Levitiku 14:4 - ICIGHAN BIBILO

⁴ pristi a̱ kaa, i̱ va a inyon i uma i̱ wang sha ci u or u á wanger nan la, man kon u sedar man mou u nyian dindee kua hisop.

Levitiku 14:4 Iomraidhean Croise

Upasalmi 51:7

Wanger mo sha hisop, tsô me hingir wang; ôôm, tsô me kungu, á hemba senou je.

Ekesodu 12:22

Yô, tôô nen ikagh i hisop civ nen shin awambe a shin tasa la, shighe nen awambe a shin tasa la sha kpandehunda u sha kua ikpande i ambusu a hunda ihiar la kpaa; mô wen môm nana̱ de kera duen sha hunda u iyou i nan ga, saa sev mbu̱ av.

Levitiku 1:14

Aluer nagh ku nana na TER á lu ku nanden ku sha inyon yô, nana̱ na nagh sha mbaatii shin sha utulembamkunguv.

Levitiku 12:8

Man aluer inyaregh ki nan kia kuma sha gumiyôngo ga yô, nana̱ va a mbaatii uhar shin utulembamkunguv uhar, umôm sha ci u nagh ku nanden, u môm yô, sha ci u nagh ku isholibo, pristi a̱ na iwom sha ci u nan, nahan nana hingir wang.

Levitiku 14:5

Pristi a̱ kaa, i̱ sôngo inyon i môm shin ityegh ki inyaagh sha mngerem ma senen.

Levitiku 14:6

Inyon i uma la yô, a̱ kôr i, shi a̱ tôô kon u sedar man mou u nyian dindee man hisop a̱ mir a inyon i uma la imôngo shin awambe a inyon i i senge sha mngerem ma senen la,

Levitiku 5:7

Kpa aluer inyaregh ki nan kia kuma iyôngo shin ivo ga yô, nana̱ va na TER nagh sha ci u isholibo i nan er la sha mbaatii uhar shin utulembamkunguv uhar, u môm sha ci u nagh ku isholibo, ugen sha ci u nagh ku nanden.

Numeri 19:18

or u nan lu wang yô, nana̱ tôô hisop nana̱ civ shin mnger, nana̱ mishi sha tenti man sha uika cii man sha ior mba ve lu heregh cii kua sha or u nan bende a kuhe, shin nan bende a or u i woo nan yô, shin nan bende a ikom, shin a lu uwar kpaa;

Numeri 19:6

pristi a̱ tôô kon u sedar man hisop kua ikondo i nyian dindee, a̱ gbihi hen atô u usu u lu hian tulebua la.

Mbaheberu 9:19

Gadia Mose yee hanma tindi u ken atindiakaa hen nongoior la cii been yô, a tôô awambe a anibuav man ivo kua mngerem man ul u nyian man hisop, a mishi sha ruamabera kua sha nongoior la cii.