Levitiku 1:17 - ICIGHAN BIBILO

¹⁷ A̱ ande un hen akper a na, kpa a̱ de paven vegher a̱ gbe ken inya ga; pristi a̱ nande un sha atse, sha ikon i i lu sha usu la; ka nagh ku nanden ku usugh ku human doon ku nan TER.

Levitiku 1:17 Iomraidhean Croise

Genese 15:10

Tsô a va Un a akaa ne cii, a pav ve her atô, a ver vegher ugen ken, vegher ugen ken; kpa inyon yô, a pav i ga.

Genese 8:21

TER ungwa ihuma i dedoo; nahan TER kaa ken ishima Na er: Me kera wa tar ifan sha ci u or ga, gadia mhen u ishima i or ka u bo, hii sha iyev mbu nan je; man shi Me kera tsaha akaauma er M vande eren nahan ne ga.

Upasalmi 16:10

Gadia Ú undu uma wam shin Sheol ga; man shi U de Wer, un u i doo U a na la a̱ nenge a ijiir i mtim ga.

Levitiku 1:13

kpa ikav mbi kimi kua angahar a i yô, nana̱ ôô sha mnger; pristi a̱ va a mi cii, a̱ va nande sha atse; ka nagh ku nanden ku usugh ku human doon ku nan TER je la.

Levitiku 2:2

nana̱ va a mi hen upristi, ônov mba Aron; pristi a̱ ongo mwem ma kengese kua mkurem mara, ikevwe poo, shi a̱ kura libano u human doon u a lu sha mi la cii, a̱ nande sha usu, i̱ lu nagh ku umbur; ka nagh ku usugh ku human doon ku nan TER.

Levitiku 3:5

Ônov mba Aron ve̱ gema cii, ve̱ nande sha atse, sha nagh ku nanden ku ku lu sha ikon i sha usu la; ka nagh ku usugh ku human doon ku nan TER.

Levitiku 5:8

Nana̱ va na pristi; a̱ gema u a lu sha ci u nagh ku isholibo la, a̱ vande nan nagh a mi, a̱ tôndo un gôngor ikua ikua a ityough, kpa ki de gbe inya ga;

Levitiku 6:14

Ka tindi u nagh ku sha samuyia ne: Ônov mba Aron ve̱ vaan a ku sha ishigh ki TER hen kpeatsegh.

Levitiku 8:21

A ôô ikav mbi kimi kua angahar sha mnger; tsô Mose nande nomiyôngo la jimin sha atse a nanden nagh sha mi; lu nagh ku nanden ku human doon; ka nagh ku usugh ku nan TER, er TER kaa Mose nahan.

Levitiku 9:13

Shi ve va na un nagh ku nanden aci aci kua ityough kpaa, a gema a nande sha atse a nan nagh sha mi.

Numeri 15:3

man á sar ne ka nan TER nagh ku usugh, a lu nagh ku nanden, shin nagh ku sôngon, sha u kuren iceghzwa, shin nagh ku sha ishima i dedoo, shin ku sha uiniongo mba i ver sha ashighe ashighe la, sha u eren TER kwaghhumandoon sha ibua shin sha iyôngo yô,

Numeri 28:8

Gumiyôngo ugen la yô, ú na nagh a mi aikighe; er u ne nagh ku sha samuyia ku pepe man nagh ku man ku i magh sha mi la nahan, kape ú naan kun kpaa la; ka nagh ku usugh ku human doon TER.

Mateu 27:50

Kpa Yesu shi genger imo taver taver, tsô A na jijingi Na kera.

YOHANE 19:30

Yesu ngohol vineger la yô, A kaa er: Bee ve. Tsô A suwa ityough, A na jijingi Na kera A sule.

Mbaromanu 4:25

Ka Un u i ne Un ken ku sha ci u akaabo ase shi i nder Un kpaa sha ci u ishô yase ye.

1 Peteru 3:18

Gadia Kristu kpaa kpe sha ci u asorabo kwa môm, Un Orperapera sha ci u mbaaferev sha u Una va a vese hen Aôndo yô. Iyol Na yô, i wua i kpa i shi i na Un uma sha Jijingi.