Hosea 9:7 - ICIGHAN BIBILO

⁷ Ayange a mtsaha kuma ve, ayange a oron iyev va ve; Iserael una fa kwagh ne; profeti ka ibumeor, or u lun a jijingi ka orihundu, sha ci u mngee u ifer you man sha ci u ihom kpaa i vese yô.

Hosea 9:7 Iomraidhean Croise

2 Utor 9:11

Nahan Yehu due va hen mbayev mba ter na; ve pine un er: Ka bem kpa? Ka nyi orihundu ne a ve her a we? A kaa a ve er: Ne ayol a en kpaa ne fa inja i or la man kwaghôron na kpaa.

Yesaia 10:3

Né er nan sha iyange i oron iyeve, man sha mtim u una due ca laa? Ka an je né za gba nan ikumu? Man ka han né undu inyaregh yeneghe?

Yesaia 26:11

TERE, shin er uwegh Ough ku kende Sha nahan kpaa, mba nengen ga; kpa vea va nenge man kunya ua kôr ve sha gbashima Wou u sha ior Ou la; usu ua hia mbahendan a We la.

Yesaia 34:8

Gadia ka iyange i oron iyev i TER je la, ka inyom i oron iyev sha mhendan u i hendan a Shion la.

Yesaia 44:25

M bundu uivande mba uprofeti mba aiev, M gem mbakpehenasor ve hingir abumeaior; M hir a mbafankwagh ijime, M gem kwaghfan ve a hingir ibumegh.

Yeremia 10:15

Mbi gbilin tsô, ka tom u icughugh; sha shighe u mtsaha u mbi yô, mbia saa ishe.

Yeremia 11:23

asande tsô kpaa aa shi ve her ga; gadia Me haa ior mba Anatoti kwaghbo iyol, sha inyom i á va tsaha ve la.

Yeremia 16:18

Nahan Me vande oron ve iyev á kuma kwa har sha iferkwagh ve kua isholibo ve, sha ci u ve hôngor tar Wam sha akom a akaa a ve a ndôhôr shima, man ve mgbough dyako Wam a akaa a ve a hôngorough la.

Yeremia 23:13

M nenge a udangmbaakaav hen uprofeti mba Samaria: mba ôron kwagh pasen ken iti i Baal, ve na ior Av Iserael ve tsume gbenda.

Yeremia 25:14

Gadia ve kpaa akuraior kpishi man utor mba vesen vea gema ve vea hingir ikpan ve; Me or ve iyev sha aeren a ve, kua sha tom ve u aveegh kpaa.

Yeremia 29:26

Ka TER je A ver u pristi sha ityough ki pristi Yehoyada, sha u mbahemenev ve̱ lu ken iyou i TER yô, sha er hanma or u nan lu bumen, nan veren iyol er nan ngu profeti yô, ú mande nan igbe shi ú senda nan itiligh sha mon kpaa ye.

Yeremia 46:21

Mbautyav mba a er injar a ve la, mba ker atô na er uicighanmbaagumabua nahan; gadia ve kpaa ve na ijime, ve coon ayem imôngo, ve tile ga; gadia iyange i mtim ve gba sha a ve, ka iyange i mtsaha ve je la.

Yeremia 6:14

Mba nenge pe been ior Av angev sha sha tseegh, mba kaan er: Bem, bem; kpa bem ngu ga.

Yeremia 8:11

Mba nenge pe been wankwase u ior Av angev sha sha tseegh mba kaan er: Bem, bem! Kpa bem ngu ga.

Ukwelegh 2:14

Uprofeti ou nenge a mbampase mba sha mnenge sha ci wou mba aiev man mba gbilinigh; ve pase u ifer you sha u hiden a we ken uikangen kera ga; kpa ve nenge a akaaôron a aiegh sha ci wou man a zan a we ken mtsum.

Esekiel 13:10

Ka sha ci u, een, ka sha ci u ve tsume a ior Av, ve kaan er: Bem; kpa bem ngu ga; man aluer ior ve maa kpekpe yô, nenge, ve gema, ve shighe un ivue.

Esekiel 13:3

Ter AÔNDO ngu kaan nahan er: Kwagh á tser udangmbaprofeti mba ve dondon sha jijingi ve ayol a ve, mba ve nenge a ma kwagh ga yô.

Esekiel 25:17

Me or ve iyev i vesen sha mbamtsaha mba sha ishimavihin tsung; tsô vea fa er Mo M lu TER yô, zum u Me va a iyevoron Yam sha a ve la.

Esekiel 38:23

Nahan Me tese mhembe Wam man mtsegh wam, Me pase iyol Yam ken igbar sha ashe a akuraior kpishi; nahan man vea fa er Mo M lu TER ye.

Esekiel 9:10

Nahan Mo kpaa, ishe Yam ia tange ga, man shi Me zungwe mhôônom, ga, kpa Me hire ve a ieren ve la sha ityough vegh.

Hosea 14:1

We, Iserael, hide hen TER, Aôndo wou; gadia u nôngo gbev sha ifer you.

Hosea 5:9

Eferaim una hingir ice sha iyange i mtsaha la; ken ikwe i Iserael M pase kwagh u una va er kpee yô.

Hosea 8:13

Mba sôngon iniav nan Mo, ka ve inyam tsô, mba ye i, doo TER a mbi ga; hegen yô, Una umbur iferkwagh ve man Una tsaha ve sha asorabo a ve, vea hide ken Igipiti.

Hosea 9:8

Orkuran u Eferaim ngu vea Aôndo wam, ka profeti; kwaghhônon u ordughuninyon ngu sha igbenda na cii, ihom kpaa ken ya u Aôndo na.

Amoshi 8:2

Tsô A kaa er: Amoshi, ka nyi u nenge a mi? M kaa mer: Ka ikese i atamaikon a inyom. Tsô TER shi kaa a mo er: Mkur va sha ior Av Iserael; kera den Yam ve je ga.

Mika 2:11

Aluer or nan ngu zendan ahumbe ityô man nana er aie nana kaa er: Me ôr u kwaghôron u uprofeti sha kwagh u wain man msôrom ma taver yô, or la ma nan lu profeti u ior mban.

Mika 7:4

U hemban doon ken a ve la ngu er ka saa yô; u hemban perapera hen a ve la, hemba vihin a igyar i sha usaa; iyange i mbakuran ou, i mtsaha wou la, i va ve; hegen yô, kwagh á tser ve.

Sefania 3:4

Uprofeti nav kôrough ga, ka mba lun a mimi ga; upristi nav mba hôngor a icighankwagh, ve per atindi sha apera.

Marku 3:21

Anmgbianev Nav mba ongo nahan yô, ve due sha u vea za kôr Un, gadia ve kaa er, A nyôr ihundu.

Luka 21:22

gadia ayange la ka a oron iyev sha u akaa a i nger cii a̱ kure sha mi vough yô.

2 Mbakorinte 5:13

Gadia shin sea lu hunden kpaa, ka sha ci u Aôndo, shin sea lu kaven kwagh kpaa, ka sha ci wen.

Mpase U Yohane 16:19

Nahan zegegar la pav ikwe itiar, agar a akuraior kpaa yôhôl kera. Aôndo umbur Zegebabilon sha u nan un iyongo i wain u iyugh Na la.