Levitiku 1:9 - ICIGHAN BIBILO

⁹ kpa ikav mbi kimi kua angahar yô, nana̱ ôô sha mnger; pristi a̱ gema cii a̱ nande sha atse a nanden nagh sha mi, i̱ lu nagh ku nanden, ka nagh ku usugh ku human doon ku nan TER je la.

Levitiku 1:9 Iomraidhean Croise

Genese 8:21

TER ungwa ihuma i dedoo; nahan TER kaa ken ishima Na er: Me kera wa tar ifan sha ci u or ga, gadia mhen u ishima i or ka u bo, hii sha iyev mbu nan je; man shi Me kera tsaha akaauma er M vande eren nahan ne ga.

1 Kroniku 6:34

wan u Elkana, wan u Yeroham, wan u Eliel, wan u Toa,

2 Kroniku 4:6

A er utasa mba ôôn akaa shimi pue, a ver utaan ken uwegh ku yanegh, shi utaan ken imese, sha ci u ôôn akaa shimi, i ôôn akaa a iniav mbi nanden shimi; kpa zegetasa u mnger la yô, lu sha ci u upristi ve̱ ôôn iyol shimi.

Upasalmi 51:6

Nenge, ka mimi U keren ken atô u ishima ye; ka ken myer je, U nem m lu a mfe ye.

Upasalmi 66:15

Me na U nagh ku nanden ku sha uicighanmbailev, kua nagh ku human doon ku sha anomaiyôngo; me na U nagh sha abua kua ivo. Sela.

Ekesodu 12:9

De ye nen i kôgh ga, shin u jiir a jiir sha mnger kpaa ga, kpa i mgbagh a mgbagh i sha usu, ityough nagh man angahar a na kua ikav mbi kimi kpaa.

Ekesodu 29:18

Nande nomiyôngo la jimin cii sha atse, ka nagh ku nanden TER, ka ihuma i doon, man nagh ku usugh ku nan TER je la.

Ekesodu 29:25

Shi hire ngohol ve sha ave ve, nande sha atse sha nagh ku nanden la, i̱ lu ihuma i doon sha ishigh ki TER, ka nagh ku usugh ku nan TER je la.

Yeremia 4:14

Ôô iferkwagh ken ishima you kera, we Yerusalem, sha u u̱ war. Ka hanma shighe je man mhen wou u sha ifer u a tem a we ne, una kuree?

Esekiel 20:28

Gadia zum u M va a ve ken tar, u M bum a ve Mer, Me na ve la, ve gema ve nengen hanma igungu u taven man hanma kon u lun a mure, ka heregh ve na iniav vev mbi sôngon, man ka heregh ve na iniav vev mbi nan ishimavihin; shi ka heregh kpaa ve we kwaghhumandoon ve, man ve toon iniav vev mbi man ye.

Esekiel 20:41

Er ka kwaghhumandoon nahan, kape Me rumun ne, zum u Me due a ven ken akuraior, man Me kohol ne ken ityar i i sambe ne ker la; man Me pase mtsegh Wam ken a ven sha ashe a akuraior.

Esekiel 40:38

Iyou igen lu a hunda u i, u nyôr ken puadwer u hunda, ka heregh i ôôn nagh ku nanden ye.

Levitiku 1:13

kpa ikav mbi kimi kua angahar a i yô, nana̱ ôô sha mnger; pristi a̱ va a mi cii, a̱ va nande sha atse; ka nagh ku nanden ku usugh ku human doon ku nan TER je la.

Levitiku 1:17

A̱ ande un hen akper a na, kpa a̱ de paven vegher a̱ gbe ken inya ga; pristi a̱ nande un sha atse, sha ikon i i lu sha usu la; ka nagh ku nanden ku usugh ku human doon ku nan TER.

Levitiku 2:16

Pristi a̱ pande asange a alakema a i johol a la kua mkurem, shi a̱ kura libano u human doon la cii, a̱ nande sha usu, i̱ lu nagh ku umbur; ka nagh ku usugh ku nan TER.

Levitiku 2:2

nana̱ va a mi hen upristi, ônov mba Aron; pristi a̱ ongo mwem ma kengese kua mkurem mara, ikevwe poo, shi a̱ kura libano u human doon u a lu sha mi la cii, a̱ nande sha usu, i̱ lu nagh ku umbur; ka nagh ku usugh ku human doon ku nan TER.

