Levitiku 17:6 - ICIGHAN BIBILO

⁶ Pristi a̱ mishi awambe la sha atse a TER hen hunda u tenti u kohol ker la, shi a̱ nande ahôm, i̱ lu TER ihuma i dedoo.

Levitiku 17:6 Iomraidhean Croise

Ekesodu 29:13

Tôô ahôm a a cir ikav mbi kimi la cii, kua ishwalegh ki mtema man ahi ahar kua ahôm a sha mi la, nande sha atse.

Ekesodu 29:18

Nande nomiyôngo la jimin cii sha atse, ka nagh ku nanden TER, ka ihuma i doon, man nagh ku usugh ku nan TER je la.

Esekiel 44:15

Kpa Mbalevi mba ve lu upristi, ônov mba Sadoki, mba ve lu eren tom ken icighanjiir Wam, zum u Mbaiserael ve kaha ve undum la, ka ve vea kporom her a Mo sha u eren Mo tom man vea tile sha ishigh Yagh sha u nan Mo nagh sha ahôm man awambe, kape Ter AÔNDO A kaa ne;

Levitiku 17:5

sha er Mbaiserael ve̱ vaan a iniav vev mbi ve senge ken toho la, sha ishigh ki TER, hen hunda u tenti u kohol ker la, hen pristi yô; ve̱ sôngo mbi ve̱ naan TER iniav mbi bem.

Levitiku 3:11

Pristi a̱ gema cii, a̱ nande sha atse; ka kwaghyan u nagh ku usugh ku nan TER.

Levitiku 3:13

nana̱ penda uwegh sha ityough ki i, nana̱ sôngo i sha ishigh ki tenti u kohol ker la; ônov mba Aron ve̱ haa awambe a i sha ambusuatsegh, ve̱ ningir ve̱ tser.

Levitiku 3:16

Pristi a̱ gema cii, a̱ nande a sha atse; ka kwaghyan u nagh ku usugh ku human doon je la; ahôm cii ka a TER.

Levitiku 3:2

Nana̱ penda uwegh sha nagh ku nan kura, nana̱ sôngo ku hen hunda u tenti u kohol ker la, upristi, ônov mba Aron, ve̱ haa awambe sha ambusuatsegh ve̱ ningir ve̱ tser.

Levitiku 3:5

Ônov mba Aron ve̱ gema cii, ve̱ nande sha atse, sha nagh ku nanden ku ku lu sha ikon i sha usu la; ka nagh ku usugh ku human doon ku nan TER.

Levitiku 3:8

nana̱ penda uwegh sha nagh ku nan, nana̱ sôngo ku sha ishigh ki tenti u kohol ker la; ônov mba Aron ve̱ haa awambe a ku sha ambusuatsegh ve̱ ningir ve̱ tser.

Levitiku 4:31

ahôm cii yô, a̱ kura a sha, er ka i kura ahôm a nagh ku sôngon ku bem la nahan; pristi a̱ na iwon sha ci u nan, nahan á de nan isholibo i nan.

Numeri 18:17

Kpa wanbua u iunda, shin waniyôngo u iunda, shin wanivo u iunda yô, de paan ve ga; ve ka uicighanmbaakaav je, haa awambe ve sha atse a nanden nagh sha mi, gema ahôm a ve nande TER nagh ku usugh ku human doon a mi.