Levitiku 19:3 - ICIGHAN BIBILO

³ Hanmô wen nana̱ cian ngô u nan kua ter u nan; waan nen ayange a memen a Am ikô; ka Mo TER M lu Aôndo wen ye.

Levitiku 19:3 Iomraidhean Croise

Genese 48:12

Tsô Yosev ker ve hen anu na kera yô, a gure a kuma ityough inya.

Nehemia 9:14

U pase ve icighaniyange i memen You man U wa ve atindi man akaawan kua atindiakaa sha ikev i wanakiriki Wou Mose;

Ekesodu 16:29

Nenge, er TER A ne ne iyange i memen yô, nahan sha iyange i ataratar la, ka A na ne kwaghyan a kuma ayange ahar. Yô, hanma or nana lu hen ijiir i nan, or môm nana de kera duen hen ijiir i nan sha iyange i ataankarahar la ga.

Ekesodu 20:12

Civir teru man ngôu, er á seer we ayange ken tar u TER, Aôndo wou, A lu nan we yô.

Ekesodu 20:8

Umbur iyange i memen sha er u tsegha i yô.

Ekesodu 21:15

Or u nan gbidi ter u nan shin ngô u nan yô, i̱ wua nan kpee je.

Ekesodu 21:17

Or u nan toho ter u nan shin ngô u nan yô, i̱ wua nan kpee je.

Anzaakaa 1:8

Wan wam, ungwan ityesen i teru, tindi u ngôu kpaa, de te un kera ga;

Anzaakaa 23:22

Ver ato sha teru u a mar u yô, de lahan ngôu shighe u a bee iyol la ga.

Anzaakaa 30:11

Kov ugen ngu u u we ter ve ifan, man shi u kera veren ngô ve doo doo kpa ga yô,

Anzaakaa 30:17

Ishe i i naha ter u i tar, man ii laha u wan ngô u i iko yô, ugugôô mba shin pev vea dugh i, ônov mba gafa kpaa vea ya i.

Yesaia 58:13

Aluer wea hide a nguhar wou ijime sha iyange i memen, wea kera er tom wou sha icighanyange Yam ga, aluer wea yila iyange i memen wer: Ka kwagh u saren mo, man ka icighanyange i TER, kwagh u icivirigh je, man ú civir i, er ú kera za sha igbenda you ga, shin ú ker ian sha ci u tom wou ga, shi ú kera ôr akaa a ou kpaa ga yô,

Esekiel 20:12

Man shi M na ve ayange a memen a Am sha u a̱ lu ikav her atô Wam a ve, sha u ve̱ fa er Mo TER M tsegh ve yô.

Levitiku 11:44

Gadia ka Mo M lu TER Aôndo wen; nahan tsegha nen ayol a en, lu nen uicighanmbaiorov je, gadia Mo M ngu icighan je; yô, de hôngor nen ayol a en sha inyarev mbi mbi kper a kpela inya ga.

Levitiku 19:25

Inyom i sha utaan la yô, ya nen atam a i, sha er ia seer umen ne atam yô; ka Mo TER M lu Aôndo wen ye.

Levitiku 19:30

Waan nen ayange a memen Am iko; civir nen icighanjiir Wam; ka Mo TER.

Levitiku 19:31

De ze nen hen ujijingi mba mbakpenev ga, shin mbatsenganpasen akaa kpaa ga, de keren nen ve sha er né hôngor ayol a en sha ve ga; ka Mo TER M lu Aôndo wen yen.

Levitiku 19:34

Shiror u a lu her a ven yô, a̱ lu ne er ka or u tar la jim yô, a̱ doo u ishima er iyol you nahan; gadia ne kpaa ngise ne lu ushirmbaiorov ken tar u Igipiti; ka Mo TER M lu Aôndo wen ye.

Levitiku 23:3

I̱ eren tom ayange ataratar, kpa iyange i ataankarahar la, ka iyange i memen i kôron ma tom ave ga, ka icighanmkohol; de eren nen ma tom ga; ka iyange i memen i TER ken ajiir a en a ne tem cii.

Levitiku 26:2

Waan nen ayange a memen a Am iko; civir nen icighanjiir Wam; ka Mo TER.

Malaki 1:6

Wan civir ter na, ortom kpaa civir orvesen na; aluer Mea lu ter yô, icivir Yam ngi hana? Man aluer Mea lu orvesen yô, mcia u i ciem ngu hana? Kape TER u akum a Sha A kaa a ven ne, upristi mba ne lahan iti Yam la; nahan kpaa ne kaa ner: Se laha iti You hana?

Duteronomi 27:16

Ifan i̱ kôr or u nan laha ter shin ngô u nan la. Ior cii ve̱ rumun er: Amen.

Duteronomi 5:16

Civir teru man ngôu er TER, Aôndo wou, A kaa u nahan, sha er á seer we ayange man á kpe u iyol ken tar u TER, Aôndo wou, A lu nan we yô.

Mbaheberu 12:9

Kwagh ugen yô, se lu a uter asev mba ken iyol, ve lu kôôm se, se lu ungwan imo ve man hire Ter u ujijingi la, se kera hemba ungwan imo Na man se lu uma ye gaa?