Hosea 9:4 - ICIGHAN BIBILO

⁴ Vea kera toon iniav mbi wain sha ishigh ki TER ga, man iniav vev mbi sôngon kpaa mbia doo Un ga; mbia hingir ve er ka kwaghyan u mbazungwen ku nahan, mba vea ya mbi cii vea hôngor, gadia kwaghyan ve una lu sha ci u ijen ve tsô; una kera nyôr ken iyou i TER ga.

Hosea 9:4 Iomraidhean Croise

Ekesodu 29:40

man shi mwem ma kengese ma ma kom môm-ken-upue u efa ma i nongo mkurem sha mi, ma kumen a kume, ma ma kom môm ken unyiin u hin, man wain u a kom môm ken unyiin u hin sha ci u nagh ku man, a gumiyôngo u môm imôngo.

Ekesodu 40:23

A ver ubredi sha mi sha inja sha inja, sha ishigh ki TER, er TER kaa Mose nahan.

Yesaia 57:6

Ci wou ngu hen awen a kôngor a shin pev, ka a je alu kwar wou je ye, ka a je u hee a nagh ku man shi u ve a a nagh ku sha samuyia kpaa ye. Nahan Me rumun akaa angana?

Yesaia 66:3

Or u nan woo bua yô, nan ngu er or u nan woo or nahan; or u nan ne nagh ku sôngon sha tuleiyôngo yô, nan ngu er or u nan sombo aniwa mon yô; u nan ve a nagh ku sha samuyia yô, nan ngu er or u nan ve a nagh ku awambe a igogh nahan; man or u nan ve a kwaghhumandoon sha ci u nagh ku umbur yô, nan ngu er or u wuese akombo nahan. Er ve tsough igbenda i sha asema a ve, uma ve kpaa a ember sha akaa a ve a hôngorough nahan,

Yeremia 16:7

á coon kwaghyan u zungwen ku, sha u á sur or ishima a mi ga; man á na or iyongo i surun ishima sha u nana ma sha ci u ter u nan, shin ngô u nan kpaa ga.

Yeremia 6:20

Ka sha ci u nyi i shi i vem a kwaghhumandoon hen Sheba, man kalamu u human doon ken tar u icaa? Iniav yenev mbi nanden ka kwagh u rumun ga, man iniav yenev mbi sôngon kpaa doom ga.

Esekiel 24:17

Shir ishima teghelee, de kera zungu ku u orkpen ga, kange atsar sha ityou, wa akôv a ou shin angahar, de cirin zwa wou ga man de kera ye kwaghyan u ior ve va u a mi la ga.

Esekiel 24:22

Ne kpaa nea er er m er nahan; nea cir zwa wen ga, man nea ya kwaghyan u ior ve va ne a mi la kpaa ga.

Daniel 1:8

Kpa Daniel vande wan ken ishima er una hôngor iyol na sha kwaghyan u tor, shin sha wain u a maan la kpaa ga; nahan a pine orvesen u mbaerentom ken iyou i tor la er, a̱ na un ian sha u una hôngor iyol na ga yô.

Hosea 3:4

Gadia Mbaiserael vea lu a tor ga ayange kpishi, ortaregh kpaa ga, nagh ku nan kpaa ga, ityôgh ki iwenegh kpaa ga, efodi man terafim kpaa ga;

Hosea 7:16

Ve gema, kpa ve ver ishigh Sha ga; mba er ada u bo nahan; á wua mbatarev vev sha sanker sha ci u kwaghôron ve u dang sha zwa ve. Kwagh ne una hingir u nahan ve tar a mi ken Igipiti.

Hosea 8:13

Mba sôngon iniav nan Mo, ka ve inyam tsô, mba ye i, doo TER a mbi ga; hegen yô, Una umbur iferkwagh ve man Una tsaha ve sha asorabo a ve, vea hide ken Igipiti.

