Levitiku 10:3 - ICIGHAN BIBILO

³ Tsô Mose kaa a Aron er: Ka kwagh u TER A kaa je la, er: Ka hen mba ve mgbôghom a Mo la, Me pase icighanmlu Wam ye, shi Me pase icivir Yam sha ishigh ki iorough cii kpaa ye. Kpa Aron lu ving.

Levitiku 10:3 Iomraidhean Croise

Genese 18:25

Tuna u We nahan Ú er injakwagh ne sha u wuan mbaperapera a mbaaferev imôngo, je mbaperapera geman hingir kwagh môm a mbaaferev; kwagh ne tuna U tsô; Orjirigh u tar cii, Una kera er vough gaa?

Yobu 2:10

Kpa a gema a kaa a na er: U ngu ôron kwagh er ibumekwase nahan. Sé ngohol kwagh u dedoo hen Aôndo, man kwaghbo yô, sé kera ngohol gaa? Ken akaa ne cii Yobu er kwaghbo sha kwaghôron na ga.

Upasalmi 119:120

Ikarikase gbidyem iyol sha mciem ma m cie U la, m ngu cian ajiraôron a Ou kpaa.

Upasalmi 148:14

A kende a korough sha, sha ci u ior Nav, ka iwuese sha ci u mba i doo Un a ve la cii, ka ônov mba Iserael mba ve mgbôghom a na ikua je la. Haleluya.

Upasalmi 39:10

Hidem a mtsaha Wou kera, mo m gba kera sha ci u gbidiv mbu sha uwegh Ough.

Upasalmi 39:9

M huan ving, m bugh zwa ga, gadia ka We je, U er kwagh ne ye.

Upasalmi 46:10

De nen kera, fa nen, ka Mo M lu Aôndo ye; i kendem sha hen akuraior, i kendem sha shin tar kpaa.

Upasalmi 89:7

Ka Aôndo u i cie Un kpishi ken mkohol u uicighanmbaiorov, A cier iyol hen mba ve kase Un cii.

Upasalmi 93:5

Mbampase Ou ka mba mimi je; iyou You kuma mtsegh, gbem, mayange kera bee ga, TERE.

Ekesodu 14:17

Yô, Mo Me cighir Mbaigipiti asema ve̱ hungwa ve̱ cir ve ijime; Me gema Me zua a zua a icivir sha kwagh u Farao kua ikumutya na cii, man sha akeke na kua mbaanyinyav nav cii.

Ekesodu 14:4

Me cighir Farao ishima, una tôv ve angahar; nahan Me gema Me zua a zua a icivir sha kwagh u Farao kua ikumutya na cii; Mbaigipiti vea fa er Mo M lu TER yô. Tsô ve er nahan.

Ekesodu 19:22

Upristi, mba ve mgbôghom a TER, ve̱ tsegha ayol a ve, sha er TER A̱ de te num sha a ve ga yô.

Ekesodu 19:24

Tsô TER kaa a na er: Mough, hungwa shin inya; yô, shi hide unde vea Aron imôngo; kpa upristi kua ior ve̱ de aver ve̱ unden ve̱ vaan hen TER ga, sha er A̱ de te num sha a ve ga yô.

Ekesodu 30:30

Shi shighe Aron ma, a ônov nav kpaa, tsegha ve, ve̱ eren Mo tom u pristi.

Yesaia 39:8

Hesekia gema kaa a Yesaia er: Imo i TER i u kaa la i dio tsô. Shi a kaa er: Gayô, sha ayange am yô, bem man mkpeyol vea lu.

Yesaia 49:3

man shi A kaa a mo er: U ngu Wanakiriki Wam, Iserael, U Me pase icivir Yam ken a we yô.

Yesaia 52:11

Mough nen, mough nen, due nen ken ijiir la kera, de benden nen ma kwagh u hôngorough ave ga; due nen ker atô na kera; wanger nen ayol a en, ne mbatôôn ikav mbi TER.

Esekiel 20:41

Er ka kwaghhumandoon nahan, kape Me rumun ne, zum u Me due a ven ken akuraior, man Me kohol ne ken ityar i i sambe ne ker la; man Me pase mtsegh Wam ken a ven sha ashe a akuraior.

Esekiel 28:22

kaa wer: Ter AÔNDO ngu kaan nahan er: Nenge, M ngu num a we, we Shidon; Me pase icivir Yam hen atô wou; man vea fa er Mo M lu TER ye, zum u Me ôr un ijir Me tsaha un, man Me pase mtsegh Wam ker a na kpaa la.

Esekiel 38:16

wea va ta sha ior Av Iserael er ibeenegh ki ki cir tar nahan; kwagh ne una va er sha ayange a masetyô la; sha shighe la, Me va a we sha u u̱ va nôngo ityav a tar Wam sha u akuraior a̱ fam yô, zum u Me tese mtsegh Wam ken a we sha ashe ve la, we Gogi.

Esekiel 40:46

Man iyou i i ver ishigh ken imbusutarimese la, ka sha ci u upristi mba ve eren tom sha atse a nanden nagh sha mi yô; mban ka ônov mba Sadoki, ken ônov mba Levi, mba ve kporom hen TER, sha u eren Un tom yô.

