Hosea 9:6 - ICIGHAN BIBILO

⁶ Gadia nenge, ve war mtim, nahan kpaa Igipiti una kohol ve imôngo, man Memfishi una ii ve; akaa a ve a doon a azurfa la, ukôrakondo vea ya dyako sha mi, usaa vea mende ken utenti vev.

Hosea 9:6 Iomraidhean Croise

2 Utor 13:7

A undu Yehoahashi a ior je ga, saa mbaanyinyav akunduahargber tseegh man akekeautya pue kua mbazanangahar dubu pue; gadia tor u Shiria tim ve, gema ve, ve hingir er vuulevu u ndyaren angahar mi yô.

Upasalmi 107:34

inya i dedoo, i hingir inyabar, sha ci u ifer i mba ve tem ker la.

Anzaakaa 24:31

nenge, usaa mende ken u, mgbough cii, ijiir la cii, usagher cir sha mi, igyar i awen i u kpaa yôhôl kera.

Yesaia 11:11

Tsô sha iyange la je, Ter Una shi á naregh uwegh Nagh á kuma kwa har je, sha u paan asande a ior Nav mba ve shi ken Ashiria man ken Igipiti man ken Pateroshi Kushi man ken Elam man ken Shinar man ken Hamati kua ken ityar i hen kpezegemnger la.

Yesaia 19:13

Atiator a Soan hingir abumeaior, utor mba Nofi kpaa i tsugh ve; ve mba ve lu iwen sha zongo i uipaven nav, la, ve na Igipiti tsume.

Yesaia 27:12

Sha iyange la TER Una gbidye alakema, hii hen ifi u Uferati zan zan ar hen uwagh u Igipiti, man á sange ne môm môm á kohol ne, ne ônov mba Iserael.

Yesaia 32:13

sha ci u tar u ior av u u mende usaa kua usagher, man sha ci u ayou a iember cii ken gar u iember;

Yesaia 34:13

Usaa vea mende ken ayou a na a tor kua usukungwagh man usagher kpaa ken ayou a na a utya, á hingir ikpur i ugbaseela, man ijiir i ukonkofi.

Yesaia 5:6

Me vihi u kera, á kera sôr u agbaa ga, á vughul u kpaa ga; kpa ua mende usaa kua sagher; Me ta abeen icin, á kera nôô ura sha u ga.

Yesaia 7:23

Tsô sha iyange la, hanma ijiir henpe ikon i wain ka i lu dubu man i kom u á yam i sha agbenger a azurfa dubu la, ia hingir ijiir i kôrakondo kua usaa.

Yeremia 2:16

Ior i Memfishi man Tahapanheshi la ve kômbo u ityough.

Yeremia 42:22

Hegen yô, fa nen dedoo, né va kpe ku u sha sanker man ijen kua bouange, ken ijiir i ne ver ishima u né za tema shir ker la.

Yeremia 44:1

Kwaghôron ne va hen Yeremia sha kwagh u Mbayuda mba ve tema ken tar u Igipiti cii, ka mba ve tema ken Migedol man ken Tahapanheshi man ken Nofe man ken tar u Pateroshi je la, er:

Yeremia 44:12

Me kura asande a Yuda a a shi her a a ver ishigh u zan ken tar u Igipiti sha u za teman shir keregh la kera, ve cii vea saa ishe ken tar u Igipiti; vea kpe ku u sha sanker, ijen ia wua ve, hii sha mbakiriki zan zan ar sha mbavesen; vea kpe ku u sha sanker kua ijen vea hingir kwagh u i we un ifan man kwagh u cieryol man kwagh u ityuhwanev man kwagh u aheenegh.

Yeremia 44:13

Gadia Me tsaha mba ve tem ken tar u Igipiti, er lu M tsaha Yerusalem nahan, sha sanker man sha ijen kua bouange;

Yeremia 46:14

Pase nen kwagh ne ken Igipiti, yôô nen un ken Migedol. Een, yôô nen un ken Nofe man ken Tahapanheshi, kaa nen ner: Mough tile sha, wa ago iyol, gadia sanker wua ningir we tser.

Yeremia 46:19

Kohol iyol u zan ken uikangen we wankwase u u tem ken tar u Igipiti, gadia Nofe hingir ice, á nande un kera, or á kera tema ken a na ga.

Esekiel 30:13

Ter AÔNDO ngu kaan nahan er: Me tim akombo kera, Me na mbaaôndo mba gbiliniv vea bee ken Nofe; ma tor una kera due ken tar u Igipiti ga; man Me haa mciem ken tar u Igipiti.

Esekiel 30:16

Me haa usu ken Igipiti; Shin una ya ican tsung; á hembe No kera; Nofe una zua a mbaahendanev atetan.

Hosea 10:8

Ajiir a taven sha a Aven, ka isholibo i Iserael je la, á tim a kera; usaa man usagher vea mende sha atse a ve a nanden nagh sha mi la; vea kaa a iwo er: Cir nen se, man a agungu kpaa er: Kighir nen se.

Hosea 11:11

Vea due ken Igipiti a akarkase iyol er annyon nahan, man er atii nahan ken tar u Ashiria; shi Me na ve vea tema ken uya vev, kape TER A kaa ne.

Hosea 2:6

Nahan yô, nenge, Me yua gbenda wou sha usaa, Me maa kpekpe u yangen un sha u a̱ de kera zough a igbenda na ga yô.

Hosea 7:11

Eferaim ngu er ibume atii u kaven kwagh ga yô; ka ve yila Igipiti, ve za hen Ashiria.

Hosea 7:13

Kwagh á tser ve! Ve yevese ve undum! I̱ tim ve kera, gadia ve hendan a Mo; ma M paa ve, nahan kpaa ve wam aie iyol.

Hosea 7:16

Ve gema, kpa ve ver ishigh Sha ga; mba er ada u bo nahan; á wua mbatarev vev sha sanker sha ci u kwaghôron ve u dang sha zwa ve. Kwagh ne una hingir u nahan ve tar a mi ken Igipiti.

Hosea 8:13

Mba sôngon iniav nan Mo, ka ve inyam tsô, mba ye i, doo TER a mbi ga; hegen yô, Una umbur iferkwagh ve man Una tsaha ve sha asorabo a ve, vea hide ken Igipiti.

Hosea 9:3

Vea kera tema ken tar u TER ga; kpa Eferaim una hide hen Igipiti man vea ya kwaghyan u wang ga ken Ashiria.

Levitiku 26:33

Me sambe ne ken akuraior, Me tsuwa sanker Me tôv ne ijime, tar wen ua hingir ikôngough gbilin, agar a en kpaa aa hingir atse.

Sefania 1:11

Vaa nen, ne mba ne tem ken Maketeshi, gadia ior mba teen kasua cii saa ishe; mba ve karen myohom ma azurfa cii i tim ve kera.

1 Samuel 13:6

Zum u ior mba Iserael nenge er kwagh tser ve nahan (gadia kwagh imbishi ior), nahan ve gba yeren ken ubar man ken ikô man ken ikweavande man ken ijô kua shin ahungwa.