Levitiku 1:4 - ICIGHAN BIBILO

⁴ Nana̱ penda uwegh sha ityough ki nagh ku nanden kura; nahan á rumun ku sha ci u nan er ku̱ hingir iwom sha ci u nan yô.

Levitiku 1:4 Iomraidhean Croise

Ekesodu 28:38

Ua luun Aron sha icul, nahan Aron una tôô ibo i uicighanmbaakaav, mba Mbaiserael vea tseghan sha uicighanmbainiav vev la; ua luun un sha icul gbem, sha u á rumun ve sha ishigh ki TER yô.

Ekesodu 29:10

Nombua la kpaa, va a mi sha ishigh ki tenti u kohol ker la; Aron a ônov nav ve̱ penda ave ve sha ityough ki nombua la.

Ekesodu 29:15

Shi kôr nomiyôngo la môm; Aron man ônov nav ve̱ penda ave ve sha ityough ki nomiyôngo la.

Ekesodu 29:19

Shi kôr nomiyôngo ugen; Aron man ônov nav ve̱ penda ave a ve̱ sha ityough ki iyôngo la.

Ekesodu 29:33

Man shi ve̱ ya akaa a i na iwom a mi sha u veren ve sha tom man tseghan ve la; or u ken inya yô, nana̱ de ye ga, gadia ka icighankwagh je.

Yesaia 56:7

Me va a ve hen icighanwo wam je, Me na, á saan ve iyol ken iyou Yam i msen, iniav vev mbi nanden man iniav vev mbi sôngon kpaa á rumun mbi sha atse Am a nanden nagh sha mi; gadia á yila iyou Yam er iyou i msen sha ci u akuraior cii.

Esekiel 45:15

man gumiyôngo môm ken hanma ikumuile i i lu deri uhar, u ken ajiir a hômon a Iserael, sha ci u nagh ku sha samuyia man nagh ku nanden man iniav mbi bem, sha u nan iwom sha ci ve, kape Ter AÔNDO A kaa ne.

Daniel 9:24

I ver ulahadi akunduatargber sha ior Ou man icighangar wou, sha u been tindi u peren, man sha u been asorabo, sha u nan iwom sha ci u iferkwagh, man sha u nyôron a perapera u tsôron, man shi sha u veren ikav sha mpase u sha mnenge man kwaghôron u profeti, man sha u shighen icighanjiir u hemban la mkurem.

Levitiku 16:21

Yô, Aron a̱ penda ave na ahar cii sha ityough ki kpev u uma la, a̱ pase afer a Mbaiserael cii sha mi, akaabo a ve, asorabo a ve la cii; a̱ haa sha kpev la; tsô a̱ na un sha ikev i or u i vande veren nan yô, nana̱ yem a mi ken desereti;

Levitiku 16:24

a̱ ôô iyol sha mnger hen icighanjiir, a haa akondo a na, a̱ due, a̱ na nagh ku nanden sha ci na, man nagh ku nanden ku sha ci u ior la; a̱ na iwom sha ci na iyol na kua sha ci u ior kpaa.

Levitiku 22:21

Man shi hanmô u nana va na TER nagh ku sôngon ku bem, sha i kuren iceghzwa, shin sha ci u nagh ku sha ishima i dedoo, shin á lu bua, shin á lu iyôngo kpaa yô, ku̱ lu tsembelee, sha er á rumun ku yô, ma ihogholough ki̱ de luun sha mi ga.

Levitiku 22:27

Zum u bua shin iyôngo shin ivo á mar wan yô, wan la a̱ lu a ngô na ayange ataankarahar; hii sha iyange i anigheni la, zan zan ken hemen yô, á rumun un sha nagh ku usugh ku nan TER.

Levitiku 3:13

nana̱ penda uwegh sha ityough ki i, nana̱ sôngo i sha ishigh ki tenti u kohol ker la; ônov mba Aron ve̱ haa awambe a i sha ambusuatsegh, ve̱ ningir ve̱ tser.

Levitiku 3:2

Nana̱ penda uwegh sha nagh ku nan kura, nana̱ sôngo ku hen hunda u tenti u kohol ker la, upristi, ônov mba Aron, ve̱ haa awambe sha ambusuatsegh ve̱ ningir ve̱ tser.

Levitiku 3:8

nana̱ penda uwegh sha nagh ku nan, nana̱ sôngo ku sha ishigh ki tenti u kohol ker la; ônov mba Aron ve̱ haa awambe a ku sha ambusuatsegh ve̱ ningir ve̱ tser.

Levitiku 4:15

nahan mbatamen mba mkohol u ior ve̱ penda ave sha ityough ki nombua la sha ishigh ki TER, i̱ sôngo gumbua la sha ishigh ki TER.

Levitiku 4:20

a̱ er a nombua la er a er a nombua u sha nagh ku isholibo la nahan, kape á er a ngun kpaa la; pristi a̱ na iwom sha ci ve, tsô á de ve asorabo a ve.

Levitiku 4:24

nana̱ penda uwegh sha kpev la, nana̱ sôngo un hen ijiir i sôngon nagh ku nanden sha ishigh ki TER; ka nagh ku isholibo.

