Levitiku 13:2 - ICIGHAN BIBILO

² Aluer or á lu a imor sha kwavyolough u nan, shin iyolkuran, shin ma ibeenegh man á hingir angev mbu imandev sha kwavyolough u nan yô, i̱ va a nan hen Aron, shin hen mô u ken ônov nav, upristi;

Levitiku 13:2 Iomraidhean Croise

2 Samuel 3:29

i̱ hide sha ityough ki Yoabi kua sha ya u ter na cii; ken ya u Yoabi yô, or u duen ihyelegh iyol, shin orimande, shin or u suur sha aga, shin or u kpen ku u ishôm, shin or u banen a kwaghyan, nana̱ de banen ker ga.

2 Utor 5:1

Naaman kurutya u tor u Shiria lu ter na or u injaa kpekpe, lu orcivirigh, gadia ka sha ikev na je TER na Mbashiria mhembe ye, shi a lu or u ageegh u tseen ishima sha kwagh, kpa a lu orimande.

2 Utor 5:27

Yô, imande i Naaman la ia hire ia kôr u kua tsombor wou cii gbem sha won. Nahan a due her a na a imande iyol pung er irkpiigh nahan.

Yesaia 1:6

Hii shin akevangahar zan zan ar sha ityo je, ijiir i dedoo ngi ga, saa agbir man atange, man avav a kô, i kam a ga, ikange a kpaa ga, i leghem a sha mkure kpaa ga.

Yesaia 3:17

nahan yô, TER Una haa ônkasev mba Shion lagh sha ihaghtyo, TER Una pase kunya u idyelegh ve ken igbar.

Levitiku 13:1

TER shi ôr kwagh a Mose man Aron kaa er:

Levitiku 13:3

pristi a̱ nenge angev mbu mbu lu nan sha kwavyolough la; aluer ice i heregh ia hingir pupuu man aluer mbua lu er mbu saa sha kwavyolough tseegh ga, mbu nyôr kimi yô, ka angev mbu imandev je la; pristi una nengen nahan yô, a̱ pase er nan kera lu wang ga yô.

Levitiku 13:8

pristi a̱ nenge, aluer iyolkuran la ia seer a seer sha kwavyolough yô, pristi a̱ pase er nan ngu wang ga, ka imande je.

Levitiku 14:3

pristi a̱ za ken akôngoafogh, pristi a̱ nenge, aluer angev mbu imandev mbu bee orimande la yô,

Levitiku 14:35

orya la nana̱ va kaa pristi er: Mnenge wam yô, angev mbu tsaren mbu ken iyou la.

Levitiku 14:56

man sha imor man iyolkuran kua ibeenegh,

Malaki 2:7

Gadia hemba doon u zwa u pristi ma u kor mfe man ior ma ve ker ityesen ken zwa na, gadia ka ortyom u TER u akum a Sha je.

Numeri 12:10

Ibeenegh ki moughon sha tenti kera yô, Miriam gba imande, hingir pung er senou yô; Aron gema kenger Miriam yô, a kav un a imande iyol.

Numeri 12:12

De deen un a̱ hingir er wan u i mar un kpenegh, a dugh a hee vegher môm ze he!

Mateu 8:4

Yesu kaa a na er: Ver ishima, de kaan ma or ga, kpa yem za tese pristi iyol you, man na nagh ku Mose lu kaa la, i̱ lu ve mpase.

Marku 1:44

A kaa a na er: Ver ishima, de kera ôron ma or kwagh ga, kpa yem za tese pristi iyol you, na nagh sha ci u mwanger u i wanger we yô, er Mose lu kaa nahan, sha u i̱ lu ve mpase yô.

Luka 17:14

Nengen a ve yô, A kaa a ve er: Yem nen, za tese nen upristi ayol a en, ve̱ nenge. Mba moughon a mough u yemen nahan, wanger ve kera kpaa.

Luka 5:14

Tsô A ta un icin er a̱ de ôron ma or kwagh ga; A kaa er: Gba yemen tsô, za tese pristi iyol you, shi na nagh sha ci u mwanger u i wanger we er Mose lu kaa nahan, sha u i̱ lu mpase hen a ve yô.

Duteronomi 24:8

Ver ishima sha angev mbu imandev, wa iko, er akaa cii a Mbalevi mba ve lu upristi yô, vea tese ne; er m kaa ve nahan, kape ver ishima er nen la.

Duteronomi 28:27

TER Una tsaha u sha atundu a Igipiti man imor man lagh man akpev, ú fatyô u waren akaa ne ga.