Levitiku 19:10 - ICIGHAN BIBILO

¹⁰ De yaren twar hen sule wou u wain ga, shi de kor atam a sule wou u wain a a hee inya la kpaa ga, undu a her sha ci u icanor kua shiror; ka Mo TER M lu Aôndo wen ye.

Levitiku 19:10 Iomraidhean Croise

Yesaia 17:6

Nahan kpaa á undu twar her, er ka i ndoor kon u olev, atam ahar shin atar a shi sha agbaa a sha man anyiin shin ataan sha agbaa a umen atam la, kape TER, Aôndo u Iserael A kaa la.

Yesaia 24:13

Gadia kape á va lu shin tar hen akuraior je la, er mndoor u kon u olev nahan man er twaryaren u atam a ikon i wain zum u i bee sunda kera yô.

Yeremia 49:9

Aluer mbasundan atam a wain vea va hen a we yô, vea kera shi ma kwagh her er á yar twar ga. Aluer mbaiv va tugh yô, vea vihi akaa kera, zan zan á kuma ve.

Levitiku 11:44

Gadia ka Mo M lu TER Aôndo wen; nahan tsegha nen ayol a en, lu nen uicighanmbaiorov je, gadia Mo M ngu icighan je; yô, de hôngor nen ayol a en sha inyarev mbi mbi kper a kpela inya ga.

Levitiku 19:11

De iin nen ga, man de eren nen aie ga, man de tsughun nen ayol a en ga.

Levitiku 19:25

Inyom i sha utaan la yô, ya nen atam a i, sha er ia seer umen ne atam yô; ka Mo TER M lu Aôndo wen ye.

Levitiku 19:9

Zum u nea sundan iyiav mbi ken ishule yen kpaa, de sondo ken ikpisule you been ga, de yaren twar hen akumbe ou kpaa ga.

Levitiku 23:22

Zum u nea sunda iyiav mbi ken ishule yen yô, de sondo ken ikpisule you been ga, shi de yaren twar ken akumbe a ou kpaa ga, undu her sha ci u icanor kua shiror; ka Mo TER M lu Aôndo wen ye.

Levitiku 25:6

Kwagh u a gbe menden shighe u inya i mem la yô, una hingir kwaghyan wen, sha ci wou man kpan wou u nomso man kpan wou u kwase man or u eren we tom sha tôndo kua shiror u nan nyer u a nyôr la;

Obadia 1:5

Aluer mbaiv vea va her a we, shin mbanumungbenda tugh— nenge, er i tim u kera yô!— vea kera ii kwagh zan zan á kuma ve tsô gaa? Aluer mbasundan atam a wain vea va hen a we yô, vea kera shi kwagh her, á yar twar gaa?

Mika 7:1

Kpe ahii! Gadia m hingir er shighe u i vande kohol atam a ikon a fam kera, er twar u yaren sha atam a ikon i wain nahan; sumegh ku atam a wain ku yan, kera ku ga, shin ityamegh ki tur ki tsutswa ki ki sarem yum la kpaa ki ga.

Duteronomi 24:19

Zum u ú sunda iyiagh you ken sule wou man ú hungul ma ile ken sule yô, de hidi wer ú za tôô u ga, u̱ lu sha ci u shiror man wancôghol man kwasecôghol, sha er TER, Aôndo wou, A̱ ver u doo doo sha tom u ave ou cii.

Duteronomi 24:20

Zum u ú gbire olev yô, de kimbir u shi gbiren agbaa ga; kwagh u a shi yô, a̱ lu sha ci u shiror man wancôghol kua kwasecôghol.

Duteronomi 24:21

Zum u ú zôr atam a wain ken sule wou yô, de kera hiden yaren twar ga, a̱ lu sha ci u shiror man ancôghol man kwasecôghol.

Mbaajiriv 8:2

Nahan a kaa a ve er: Ka nyi je m er i kom sha i yene? Twaryaren u Eferaim hemba sunda u Abieser gaa?

Rutu 2:2

Un Rutu, wan u Moabi la, kaa a Naomi er: Ma m ze ken ityev, ma m za yar twar u asagher a uyia hen or u mhôônom maa kôr nan a mo yô. A kaa a na er: Gba zan tsô, wan wam.