Levitiku 10:10 - ICIGHAN BIBILO

¹⁰ sha er ne̱ pav icighankwagh kposo, a kwagh u a lu icighankwagh ga yô, kua kwagh u a lu wang ga yô, a kwagh u a lu wang yô.

Levitiku 10:10 Iomraidhean Croise

Yeremia 15:19

Nahan yô, TER ngu kaan nahan er: Aluer wea hide yô, nahan Me hide a we, ú va tile sha ishigh Yagh; man aluer wea ôr kwagh u injaa, á kera lu kwagh u gbilinigh ga yô, ú hingir er ka zwa Wam nahan; ve yô, ve̱ hide her a we je, kpa we yô, de kera hidi her a ve ga.

Esekiel 22:26

Upristi nav vihi atindi a Am, ve hôngor a uicighanmbaakaav Av; ve kera pav icighankwagh kposo a kwagh u a lu u tseghan ga la, ga; man shi ve tese ior u kaven mkposo u kwagh u a lu wang ga, a kwagh u a lu wang la, ga; man ve kusu ashe ve sha ayange a memen a Am; i laham, i kera civir Mo ker atô ve ga.

Esekiel 44:23

Ve̱ tese ior Av mkposo u icighankwagh a kwagh u i tsegh un ga yô, man ve̱ na ve sha u paven kwagh u a lu wang ga kposo a kwagh u wang.

Levitiku 11:47

sha er á pav kwagh u a lu wang ga kposo, a kwagh u a lu wang yô, man ishôso i i doo u yan kpaa, a i i doo u yan ga yô.

Levitiku 13:43

Pristi a̱ nenge nan, aluer imor i hen ijiir la, ia nyian fing sha mkpur u ityough ki kpurun ki nan, shin sha icul i kpurun i nan, er imande ka i lu sha kwavyolough nahan yô,

Levitiku 14:57

sha u tesen er á fa kwagh u a lu wang ga, man kwagh u a lu wang yô; ka tindi u imande je la.

Titu 1:15

Mba ve lu wang yô, akaa cii nga ve wang je, kpa mbahôngorough man mbanan jighjigh ga yô, ma kwagh ngu ve wang ga, kpa mhen ve kua imo i ken ishima cii hôngor.