Levitiku 18:9 - ICIGHAN BIBILO

⁹ Idyelegh u anngôu u kwase, wan u teru u kwase, shin wan u ngôu u kwase, shin i mar un hen ya, shin a lu pe gen kpaa, de bughun idyelegh na ga.

Levitiku 18:9 Iomraidhean Croise

Esekiel 22:11

Orgen er idya a kwase u or u wan ndor a nan; man orgen hôngor iyol a kwase u wan u nan; man orgen ken a we kpaa nan vihi anngô u nan u kwase, wan u ter u nan.

Levitiku 18:10

Idyelegh u wankwase u wan wou u nomso, shin idyelegh u wankwase u wan wou u kwase, de bughun ga, gadia idyelegh vev ka idyelegh wou je.

Levitiku 18:11

Idyelegh u wankwase u kwase u teru, u teru a mar yô, ka anngôu u kwase je, de bughun idyelegh na ga.

Levitiku 20:17

Man aluer or nana er anngô u nan u kwase, ka wan u ter u nan u kwase, shin wan u ngô u nan u kwase je la, nana nenge idyelegh na, man un kpaa una nenge idyelegh u nan yô, ka kwagh u kunya je; nahan i̱ dugh ve sha ashe a ônov mba nongo ve kera gadia nan bugh idyelegh u anngô u nan u kwase je; nana lu a ibo iyol.

Duteronomi 27:22

Ifan i̱ kôr or u nan yav a anngô u nan u kwase, ka wan u ter u nan u kwase, shin wan u ngô u nan u kwase je la. Ior cii ve̱ rumun er: Amen.