Levitiku 19:11 - ICIGHAN BIBILO

¹¹ De iin nen ga, man de eren nen aie ga, man de tsughun nen ayol a en ga.

Levitiku 19:11 Iomraidhean Croise

2 Samuel 17:20

Tsô mbayev mba Abesalom va hen kwase la hen ya, ve pine er: Ahimaashi man Yonatan mba hana? Kwase la kaa a ve er: Ve per uwagh. Nahan ve ker, kpa ve fatyô ga, tsô ve hide ken Yerusalem.

1 Utor 13:18

Tsô a gema a kaa a na er: Mo kpaa, m ngu profeti er we nahan; man ortyom ôr kwagh a mo sha imo i TER, er: Hide a na hen ya wou, a̱ va ya kwagh, a̱ ma mngerem kpaa. Kpa lu tsughun un a tsugh.

Upasalmi 101:7

Or u nan eren kwagh sha icugh yô, nana lu ken ya wam ga; man or u nan eren aie kpaa, nana kera tema sha ishigh yagh ga.

Upasalmi 116:11

Er kondom iyol yô, m kaa mer: Ior cii ka mbaaiev.

Ekesodu 20:15

De iin ga.

Ekesodu 20:16

De we or u wan ndor a we aie iyol ga.

Ekesodu 20:17

De tem ya u or u wan ndor a we ga, shi de tem kwase u or u wan ndor a we ga, shin or u shiren nan tom, shin kwase u eren nan tom, shin bua u nan, shin jaki i nan kpaa, kwagh môm môm u a lu u or u wan ndor a we yô, de tem ga.

Ekesodu 22:1

Aluer or ii bua shin iyôngo nana sôngo, shin nana tee yô, nana̱ kimbi ibua itian sha bua u môm la, man iyôngo inyiin sha iyôngo i môm la.

Ekesodu 22:7

Aluer or á na orgen inyaregh shin akaa agen er nan koso man i va ii a hen ya u or la yô, a̱ zua a ormbaiv la yô, nana̱ kimbi kwa har.

Ekesodu 23:1

De samber a gwa u aiegh ga; de te ken iferor, hingir orshiada u aperagh ga.

Anzaakaa 24:28

De luun orshiada sha or u wan ndor a we a ityôikaa ga ze, shin ú er aie sha zwa wouee?

Yeremia 6:13

Gadia hii sha u kiriki zan zan ar sha u vesen, hanmô ve cii maa nan iyol sha mtsera u dang; man hii sha profeti zan zan ar sha pristi, hanmô ve cii, nan ngu eren kwagh sha icugh.

Levitiku 19:10

De yaren twar hen sule wou u wain ga, shi de kor atam a sule wou u wain a a hee inya la kpaa ga, undu a her sha ci u icanor kua shiror; ka Mo TER M lu Aôndo wen ye.

Mbaromanu 3:4

Mayange ga, Aôndo A̱ lu u mimi shin er ior cii ve lu mbaaiev nahan kpaa; kape i nger kpaa la er: Ka sha u Ú lu a ishô sha akaaôron a Ou yô, shi Ú hemba sha ijir i U yer la kpaa yô.

Mbaefese 4:25

Nahan yô, dugh nen aie kera, hanma or nana̱ ôron kwagh sha mimi a or u nan we ndor a nan yô gadia se mba alegh ayol a ase.

Mbaefese 4:28

Or u iin nana̱ de kera shi iin ga, kpa guda yô, nana̱ nôngo tsung, nana̱ er tom u mimi sha ave a nan, tsô nana lu a kwagh u panden nan orgen u kwagh a gbe nan yô.

Duteronomi 5:19

Man shi de iin ga.

Mbakolose 3:9

De eren nen aie hen ayol a en ga gadia ne dugh tseor kua aeren a na la kera,

1 Timoteu 1:10

man mbaerenidya man mbayaven a nomso man mbaiin ior yemen a mi, man mbaerenaie, man mbabumun sha aie, man shi mbaeren hanma kwagh ugen cii u alu sha ityesen i dedoo la ga yô.

Mpase U Yohane 21:8

Kpa mbaciankwagh man mbanan jighjigh ga, man mba kwagh ve a ndôhôr ishima la man mbawuanior man mbadyarev man mbaahiriv man mbacivirakombo man mbaerenaie cii, kwar ve ngu ken ber u a lu hian sha usu man sulfur, ka ku u sha uhar je la.