Levitiku 13:5 - ICIGHAN BIBILO

⁵ pristi a̱ shi a̱ nenge nan sha iyange i ataankarahar la; yô, aluer nan nenge, á lu nan er angev mbula mbu her nahan tsô, mbu seer sha kwav u nan ga yô, pristi a̱ shi a̱ wuhe nan ayange ataankarahar;

Levitiku 13:5 Iomraidhean Croise

Ekesodu 29:30

Wan na u nana hingir pristi sha ityough nagh, u nana va nyôr ken tenti u kohol ker la, sha u eren tom ken icighanjiir yô, nana̱ haa ve ayange ataankarahar.

Levitiku 13:4

Aluer ibeenegh kila kia kungu sha kwavyolough u nan man aluer kia lu er ki saa sha kwavyolough, kia nyôr kimi ga, man ice i heregh kpaa ia hingir pupuu ga yô, pristi a̱ wuhe or u kwagh a dugh nan iyol la ayange ataankarahar;

Levitiku 13:6

sha iyange i ataankarahar la, pristi a̱ shi a̱ nenge nan, nahan aluer kwagh u a dugh nan iyol la una hingir fing, una seer a seer sha kwavyolough ga yô, pristi a̱ pase er nan ngu wang; ka iyolkuran tsô, nana̱ ôô akondo a nan, tsô nana lu wang.

Levitiku 14:8

Man shi or u i lu wanger nan ave la, nana̱ ôô ikondo i nan, nana̱ hondo ice iyol kera ca ca, nana̱ ôô iyol sha mnger, tsô nana hingir wang, man nana mase nyôron ken afo ye; kpa nana̱ tsa ken kungur u tenti u nan ayange ataankarahar.