Levitiku 4:26

Ahôm a na cii, a̱ nande sha atse, er i eren a ahôm a nagh ku sôngon ku bem la nahan; pristi a̱ na iwom sha ci u nan, sha ci u isholibo i nan er la, nahan á de nan isholibo i nan.

Levitiku 4:29

Nana̱ penda uwegh sha ityough ki nagh ku isholibo kura, nana̱ sôngo ku hen ijiir i nagh ku nanden la.

Levitiku 4:31

ahôm cii yô, a̱ kura a sha, er ka i kura ahôm a nagh ku sôngon ku bem la nahan; pristi a̱ na iwon sha ci u nan, nahan á de nan isholibo i nan.

Levitiku 4:33

Nana̱ penda uwegh sha ityough ki nagh ku isholibo kura, nana̱ sôngo un sha ci u nagh ku isholibo hen ijiir i i senge nagh ku nanden la.

Levitiku 4:35

ahôm cii yô, a̱ kura a sha, er ka i kura ahôm a gumiyôngo u nagh ku sôngon ku bem la nahan; pristi a̱ nande a sha atse, sha iniav mbi usugh mbi TER; pristi a̱ na iwom sha ci u nan, sha ci u isholibo i nan er la, nahan á de nan isholibo i nan.

Levitiku 4:4

a̱ va a nombua la hen hunda u tenti u kohol ker la, sha ishigh ki TER, a̱ penda uwegh sha ityough ki nombua la, a̱ sôngo un sha ishigh ki TER.

Levitiku 5:6

nana̱ va na TER nagh sha ci u isholibo i nan er yô, mgbianile, tuleiyôngo shin tuleivo, i̱ lu nagh ku isholibo; pristi a̱ na iwom sha ci u nan sha ci u isholibo i nan er la.

Levitiku 6:7

pristi a̱ na iwom sha ci u nan sha ishigh ki TER, nahan á de nan kwaghbo u nan, sha hanma kwagh u nan er man nan hingir oriboogh sha mi la.

Levitiku 8:14

Tsô a va a nombua u nagh ku isholibo la; Aron kua ônov nav ve va penda ave sha ityough ki nombua u nagh ku isholibo la.

Levitiku 8:18

Shi a va a nomiyôngo u nagh ku nanden la, Aron kua ônov nav ve penda ave sha ityough ki nomiyôngo la,

Levitiku 8:22

Shi a va a nomiyôngo ugen la kpaa, ka nomiyôngo u tseghan or a min la, Aron kua ônov nav ve penda ave sha ityough ki nomiyôngo la,

Levitiku 9:7

Mose shi kaa a Aron er: Kporom hen atse a nan nagh sha mi, na nagh ough ku isholibo man nagh ough ku nanden, na iwom sha ci wou iyol you kua sha ci u ior kpaa, na nagh ku ior, na iwom sha ci ve, er TER A kaa ne nahan

Numeri 15:25

Pristi a̱ na iwom sha ci u ior i Mbaiserael cii, tsô á de ve kwaghbo ve; gadia ve er abu tsô, man ve̱ va a nagh vegh, ka nagh ku usugh ku nan TER kua nagh ku isholibo, sha ishigh ki TER, sha ci u kwagh u ve er abu la;

Numeri 15:28

Pristi a̱ na iwom sha ci u or u nan kar kpe nan er isholibo abu sha ishigh ki TER la, a̱ na iwom sha ci u nan, tsô á de nan isholibo i nan.

Numeri 25:13

ia lu un a tsombor na u ken ijime na, ikuryan i sha tom u pristi gbem, sha er a we iyol sha kwagh u Aôndo na, man a ne iwom sha ci u Mbaiserael kpaa yô.

Numeri 8:10

ver Mbalevi sha ishigh ki TER; Mbaiserael ve̱ penda Mbalevi ave iyol.

Numeri 8:12

Mbalevi ve̱ penda ave ve sha ityouv mbi ibua; gema u môm na TER nagh ku isholibo a mi, shi gema ugen la na nagh ku nanden a mi, ku̱ hingir iwom sha ci u Mbalevi.

Mbaromanu 12:1

Anmgbianev av, m ngu zamber a ven sha mhôônom ma kôron ma Aôndo mer, gema nen ayol a en na nen nagh ku uma a mi, icighannagh ku doon Aôndo, ka mciviraôndo wen u ken jijingi je la.

Mbaromanu 3:25

Un yô, Aôndo vande veren Un er A̱ lu iwom i sha jighjigh u nan, sha awambe a Na. Lu sha u Aôndo Una tese perapera Na gadia asorabo a i vande eren tsuaa sha shighe u ishimawan i Aôndo la yô, A kera wa a iko ga.

Mbaromanu 5:11

Ka nahan tseegh kpaa ga, shi se mba wuese ser, se mba a Aôndo, sha Ter wase Yesu Kristu u se zough a mhim sha a Na hegen yô.

Mbafilipi 4:18

Akaa a ne tindi a mi la m zua a mi hen Epafroditu. I nam cii, neer mo a neer, m mgbough a mi je, ka ihuma i doon, ka nagh ku doon ku ku kom Aôndo yô.

Mbaheberu 10:4

Gadia awambe a anomabua man ivo aa fatyô u tôôn asorabo kera je ga.

1 Yohane 2:2

Ka Un je A lu iwom i asorabo ase ye, man ka a ase tseegh ga, kpa ka a tar cii je.