Levitiku 13:43 - ICIGHAN BIBILO

⁴³ Pristi a̱ nenge nan, aluer imor i hen ijiir la, ia nyian fing sha mkpur u ityough ki kpurun ki nan, shin sha icul i kpurun i nan, er imande ka i lu sha kwavyolough nahan yô,

Levitiku 13:43 Iomraidhean Croise

Yesaia 3:17

nahan yô, TER Una haa ônkasev mba Shion lagh sha ihaghtyo, TER Una pase kunya u idyelegh ve ken igbar.

Esekiel 22:26

Upristi nav vihi atindi a Am, ve hôngor a uicighanmbaakaav Av; ve kera pav icighankwagh kposo a kwagh u a lu u tseghan ga la, ga; man shi ve tese ior u kaven mkposo u kwagh u a lu wang ga, a kwagh u a lu wang la, ga; man ve kusu ashe ve sha ayange a memen a Am; i laham, i kera civir Mo ker atô ve ga.

Levitiku 10:10

sha er ne̱ pav icighankwagh kposo, a kwagh u a lu icighankwagh ga yô, kua kwagh u a lu wang ga yô, a kwagh u a lu wang yô.

Levitiku 13:19

man sha ijiir i ivavegh la imor i pupuu ia gema á due, shin ibeenegh ki nyian daalaa yô, i̱ tese pristi;

Levitiku 13:42

Kpa aluer sha ityough ki kpurun kila shin sha icul i kpurun la, ijiir i nyian fing ia lu her yô, ka imande je i dugh nan sha ityough ki kpurun kila, shin sha icul i kpurun la ye.

Levitiku 13:44

ka orimande je, nan ngu wang ga, pristi a̱ pase kpee er nan lu wang ga yô; angev mbu nan sha ityou.