Levitiku 13:6 - ICIGHAN BIBILO

⁶ sha iyange i ataankarahar la, pristi a̱ shi a̱ nenge nan, nahan aluer kwagh u a dugh nan iyol la una hingir fing, una seer a seer sha kwavyolough ga yô, pristi a̱ pase er nan ngu wang; ka iyolkuran tsô, nana̱ ôô akondo a nan, tsô nana lu wang.

Levitiku 13:6 Iomraidhean Croise

1 Utor 8:38

hanma msen man zamber u hanma or u ior Ou Iserael nan zamber yô, aluer hanma or nana fa mvihi u ishima i nan iyol i nan, man nana naregh ave sha iyou ne yô,

1 Utor 8:45

ungwa msen ve kua zamber ve Sha, suwe mimi ve.

Upasalmi 19:12

Mbamtsum yô, ka an nana fatyô u kaven ve? Nam ishô sha mbamtsum mba ken myer la.

Anzaakaa 20:9

Ka anti nana fatyô u kaan er, m wanger ishima yam, m ngu wang, i wanger isholibo yam kera?

Orpasenkwagh 7:20

Gadia ma orperapera môm u shin tar u nan eren kwagh u dedoo nan eren isholibo ga, nan ngu ga.

Yesaia 42:3

Ijinga i hemben Una sombo i ga, mou u imenger u yughur mnyim la kpaa Una pir un ga; Una va a ijirôron sha mimi kpaa.

Levitiku 11:25

anti or u nana tôô mô ve u a kpe yô, nana ôô akondo a nan, nana kera lu wang ga zan zan iyange ia kar been.

Levitiku 11:28

Man u nan tee gundu u i la kpaa, nana̱ ôô akondo a nan, nana kera lu wang ga zan zan iyange ia kar been; i̱ lu ne akaa a a lu wang ga yô.

Levitiku 11:40

Or u nana ya gundu u ki, nana̱ ôô akondo a nan, nana kera lu wang ga zan zan iyange ia kar been; man u nan tee gundu u ki kpaa nana̱ ôô akondo a nan, nana kera lu wang ga, zan zan iyange ia kar been.

Levitiku 13:2

Aluer or á lu a imor sha kwavyolough u nan, shin iyolkuran, shin ma ibeenegh man á hingir angev mbu imandev sha kwavyolough u nan yô, i̱ va a nan hen Aron, shin hen mô u ken ônov nav, upristi;

Levitiku 13:5

pristi a̱ shi a̱ nenge nan sha iyange i ataankarahar la; yô, aluer nan nenge, á lu nan er angev mbula mbu her nahan tsô, mbu seer sha kwav u nan ga yô, pristi a̱ shi a̱ wuhe nan ayange ataankarahar;

Levitiku 13:7

Kpa aluer iyolkuran la ia seer a seer sha kwavyolough er nan vande tesen pristi iyol i nan sha u i̱ wanger nan kera la yô, shi nana̱ kimbir u tesen pristi iyol i nan;

Levitiku 14:8

Man shi or u i lu wanger nan ave la, nana̱ ôô ikondo i nan, nana̱ hondo ice iyol kera ca ca, nana̱ ôô iyol sha mnger, tsô nana hingir wang, man nana mase nyôron ken afo ye; kpa nana̱ tsa ken kungur u tenti u nan ayange ataankarahar.

Mbaromanu 14:1

Or u nan taver sha jighjigh u nan ga la kpaa, rumun nen nan, kpa i̱ de lu sha u hendan kwagh sha anyimanakaa ga.

2 Mbakorinte 7:1

Nahan yô, ne mbadoon mo ishima, er se lu a uityendezwa mban yô, se wanger nen ayol a ase sha hanma kwagh u hôngorough u ken iyol kua ken jijingi cii, se sôr nen mtsegh wase, a̱ hingir vough sha mcie u cian Ter la.

Duteronomi 32:5

Ve er a Na dang, ve kera mba ônov Nav ga, mba a acôghol iyol; ka kov u bo u lun kpe.

Mbaheberu 10:22

Nahan yô, se kporom nen a ishima i mimi, man a jighjigh u nan u lun a akpelan je ga er i mishi asema ase, i wanger imo i bo i ken ishima la kera, shi i ôô ayol a ase sha mngerem ma wang kpaa yô.

Mbaheberu 9:10

Akaa ne yô, lu di sha kwagh u akaayan tsô man akaaman man iyol i ôôn sha igbenda kposo kposo, ka atindi a sha iyol tsô a i we a zan zan shighe u sôron akaa una kar kuman.

Yakobu 3:2

Gadia se cii se mba nenge gbev sha akaa kpishi. Aluer or nana nôngo gbev sha kwaghôron ga yô, nan ngu or u vough je, iyol cii kpaa nana fatyô u kôron i tsaha.