Levitiku 19:12 - ICIGHAN BIBILO

¹² De bumun iti Yam sha aie geman hôngor a iti i Aôndo wou ga; Ka Mo TER.

Levitiku 19:12 Iomraidhean Croise

Upasalmi 15:4

sha mnenge u nan yô, dangor ka nan kwagh u lahan je; kpa nan ngu civir mba ve cie TER. Ka nana bum yô, shin a hingir u kwagh á va tser nan kpaa, nan gema kposo ga;

Ekesodu 20:7

De teren iti i TER Aôndo wou dang ga; gadia or u nan teren iti i TER dang dang yô, Una na nan ishô mayange ga.

Yesaia 48:1

Ungwa nen kwagh ne, we ya u Yakob, ne mba ne yer ayol a en sha iti i Iserael yô, man ne dugh ken mngerem ma Yuda, ne mba ne bumun iti i TER, man ne teren Aôndo u Iserael, kpa i lu sha mimi ga, shin sha perapera kpaa ga.

Yeremia 34:16

kpa ne gema shi ne hôngor a iti Yam, sha er hanmô wen shi nan hidi a kpan u nan u nomso man kpan u nan u kwase, u lu ne pase ne tuhwa sha ishima ve la; ne gema ve, hingir ne ikpan i nomso man i ukase.

Yeremia 4:2

Tsô u bum wer: Er TER A lu u uma yô, sha mimi man sha ijirôron i mimi kua sha perapera; nahan akuraior aa ver ayol a a doo doo ken a Na, shi ka ken a Na aa ta ihagh kpaa ye.

Yeremia 5:2

Shin vea kaa er: Er TER A lu u uma ne, nahan kpa mba bumun sha aie.

Yeremia 7:9

Ne gema ne ii, ne wua or, ne er idya, ne bum sha aie, ne nande Baal nagh, ne dondo mbaaôndo mbagenev mba ngise ne fa ve ga,

Levitiku 18:21

De ne mô wan wou sha u i̱ kar a nan ken usu sha ci u Moleki ga, de hôngor a iti i Aôndo wou ga; ka Mo TER.

Levitiku 20:3

Me kera saan ishigh a or la ga, Me kar a nan ken nongo u nan kera, sha ci u nan ne Moleki wan u nan, nan hôngor a icighanjiir Wam shi nan hee icighanti Wam kpaa yô.

Levitiku 24:11

Tsô or u ngô na lu wan Mbaiserael la ter ITI la dang, gba tuhwan; nahan i va a na hen Mose. Iti i ngô na er Shelomiti wan u Diberi u ken kwe u Dan.

Levitiku 6:3

shin nana zua a kwagh u a saa, man nana gema á tuna; shin nana bum sha aie yô; sha hanma kwagh u or a fatyô u eren isholibo sha mi yô;

Sekaria 5:3

Tsô a kaa a mo er: Ngun ka ifan i, i dugh i lu zenden sha tar cii yô, gadia hanma or u nan iin yô, ka sha i á tim nan kera hegen ye; hanmô u nan bumun kpaa, ka sha i á tim nan kera hegen ye.

Sekaria 5:4

Me na ia due, kape TER u akum a Sha A kaa ne, ia nyôr ken iyou i ormbaiv man ken iyou i or u bumun iti Yam sha aie; ia tema ken atô u iyou i nan, ia nande i puru a ikpande i i kua awen a i kpaa.

Malaki 3:5

Me kporom her a ven sha u ôron ijir, Me lu Orshiada fese je sha mbaahiriv man sha udyambaiorov man sha mbabumun sha aie man sha mba ve kighir or u eren tom sha tôndo sha injar i nan, kua kwasecôghol man wancôghol kpaa, man mba ve daan shiror kera, man ve ciem ga, kape TER u akum a Sha A lu kaan ne.

Duteronomi 5:11

De teren iti i TER, Aôndo wou, dang ga; gadia or u nan teren iti i TER dang dang yô, Una na nan ishô mayange ga.

Yakobu 5:12

Kpa kwagh u a hembe cii yô, anmgbianev av, de bumun nen ga, shin a lu sha kwavaôndo shin a lu sha tar shin mbum ugen kpaa ga, kpa “een” wen yô, a̱ lu “een” man “ei” wen kpaa shi a̱ lu di “ei” je, sha u né va gba ken ibo i yan ga yô.