayange atar yô, i̱ nande un sha usu.

Levitiku 19:8

or u nana ya un yô, nana lu a ibo iyol, sha ci u nan hôngor a icighankwagh u TER yô; i̱ dugh or la ken nongo u nan kera.

Levitiku 22:23

Gumbua shin gumiyôngo u a lu a ilyeegh ki ki lihi ki gande inya, shin ki ki yen yô, u fatyô u va nan nagh ku sha ishima i dedoo mi, kpa a lu nagh ku sha iceghzwa yô, á rumun un ga.

Levitiku 22:25

Man de ngohol nen anza la sha ikev i or u tar gen sha u va nan nagh ku kwaghyan u Aôndo a mi ga; gadia mlu u a u wang ga la ngu ken a; ihogholough ki sha a, á rumun a sha ci wen ga.