Esekiel 42:13

Tsô a kaa a mo er: Ayou a shin imbusutarimese man ayou a sha imbusutariyan, a a lu sha ishigh ki huwa la, ka ayou a tseghan henpe upristi mba ve mgbôghom a TER vea yaan uicighanmbaakaav mba i hembe tseghan ve la; ka heregh vea veren uicighanmbaakaav mba i hembe tseghan ve la, man nagh ku sha samuyia, man nagh ku isholibo, man nagh ku iboogh ye, gadia ka icighanjiir je.

Levitiku 21:15

A̱ de hôngor a tsombor na ken nongo na ga; gadia ka Mo TER M tsegh un ye.

Levitiku 21:17

Ôr kwagh a Aron kaa un wer: Á lu anti or ken tsombor wou, shin á lu ikov i ken hemen kpaa, nana lu a iwan iyol yô, nana̱ de kporom sha u nan nagh ku kwaghyan u Aôndo u nan ga.

Levitiku 21:21

ma or u ken tsombor u pristi u Aron, u nan lu a iwan iyol, nana̱ de kporom er nana na iniav mbi usuv mbi TER ga, nan ngu a iwan yum; nana̱ de kporom er nana na nagh ku Aôndo u nan ga.

Levitiku 21:6

Ve̱ lu uicighanmbaiorov mba Aôndo je, ve̱ de hôngor a iti i Aôndo ve ga; gadia mba ne iniav mbi usuv mbi TER, ka kwaghyan u Aôndo ve je la; nahan yô, ve̱ lu uicighanmbaiorov.

Levitiku 21:8

Nahan tsegha un, gadia ne nagh, ka kwaghyan u Aôndo wou je la; a̱ lu u icighanor je; gadia Mo TER u M tsegh ne ne, M ngu icighan je.

Levitiku 22:9

Yô, ve̱ waan kwagh u M we ve ne iko, sha er ve̱ de kper ibo, ve̱ hee iyol, ve̱ kpeen zum u ve hôngor a mi la ga; ka Mo TER u M tsegh ve ne.

Levitiku 8:35

Ayange a ataankarahar la cii luun nen hen hunda u tenti u kohol ker la, tugh man tetan; waan nen iko sha imo i TER sha er né kpe ga yô, gadia kape i kaam je la.

Numeri 16:5

a ôr kwagh a Koraki kua ior nav cii, a kaa er: Kper pepe TER Una tese mba ve lu mba Nav, man or u nan lu icighanor yô, Una er, nana kporom her a Na, een, or u Una tsuwa nan la, Una er, nana kporom her a na.

Numeri 20:12

Nahan TER kaa a Mose man Aron er: Er ne nem jighjigh ne tseghem sha ishigh ki Mbaiserael ga yô, nahan né kera nyôr a ior ne ken tar u M ne ve la ga.

Mateu 10:37

Or u ter u nan shin ngô u nan a hembe doon nan ishima a Mo yô, nan kumam ga; man shi or u wan u nan u nomso shin u kwase a hembe doon nan ishima a Mo yô, nan kumam ga;

YOHANE 12:28

Tere, na iti You icivir. Tsô imo due Sha kaa er: M vande civir i, Me shi Me civir i kpaa.

YOHANE 14:13

Man nyityô kwagh i ne sôn ken iti Yam yô, Me er i, sha er Ter A̱ zua a icivir ken Wan yô.

Duteronomi 32:51

sha ci u ne hembam ato hen atô u Mbaiserael hen mngerem ma Meriba u Kadeshi la, ken desereti u Zin; sha ci u ne tsegham hen atô u Mbaiserael ga yô.

2 Timoteu 1:10

zum u Una va sha iyange la sha u á civir Un ken uicighan Nav man á kpiligh ior iyol a Na ken mba ve ne jighjigh la cii; gadia ne na mpase wase la jighjigh.

1 Peteru 4:17

Gadia shighe kuma u ijir ia ngurum sha ya u Aôndo je ve. Man á lu ken ian yase ia hii yô, mkur u mbahemban Loho u Dedoo u Aôndo ato la yô, una lu nana?

1 Samuel 2:30

Nahan yô, TER, Aôndo u Iserael, ngu kaan er: M kaa je Mer, ya wou man ya u teru vea zenden sha ishigh Yagh gbem. Kpa hegen yô, TER ngu kaan er: Á kera lu nahan je ga; gadia mba ve civir Mo yô, Mo kpaa Me civir ve, man mba ve laham yô, vea kera gba kwagh ga.

1 Samuel 3:18

Tsô Samuel ôr un akaa cii yer un ma kwagh ga. Nahan a kaa er: Un ka TER, A̱ er kwagh u a doo Un yô.

1 Samuel 6:20

Nahan ior mba Bete-Shemeshi kaa er: Ka an nan fatyô u tilen sha ishigh ki TER, Aôndo u wang, nee? Una mough hen a vese heen yô, Una kôndo Una za sha unô?