Levitiku 19:16 - ICIGHAN BIBILO

¹⁶ De zenden anger hen ior ou ga, de nenge u haan awambe a or u nan we ndor a we ga; ka Mo TER.

Levitiku 19:16 Iomraidhean Croise

Yobu 17:5

Or u nan pase kwagh u akar a nan, nan ne a ibo sha u zuan a kwagh yô, ashe a ônov mba nan kpaa, aa hungwa ikôr.

Upasalmi 101:5

Or u nan eren anger ken myer sha orwanndor a nan yô, me tim nan kera; man or u nan manger man nan kehen ityough yô, me wa ishima a nan ga.

Upasalmi 15:3

nan eren anger sha zwa u nan ga, nan eren huror u nan ifer ga, man nan we or u wan ndor a nan akaadang iyol ga;

Upasalmi 50:20

Ka u tema u teren anngôu dang, u eren anger sha wan u ngô u a mar je.

Ekesodu 20:16

De we or u wan ndor a we aie iyol ga.

Ekesodu 23:1

De samber a gwa u aiegh ga; de te ken iferor, hingir orshiada u aperagh ga.

Ekesodu 23:7

Lu ca a kwagh u aiegh; de woo orishôôgh man orperapera ga; gadia Me na oriboogh ishô ga.

Anzaakaa 10:18

Or u nan yer ihom yô, nan ngu a ityumbuzwaagh i aiegh je; man shi u nan er anger yô, ka ibumeor.

Anzaakaa 11:13

Or u nan zenden anger yô, nan ngu pasen akaamyer, kpa or u nan lu a jijingi u mimi yô, ka nan cir kwagh.

Anzaakaa 20:19

Or u nan zenden anger yô, ka nan pasen akaamyer, nahan yô, de nyer nongo a or u lamen yum ga.

Yeremia 6:28

Ve cii, ka mbahendan tsung je, mba zenden anger; ka togula man iyôgh ki iligh ve lu ye; ve cii ka mbaeren dang je.

Yeremia 9:4

Hanma or nana̱ er teghelee sha huror u nan, de kera suur sha ma anmgbian ga, gadia hanma huror nan zenden anger.

Esekiel 22:9

Mbaangerev tema ken a we sha u haan awambe, man ve ya kwagh sha iwo ken a we, ve er ijimba ker atô wou.

Mateu 27:4

a kaa er: M er isholibo sha er m nenge mker sha awambe a or u ishôôgh yô. Kpa ve kaa er: Kwagh wase ngu sha mi hana? Mase shin kwagh wou tsô.

Duteronomi 27:25

Ifan i̱ kôr or u nan ngohol injar sha u wuan or u nan lu a ibo ga la. Ior cii ve̱ rumun er: Amen.

1 Timoteu 3:11

Kape kasev kpaa, ve̱ lu mbamimi je la, ve̱ de lu mbaangerev ga, ve̱ lu mbakundunasema, ve̱ lu jighjigh ken akaa cii.

WASHIKA U SHA UHAR U PAULU APOSTOLI TINDI HEN TIMOTEU - 2TI 3:3

man mbalun a dooshima ga man mba ve soo u himen iyongo kpaa ga man mbaerenangereke man mbakôron ayol a ve tsaha ga man anomaior a bo man mba kwagh u dedoo a doo ve ga

Titu 2:3

Kape kasev mba tamen kpaa ve̱ lu la, mlu ve a̱ kuma icivir, ve̱ de eren angereke ga, ve̱ de lu mba msôrom ma ye tor sha a ve ga, kpa ve̱ tesen akaa a dedoo.

1 Peteru 2:1

Nahan undu nen hanma ifer man hanma icugh man imanger man iwuhe man angereke cii kpaa,

1 Samuel 24:10

Nenge, nyian yô, u nenge sha ashe ou je er TER A ne u sha ikev yam nyian ken bar ne yô; mbagenev je yô, ve kaa a mo er, m̱ wua u; kpa m de u; m kaa mer, me bende uwegh agh sha terem ga, gadia un ka or u TER, u i shigh un mkurem je.