Yoel 1:13

Ta nen ikondo uya, zungwe nen, ne upristi, ngor nen mliam ne mbatomov mba atse a nanden nagh sha mi; nyôr tsa nen a ikondo uya, ne mbatomov mba Aôndo wam; gadia i kar a nagh ku sha samuyia man ku man ken iyou i Aôndo wam kera.

Yoel 1:9

Nagh ku sha samuyia man nagh ku man tôndo ken iyou i TER; upristi, mbatomov mba TER, mba zungwen.

Yoel 2:14

Ka an nan fe er alaghga Una gema awashima Na, man Una undu iveren ken ijime Na— ka nagh ku sha samuyia man ku man, ku nan TER, Aôndo wen je la.

Levitiku 17:11

Gadia uma u inyam yô, ka ken awambe a lu ye, Mo M na ne a sha atse a nanden nagh sha mi, sha u nan iwom a mi sha ci u uuma enev; gadia awambe nga ne iwom sha uma u a la.

Levitiku 21:17

Ôr kwagh a Aron kaa un wer: Á lu anti or ken tsombor wou, shin á lu ikov i ken hemen kpaa, nana lu a iwan iyol yô, nana̱ de kporom sha u nan nagh ku kwaghyan u Aôndo u nan ga.

Levitiku 21:21

ma or u ken tsombor u pristi u Aron, u nan lu a iwan iyol, nana̱ de kporom er nana na iniav mbi usuv mbi TER ga, nan ngu a iwan yum; nana̱ de kporom er nana na nagh ku Aôndo u nan ga.

Levitiku 21:6

Ve̱ lu uicighanmbaiorov mba Aôndo je, ve̱ de hôngor a iti i Aôndo ve ga; gadia mba ne iniav mbi usuv mbi TER, ka kwaghyan u Aôndo ve je la; nahan yô, ve̱ lu uicighanmbaiorov.

Levitiku 21:8

Nahan tsegha un, gadia ne nagh, ka kwaghyan u Aôndo wou je la; a̱ lu u icighanor je; gadia Mo TER u M tsegh ne ne, M ngu icighan je.

Amoshi 5:22

Een, shin er ne nem iniav mbi nanden man iniav mbi sha samuyia, nahan kpaa Me ngohol mbi ga; iniav mbi bem mbi ne ne sha uzendenya enev mba wan ahôm la kpaa Me kera ver ishima sha mi ga.

Malaki 2:13

Kwagh ne kpaa shi ne mba eren: ne mba cirin atse a TER a nanden nagh sha mi la, sha mlia man kwelegh man ishimashirin, sha ci u A kera wa nagh iko ga, A ngohol ku sha uwegh enegh sha ishima i gbar gbar kpaa ga yô.

Numeri 19:11

Or u nana bende a ikom i or yô, nana kera lu wang ga ayange ataankarahar.

Numeri 28:2

Kaa ônov mba Iserael wer: Ver nen asema, nam nen nagh Agh, kwaghyan Wam, sha ci u iniav Yav mbi usuv mbi humandoon la, sha ashighe a i ver yô.

Numeri 4:7

Ve samber ikondo i kwel sha tebul u ubredi mba sha ishi, ve̱ penda utasa man agbande man ugber man ayongo a haan kwagh a mi sha mi; ubredi mba lun her gbem la kpaa, ve̱ lu sha mi;

YOHANE 6:51

Mo M ngu kwaghyan u uma u a sen sha la; aluer anti or nana ya kwaghyan ne yô, nana lu uma gbem sha won. Man kwaghyan u Me na yô, ka iyol Yam je, sha ci u uma u tar.

Duteronomi 26:14

M pande kwagh ker m ya, zum u m lu zungwen ku ga; m tôô ma kwagh u ker kera, zum u m lu wang ga la kpaa ga; shi m pande ma kwagh m na mbakpenev kpaa ga, m wa imo i TER, Aôndo wam, iko, m er akaa a U kaam cii.