Levitiku 18:2 - ICIGHAN BIBILO

² Ôr kwagh a Mbaiserael, kaa a ve wer: Ka Mo TER M lu Aôndo wen ye.

Levitiku 18:2 Iomraidhean Croise

Genese 17:7

Me taver ikyuryan Yam hen atô Wam a we kua tsombor wou u ken ijime you zan zan sha ikov ikov cii, i̱ lu ikuryan i tsôron; Me lu Aôndo wou kua u tsombor wou ken ijime you.

Upasalmi 33:12

Saan ior mba TER A lu Aôndo ve yô, iyol, ikurior i A tsough i sha u i̱ lu dyako Na la.

Ekesodu 20:2

Ka Mo TER, M lu Aôndo wou, u M dugh a we ken tar u Igipiti, ken ya u ikpan ye.

Ekesodu 6:7

Me ngohol ne, né hingir Mo ikurior, Me lu Aôndo wen; man shi né fa er Mo TER M lu Aôndo wen u M dugh a ven ken tom u ican u Mbaigipiti yô.

Esekiel 20:5

man shi kaa a ve wer: Ter AÔNDO ngu kaan nahan er: Iyange i M tsuwa Iserael la, M bum a tsombor u ya u Yakob, man M pase iyol Yam her a ve ken tar u Igipiti, M bum a ve, Mer: Mo M ngu TER, Aôndo wen.

Esekiel 20:7

M kaa a ve Mer: Hanma or ker a ven, nana̱ haa akaa a ndôhôrshima a sha ashe a nan kera, man de kera hôngor nen ayol a en sha akombo a Igipiti ga, ka Mo M lu TER, Aôndo wen.

Levitiku 11:44

Gadia ka Mo M lu TER Aôndo wen; nahan tsegha nen ayol a en, lu nen uicighanmbaiorov je, gadia Mo M ngu icighan je; yô, de hôngor nen ayol a en sha inyarev mbi mbi kper a kpela inya ga.

Levitiku 18:1

TER shi ôr kwagh a Mose, kaa er:

Levitiku 18:30

Nahan yô, waan nen kwagh u M we ne ne iko, sha u de eren nen ma kwagh u ken aeren a hôngorough ne ga, a i vande eren, er ne, ne lu a va ga la, sha er ne̱ de hôngor ayol a en sha mi ga yô; ka Mo TER M lu Aôndo wen ye.

Levitiku 18:4

Ka akaaôron a Am a jirigh, eren nen sha mi ye; man shi ka akaawan a Am kpaa, waan nen a iko, zenden nen sha mi ye; ka Mo TER M lu Aôndo wen ye.

Levitiku 19:10

De yaren twar hen sule wou u wain ga, shi de kor atam a sule wou u wain a a hee inya la kpaa ga, undu a her sha ci u icanor kua shiror; ka Mo TER M lu Aôndo wen ye.

Levitiku 19:34

Shiror u a lu her a ven yô, a̱ lu ne er ka or u tar la jim yô, a̱ doo u ishima er iyol you nahan; gadia ne kpaa ngise ne lu ushirmbaiorov ken tar u Igipiti; ka Mo TER M lu Aôndo wen ye.

Levitiku 20:23

De dondon nen aeren a ikurior i M lu va zendan i sha ishigh yenegh kera ne ga; gadia akaa ne cii ve er a, nahan ve ndôhôr Mo ishima.

Levitiku 20:7

Nahan tsegha nen ayol a en, lu nen uicighanmbaiorov; gadia ka Mo TER M lu Aôndo wen ye.