Levitiku 15:5 - ICIGHAN BIBILO

⁵ Hanma or u nana bende a gambe u nan kpaa, nana̱ ôô akondo a nan man nana̱ ôô iyol i nan sha mnger kpaa, nana kera lu wang ga zan zan iyange la ia kar been.

Levitiku 15:5 Iomraidhean Croise

Upasalmi 26:6

Me nyian ishô iyol; ka nahan man me ningir sha atse a Ou a nanden nagh sha mi ye, TERE;

Upasalmi 51:2

Ôôm iferkwagh yam kera ca ca, wanger mo sha isholibo yam.

Upasalmi 51:7

Wanger mo sha hisop, tsô me hingir wang; ôôm, tsô me kungu, á hemba senou je.

Ekesodu 19:10

Tsô TER kaa a Mose er: Za hen ior, za tsegha ve nyian kua kper, ve̱ ôô akondo a ve kpaa,

Yesaia 1:16

Ôô nen ayol, wanger nen ayol a en; kar nen a ifer i aeren a en sha ishigh Yagh kera; de nen akaabo a eren;

Yesaia 22:14

TER u akum a Sha A pase iyol Na sha ato am er: Mimi je, á paa ne sha ibo ne ga zan zan né kar kpen, kape Ter A kaa ne, TER u akum a Sha.

Esekiel 36:25

Me mishi ne mngerem ma wang, nahan né wanger; Me wanger ne sha ihôngor yen kera cii, man sha akombo a en cii kpaa.

Esekiel 36:29

Me yima ne sha mhôngor wen cii; Me yila samuyia, ua ngee, Me kera na ne ijen ga.

Levitiku 11:24

Ka akaa a á na ne, né kera lu wang ga ne, anti or u nana bende a mô ve u a kpe yô, nana kera lu wang ga zan zan iyange ia kar been;

Levitiku 11:25

anti or u nana tôô mô ve u a kpe yô, nana ôô akondo a nan, nana kera lu wang ga zan zan iyange ia kar been.

Levitiku 11:28

Man u nan tee gundu u i la kpaa, nana̱ ôô akondo a nan, nana kera lu wang ga zan zan iyange ia kar been; i̱ lu ne akaa a a lu wang ga yô.

Levitiku 11:32

Man shi hanma kwagh u mô ve u kpen, a gbe sha mi yô, una kera lu wang ga, shin a lu ikagh ki konough, shin akondo, shin ikôvough, shin iba; hanma ikagh ki i eren tom a ki cii, i̱ wa ki shin mnger kia lu wang ga zan zan iyange ia kar been, man kia wanger ye.

Levitiku 13:34

Sha iyange i ataankarahar la, pristi a̱ nenge lagh la; aluer lagh una seer a seer sha kwavyolough ga, man aluer una lu er a saa sha kwavyolough yô, pristi a̱ pase er nan ngu wang, nana̱ ôô akondo a nan, tsô nana lu wang je.

Levitiku 13:6

sha iyange i ataankarahar la, pristi a̱ shi a̱ nenge nan, nahan aluer kwagh u a dugh nan iyol la una hingir fing, una seer a seer sha kwavyolough ga yô, pristi a̱ pase er nan ngu wang; ka iyolkuran tsô, nana̱ ôô akondo a nan, tsô nana lu wang.

Levitiku 14:27

man pristi a̱ er mkurem ma ma lu sha ikevwe na i imese la, sha ihôwe na u ken iyan a̱ mishi kwa u taan kar uhar sha ishigh ki TER;

Levitiku 15:18

Man kwase kpaa u nom a yav a nan a vese nan yô, ve uhar cii, ve̱ ôô iyol sha mnger, vea kera lu wang ga zan zan iyange ia kar been.

Levitiku 15:4

Hanma gambe u or u kwagh a dugh nan ken iyol la, nana yav sha mi yô, una kera lu wang ga; man hanma kwagh u nana tema sha mi cii kpaa, una kera lu wang ga.

Levitiku 15:6

Or u nana tema sha hanma kwagh u or u kwagh a dugh nan ken iyol la nan tem sha mi yô, nana̱ ôô akondo a nan man nana̱ ôô iyol i nan sha mnger kpaa, nana kera lu wang ga zan zan iyange ia kar been.

Levitiku 16:26

Man or u nana za pase kpev u Asasel la, nana ôô akondo a nan, shi nana̱ ôô iyol sha mnger kpaa, ken masetyô yô, nana̱ nyôr ken afo.

Levitiku 16:28

Or u nana nande la kpaa, nana̱ ôô akondo a nan, shi nana̱ ôô iyol i nan sha mnger; ken masetyô yô, nana nyôr ken afo.

Levitiku 17:15

Hanma or u nan ye kwagh u a kpe a kpe, shin kwagh u inyamikume i woo yô, shin a lu or u tar la jim, shin a lu shiror kpaa, nana̱ ôô akondo a nan, shi nana̱ ôô iyol sha mnger kpaa, nana kera lu wang ga, zan zan iyange ia kar been man nana hingir wang ye.

Numeri 19:10

Or u a kor mtwem ma tulebua la, a ôô akondo a na, una kera lu wang ga zan zan iyange ia kar been; Mbaiserael cii kua shiror u nan va nyer ve a nyôr la kpaa, i̱ lu ve tindi u gbem.

Numeri 19:22

Hanma kwagh u or u nan lu wang ga la, nana bende a mi yô, una kera lu wang ga; shi orgen u nan bende a kwagh la kpaa, nana kera lu wang ga, zan zan iyange ia kar been.

Mbaheberu 10:22

Nahan yô, se kporom nen a ishima i mimi, man a jighjigh u nan u lun a akpelan je ga er i mishi asema ase, i wanger imo i bo i ken ishima la kera, shi i ôô ayol a ase sha mngerem ma wang kpaa yô.

Mbaheberu 9:14

man hira awambe a Kristu, Un u A na Aôndo nagh ku lun a ihogholough mape ga, sha iyol Na sha Jijingi u tsôron, aa kera wanger imo i ken asema a en sha aeren a a lu kpenegh la, sha u eren Aôndo u uma tom ga yee?

Mbaheberu 9:26

Luun nahan yô, ma A ye ican acin imôngo hii sha igbetar je. Kpa hegen yô, A ande kwa môm sha mkur u ashighe sha u Una tôô asorabo kera sha nagh ku sha iyol Na la.

Yakobu 4:8

Kporom nen hen Aôndo, Un kpaa, Una kporom her a ven. Wanger nen ave a en, ne mbaasorabo, man shi kile nen asema a en, ne mba asema a lu ne ahar ne.

Mpase U Yohane 7:14

M gema m kaa a na mer: Terem, we u fa. Tsô a kaa a mo er: Mban ka mba ve dugh ken zegecan la yô; ve ôô uriga vev ken awambe a Waniyôngo, ve kungu ve.

1 Samuel 20:26

Nahan kpaa Saulu ôr ma kwagh sha iyange la ga; gadia lu henen er alaghga ma kwagh er un, ngu wang ga; ngu wang ga mimi je.