Levitiku 11:44 - ICIGHAN BIBILO

⁴⁴ Gadia ka Mo M lu TER Aôndo wen; nahan tsegha nen ayol a en, lu nen uicighanmbaiorov je, gadia Mo M ngu icighan je; yô, de hôngor nen ayol a en sha inyarev mbi mbi kper a kpela inya ga.

Levitiku 11:44 Iomraidhean Croise

Upasalmi 99:5

Kende nen TER, Aôndo wase, sha, gure nen inya hen anar Na u pendan angahar sha mi; Un ka Icighan je.

Upasalmi 99:9

Kende nen TER, Aôndo wase, sha, gure civir nen Un sha icighanwo Na, gadia TER Aôndo wase, ka Icighan je. Ka Pasalmi u ishughun

Ekesodu 16:12

M ungwa ivever i Mbaiserael; yô ôr kwagh a ve, kaa ve wer: Aikighe né ya inyam, kper pepe yô, né ya kwaghyan una kuma ne man né fa er Mo M lu Aôndo wen ye.

Ekesodu 19:10

Tsô TER kaa a Mose er: Za hen ior, za tsegha ve nyian kua kper, ve̱ ôô akondo a ve kpaa,

Ekesodu 19:6

Ka ne né lum tartor u upristi kua icighanikurior ye. Ka akaa a ú za ôr Mbaiserael je ne.

Ekesodu 20:2

Ka Mo TER, M lu Aôndo wou, u M dugh a we ken tar u Igipiti, ken ya u ikpan ye.

Ekesodu 22:30

Kape ú er a abua ou kua iyôngo you kpaa la; ayange ataankarahar a̱ lu a ngô na, sha iyange i sha anigheni la yô, ú nam un.

Ekesodu 22:31

Lum nen uicighanmbaiorov; nahan yô, de ye nen ma inyam i inyamikume i woo i ken toho ga; gbihi nen iwa i.

Ekesodu 23:25

Civir TER, Aôndo wen, Un kpaa Una na iveren sha kwaghyan wou kua mngerem ou; shi Me kar a angev hen we kera kpaa.

Ekesodu 6:7

Me ngohol ne, né hingir Mo ikurior, Me lu Aôndo wen; man shi né fa er Mo TER M lu Aôndo wen u M dugh a ven ken tom u ican u Mbaigipiti yô.

Yesaia 43:3

Gadia Mo, M ngu TER, Aôndo wou, Icighan u Iserael, Oryiman wou; M na Igipiti hingir kwagh u paan we a mi, man Etiopia kua Seba kpaa sha ityough you.

Yesaia 51:15

Gadia Mo M ngu TER, Aôndo wou, ka M kpianger zegemnger, je agôndo a na a ta kume; TER u akum a Sha, ka iti Yam je la.

Levitiku 10:3

Tsô Mose kaa a Aron er: Ka kwagh u TER A kaa je la, er: Ka hen mba ve mgbôghom a Mo la, Me pase icighanmlu Wam ye, shi Me pase icivir Yam sha ishigh ki iorough cii kpaa ye. Kpa Aron lu ving.

Levitiku 11:43

De gem nen ayol a en hingir nen kwagh u ndôhôrshima sha hanma inyarev mbi zenden hen inya iuu la ga; man shi de hôngor nen ayol a en sha mbi ga, sha er de kera hingir nen wang ga, sha mbi ga.

Levitiku 18:2

Ôr kwagh a Mbaiserael, kaa a ve wer: Ka Mo TER M lu Aôndo wen ye.

Levitiku 19:10

De yaren twar hen sule wou u wain ga, shi de kor atam a sule wou u wain a a hee inya la kpaa ga, undu a her sha ci u icanor kua shiror; ka Mo TER M lu Aôndo wen ye.

Levitiku 19:2

Ôr kwagh a mkohol u Mbaiserael cii, kaa a ve wer: Lu nen uicighanmbaiorov, gadia Mo TER, Aôndo wen, M ngu icighan je.

Levitiku 19:3

Hanmô wen nana̱ cian ngô u nan kua ter u nan; waan nen ayange a memen a Am ikô; ka Mo TER M lu Aôndo wen ye.

Levitiku 19:4

De gem nen hen mbaaôndo mba gbiliniv ga, shi de eren nen mbaaôndo mba i ker a ker ga; ka Mo TER M lu Aôndo wen ye.

Levitiku 20:26

Lum nen uicighanmbaiorov, gadia Mo TER M ngu icighan je, M pav ne a akuraior, M ver ne kposo, sha u lu nen ior Av yô.

Levitiku 20:7

Nahan tsegha nen ayol a en, lu nen uicighanmbaiorov; gadia ka Mo TER M lu Aôndo wen ye.

Levitiku 21:8

Nahan tsegha un, gadia ne nagh, ka kwaghyan u Aôndo wou je la; a̱ lu u icighanor je; gadia Mo TER u M tsegh ne ne, M ngu icighan je.

Amoshi 3:3

Ior uhar vea gba zenden imôngo aluer vea vande zuan ga kpa?

Numeri 15:40

sha u né umbur atindi a Am cii, né eren sha mi, né hingir uicighanmbaiorov mba Aôndo wen yô.

Mateu 5:48

Nahan yô, lu nen vough er Ter wen u Sha A lu vough nahan.

Duteronomi 14:2

Gadia u ngu TER, Aôndo Wou, icighanikurior je; ken akuraior sha won cii, ka we, TER A tsough u, u hingir ikurior Na jim ye.

1 Mbatesalonika 4:7

Gadia Aôndo yila se ka sha ci u hwanger ga kpa ka sha icighanmlu je.

Yosua 24:19

Tsô Yosua kaa a ior er: Ne fatyô u civir TER ga; gadia Un ka Aôndo u wang; ka Aôndo u gban iwuhe Una de ne akaabo a en kua asorabo a en ga.

1 Peteru 2:9

Kpa ne yô, ne mba icuwannongo, nongo u upristi mba sha inja i tor, icighanikurior, nongoior u Aôndo jim, ka sha u né yôô aeren a Na a ageegh, Un u A yila ne ken ime, A va a ven ken iwanger Na i kpiligh iyol la.

Mpase U Yohane 22:11

Or u eren ifer yô, nana̱ seer a seer eren ifer, or u nan we ibinga yô, nana̱ seer ibinga, or u perapera yô, nana̱ seer a seer eren perapera, u nan lu icighanor yô, nana̱ seer a seer lun icighanor.

1 Samuel 2:2

Mô u lun wang er TER nahan nan ngu ga; gadia mô ngu ga, saa We; ma vande u lun er Aôndo wase kpaa ngu ga.

1 Samuel 6:20

Nahan ior mba Bete-Shemeshi kaa er: Ka an nan fatyô u tilen sha ishigh ki TER, Aôndo u wang, nee? Una mough hen a vese heen yô, Una kôndo Una za sha unô?