Levitiku 2:9

Pristi a̱ kura nagh ku umbur ku nagh ku sha samuyia la, a̱ nande ku sha atse; ka nagh ku usugh ku human doon ku nan TER je la.

Levitiku 3:11

Pristi a̱ gema cii, a̱ nande sha atse; ka kwaghyan u nagh ku usugh ku nan TER.

Levitiku 3:5

Ônov mba Aron ve̱ gema cii, ve̱ nande sha atse, sha nagh ku nanden ku ku lu sha ikon i sha usu la; ka nagh ku usugh ku human doon ku nan TER.

Levitiku 4:31

ahôm cii yô, a̱ kura a sha, er ka i kura ahôm a nagh ku sôngon ku bem la nahan; pristi a̱ na iwon sha ci u nan, nahan á de nan isholibo i nan.

Levitiku 6:14

Ka tindi u nagh ku sha samuyia ne: Ônov mba Aron ve̱ vaan a ku sha ishigh ki TER hen kpeatsegh.

Levitiku 8:21

A ôô ikav mbi kimi kua angahar sha mnger; tsô Mose nande nomiyôngo la jimin sha atse a nanden nagh sha mi; lu nagh ku nanden ku human doon; ka nagh ku usugh ku nan TER, er TER kaa Mose nahan.

Levitiku 8:28

Tsô Mose tôô a sha ave ve kera, a gema a nande a sha atse sha nagh ku nanden, hingir nagh ku tseghan or a mi, ku human doon; ka nagh ku usugh ku nan TER.

Levitiku 9:14

A ôô ikav mbi kimi kua angahar, a nande sha atse sha nagh ku nanden la.

Sekaria 13:7

Nder, we sanker, za ta sha orkuranilev Wam, sha or u a lu ijende Yam la, kape TER u akum a Sha A kaa ne. Gbidye orkuranilev, iyôngo i̱ sambe; Me naregh uwegh sha mbakiriki.

Numeri 15:3

man á sar ne ka nan TER nagh ku usugh, a lu nagh ku nanden, shin nagh ku sôngon, sha u kuren iceghzwa, shin nagh ku sha ishima i dedoo, shin ku sha uiniongo mba i ver sha ashighe ashighe la, sha u eren TER kwaghhumandoon sha ibua shin sha iyôngo yô,

Numeri 28:11

Sha mhii u hanma uwer wen yô, naan nen TER nagh ku nanden, agumabua ahar man nomiyôngo môm man agumaiyôngo ataankarahar a a kom inyom i môm i môm, a a lu a ihogholough iyol ga yô,

Numeri 28:7

Nagh ku man ku á magh sha mi yô, ku kuma môm-ken-unyiin u hin sha ci u hanma gumiyôngo; ka ken icighanjiir je ú toon TER nagh ku man ku kwaghman u taver la, hen inya ye.

Numeri 28:8

Gumiyôngo ugen la yô, ú na nagh a mi aikighe; er u ne nagh ku sha samuyia ku pepe man nagh ku man ku i magh sha mi la nahan, kape ú naan kun kpaa la; ka nagh ku usugh ku human doon TER.

2 Mbakorinte 2:15

Gadia se mba ihuma i doon i Kristu sha ci u Aôndo hen mba i lu yiman ve la man shi hen mba ve lu timin la kpaa.

Mbaefese 5:2

Man zenden nen ken dooshima, er Kristu kpaa se doo Un ishima man A na iyol Na sha ci wase nahan, lu nagh ku nanden man nagh ku sôngon nan Aôndo sha ci u ihuma i doon.

Duteronomi 12:27

Va a iniav you mbi nanden, inyam man awambe la, va penda sha atse a nanden nagh sha mi a TER, Aôndo wou; awambe a iniav you mbi sôngon yô, i̱ gema a, i̱ haa sha atse a nanden nagh sha mi a TER, Aôndo wou, kpa inyam la yô, ya.

Mbafilipi 4:18

Akaa a ne tindi a mi la m zua a mi hen Epafroditu. I nam cii, neer mo a neer, m mgbough a mi je, ka ihuma i doon, ka nagh ku doon ku ku kom Aôndo yô.