Levitiku 17:10 - ICIGHAN BIBILO

¹⁰ Hanma or u hen ya u Iserael shin u hen ushirmbaiorov mba ve nyer a nyôr ve yô, u nan ye ma awambe yô, Me kera saan ishigh a u nan ye awambe la ga, Me dugh nan ken nongo u nan kera.

Levitiku 17:10 Iomraidhean Croise

Genese 9:4

Saa di inyam kua uma u i tsô, ka awambe a i je la, de ye nen ga.

2 Samuel 23:17

Shi a kaa er: TERE, me er nahan mayange ga, kera ka awambe a ior mba ve te uma ve kera gaa? Nahan a rumun u man ga. Ka kwagh u anomaior atar la er je ne.

Upasalmi 34:16

TER tsughur ishigh a mbaerenkwaghbo, sha u Un a tim m-umbur u ma i umbur ve sha won la kera yô.

Ekesodu 30:33

Hanma or u nana nungwa magenem er ma nahan, shin hanma or u nan haa or u ken inya ma iyol yô, i̱ dugh nan ken nongo u nan kera.

Yeremia 21:10

Gadia M gema ishigh M ver sha gar ne, ka sha u eren un kwagh u vihin, ka kwagh u dedoo ga, kape TER A kaa ne: á gema un á na sha ikev i tor u Babilon, una nande un sha usu.

Yeremia 44:11

Nahan yô, TER u akum a Sha, Aôndo u Iserael, ngu kaan nahan er: Nenge, M gema ishigh M ver sha aven ka sha u eren ne kwagh u vihin, ka sha u timin Yuda cii kera.

Esekiel 14:8

Me ver ishigh sha orshon la, Me gema nan, nana hingir kwagh u kpilighyol man kwagh u veren ishor sha min. Me dugh nan ken atô u ior Av kera, man nea fa er Mo M lu TER ye.

Esekiel 15:7

Me ver ishigh Yagh sha a ve sha ihom; ve due ken usu, nahan kpaa usu ua hia ve; man vea fa er Mo M lu TER ye, zum u Me ver ishigh Yagh sha a ve sha ihom la.

Esekiel 33:25

Nahan yô, kaa a ve wer: Ter AÔNDO ngu kaan nahan er: Ne mba yan inyam a awambe ker, man ne mba kenden ashe a en sha sha akombo a en, shi ne mba haan awambe inya kpaa; nahan kpaa tar ne ua shi á lu dyako wene?

Esekiel 44:7

sha ci u ne nyer a atôatyev a a tsenge ken asema ga, man shi sha mlu u iyolough kpaa a tsenge ga yô, ner, a̱ tema ken icighanjiir Wam, a̱ hôngor a iyou Yam, zum u ne va a kwaghyan Wam, ahôm man awambe la, sha u a̱ vihi ikuryan Yam, seer sha aeren a ou a ndôhôrshima la cii.

Levitiku 17:11

Gadia uma u inyam yô, ka ken awambe a lu ye, Mo M na ne a sha atse a nanden nagh sha mi, sha u nan iwom a mi sha ci u uuma enev; gadia awambe nga ne iwom sha uma u a la.

Levitiku 19:26

De ye nen ma kwagh kua awambe a na ga; de kpehen nen ishor ga, shi de eren nen ahir kpaa ga.

Levitiku 26:17

Me kera saan ishigh a ven ga, mbaihomov enev vea hemba ne; mbakôron ne ihom vea tema tor sha a ven; né gbaa yevese tsô, or kpaa nana zendan ne ga.

Levitiku 3:17

Ka tindi u eren nahan gbem sha won sha ikov ikov ken uya enev cii: De ye nen ahôm man awambe mayange ga.

Amoshi 9:4

Shin vea yem uikangen sha ishigh ki mbaihomov vev kpaa, shi Me kaa sanker her una wua ve; Me ver ashe sha a ve sha u eren ve kwagh u bo, á kera lu kwagh u dedoo ga.

Aerenakaa A Mbaapostoli 15:20

kpa se nger nen ve kwagh ser, ve̱ nyagh ihôngor i akombo, man idya man kwagh u i senge a sôngo ga la, kua awambe.

Aerenakaa A Mbaapostoli 15:29

Nyagh nen akaa a i senge sha akombo yô, man awambe kpaa, man kwagh u i senge a sôngo ga yô, man shi idya kpaa; aluer ne nyaghen akaa ne nahan yô, á kpe ne iyol je. Lu nen doo doo.

Duteronomi 12:16

Kpa awambe yô, de ye nen a ga, haa nen a inya er mngerem nahan.

Duteronomi 12:23

Ver ishima de ye awambe la mayange ga, gadia ka awambe je a lu uma ye, de ye uma a inyam imôngo ga.

Duteronomi 15:23

saa awambe na tsô, de ye a ga, haa a inya er mngerem nahan.

Mbaheberu 10:29

Ne mba nengen nana? Or u nan ndyar Wan u Aôndo shin angahar a nan shi nan nenge er awambe a ikuryan a i tsegh nan sha mi la ka kwagh u hôngorough man shi nan laha Jijingi u mhôôn la yô, mtsaha u nan una kpen vihin nan sha wonoo?

1 Samuel 14:32

Tsô ior ta sha ishar, ve kôr iyôngo man ibua kua anibuav, ve sôngo hen inya; ior gba yan awambe.

1 Samuel 14:33

Tsô i kaa Saulu er: Nenge, ior mba eren TER kwaghbo sha er ve ye inyam kua awambe kpaa yô. Tsô a kaa er: Ne er kwagh u dang; va nam nen zegeiwen hegen.