Levitiku 12:8 - ICIGHAN BIBILO

⁸ Man aluer inyaregh ki nan kia kuma sha gumiyôngo ga yô, nana̱ va a mbaatii uhar shin utulembamkunguv uhar, umôm sha ci u nagh ku nanden, u môm yô, sha ci u nagh ku isholibo, pristi a̱ na iwom sha ci u nan, nahan nana hingir wang.

Levitiku 12:8 Iomraidhean Croise

Levitiku 1:14

Aluer nagh ku nana na TER á lu ku nanden ku sha inyon yô, nana̱ na nagh sha mbaatii shin sha utulembamkunguv.

Levitiku 12:7

pristi a̱ va a mi sha ishigh ki TER, a̱ va na iwom sha ci u nan, tsô nana hingir wang sha mhee u awambe a nan la. Ngun ka tindi sha ci u kwase u nan mar wan u nomso shin u kwase je ne.

Levitiku 13:1

TER shi ôr kwagh a Mose man Aron kaa er:

Levitiku 14:21

Kpa aluer nan lu icanor, nana fatyô u zuan a mi nahan ga yô, nana̱ kôr gumiyôngo môm sha ci u nagh ku iboogh, sha u cian a mi, sha er á na iwom sha ci u nan yô, man shi mwem ma kengese ma ma kom ikaren umôm-ken-upue, ma i nongo mkurem sha mi, sha ci u nagh ku sha samuyia, man logi u mkure môm,

Levitiku 14:22

kua mbaatii uhar, shin utulembamkunguv uhar, er nan fetyô yô; u môm a̱ lu nagh ku isholibo, ugen a̱ lu nagh ku nanden.

Levitiku 15:14

Sha iyange i anigheni la, nana̱ kôr mbaatii uhar, gayô, utulembamkunguv uhar, nana̱ va a mi sha ishigh ki TER, hen hunda u tenti u kohol ker la, nana̱ va na pristi;

Levitiku 15:15

pristi a̱ gema u môm, a̱ na nagh ku isholibo mi, ugen la, a̱ gema a̱ na nagh ku nanden mi; pristi a̱ na iwom sha ci u nan, sha ishigh ki TER, sha ci u kwagh u a dugh nan ken iyol la.

Levitiku 15:29

Sha iyange i anigheni la, nana̱ kôr mbaatii uhar, shin utulembamkunguv uhar, nana̱ va a mi hen pristi hen hunda u tenti u kohol ker la.

Levitiku 4:26

Ahôm a na cii, a̱ nande sha atse, er i eren a ahôm a nagh ku sôngon ku bem la nahan; pristi a̱ na iwom sha ci u nan, sha ci u isholibo i nan er la, nahan á de nan isholibo i nan.

Levitiku 5:11

Kpa aluer inyaregh ki nan kia kuma mbaatii uhar, shin utulembamkunguv uhar ga yô, nana̱ va na nagh sha ci u isholibo i nan er la, sha mwem ma kengese ma ma kom môm-ken-upue u efa, sha ci u nagh ku isholibo; nana̱ de we mkurem sha mi ga, man nana̱ de we ma libano u human doon sha mi kpaa ga, gadia ka nagh ku isholibo.

Levitiku 5:7

Kpa aluer inyaregh ki nan kia kuma iyôngo shin ivo ga yô, nana̱ va na TER nagh sha ci u isholibo i nan er la sha mbaatii uhar shin utulembamkunguv uhar, u môm sha ci u nagh ku isholibo, ugen sha ci u nagh ku nanden.

Mateu 21:12

Yesu nyôr ken tempel u Aôndo, zenda mbateenkwagh man mbayamenkwagh ken tempel cii kera, A mgbegha utebul mba mbamusaninyaregh man mkônom ma mbateenmkungum kera kpaa.

2 Mbakorinte 8:9

Gadia ne fa mrumun u sha mhôôn u Ter wase Yesu Kristu la. A ngee a akaa kpa A gema A hingir or u ibanave sha ci wen, sha u ne ne̱ gema ne̱ hingir mbanyarev sha ibanave Na la.