Hosea 9:3 - ICIGHAN BIBILO

³ Vea kera tema ken tar u TER ga; kpa Eferaim una hide hen Igipiti man vea ya kwaghyan u wang ga ken Ashiria.

Hosea 9:3 Iomraidhean Croise

1 Utor 9:7

Me dugh Iserael ken tar u M ne ve ne kera, man iyou i M tsegh sha ci u iti Yam ne, Me kar a i sha ishigh Yagh kera; Iserael una hingir kwagh u wan ishenge a min ken akuraior cii;

2 Utor 17:6

Sha inyom i sha utaankarunyiin i Hoshea la, tor u Ashiria ngohol Samaria, a kura Iserael, a yem a ve uikangen ken Ashiria, a za ver ve ken Hala man hen kpe u Habor ifi u ken Gosan, man ken agar a Mbamede.

Yeremia 16:18

Nahan Me vande oron ve iyev á kuma kwa har sha iferkwagh ve kua isholibo ve, sha ci u ve hôngor tar Wam sha akom a akaa a ve a ndôhôr shima, man ve mgbough dyako Wam a akaa a ve a hôngorough la.

Yeremia 2:7

Man shi M va a ven ken tar u doon iyiagh, sha u ne̱ ya atam a u, man mdoom ma u; kpa er ne nyôr yô, ne hôngor Mo tar, ne gema dyako Wam hingir kwagh u ndôhôrshima.

Ukwelegh 5:6

Ka hen Mbaigipiti, se dugh ave, kua hen Mbaashiria sha u ma se zough a kwaghyan u una kuma se yô.

Esekiel 4:13

TER gema kaa er: Kape Mbaiserael vea ya kwaghyan ve u a lu wang ga, ken akuraior, henpe Me zenda ve vea yem la.

Daniel 1:8

Kpa Daniel vande wan ken ishima er una hôngor iyol na sha kwaghyan u tor, shin sha wain u a maan la kpaa ga; nahan a pine orvesen u mbaerentom ken iyou i tor la er, a̱ na un ian sha u una hôngor iyol na ga yô.

Hosea 11:11

Vea due ken Igipiti a akarkase iyol er annyon nahan, man er atii nahan ken tar u Ashiria; shi Me na ve vea tema ken uya vev, kape TER A kaa ne.

Hosea 11:5

Una hide ken tar u Igipiti; Ashiria una lu tor na, sha ci u ve venda u geman ishima yô.

Hosea 7:11

Eferaim ngu er ibume atii u kaven kwagh ga yô; ka ve yila Igipiti, ve za hen Ashiria.

Hosea 7:16

Ve gema, kpa ve ver ishigh Sha ga; mba er ada u bo nahan; á wua mbatarev vev sha sanker sha ci u kwaghôron ve u dang sha zwa ve. Kwagh ne una hingir u nahan ve tar a mi ken Igipiti.

Hosea 8:13

Mba sôngon iniav nan Mo, ka ve inyam tsô, mba ye i, doo TER a mbi ga; hegen yô, Una umbur iferkwagh ve man Una tsaha ve sha asorabo a ve, vea hide ken Igipiti.

Hosea 9:6

Gadia nenge, ve war mtim, nahan kpaa Igipiti una kohol ve imôngo, man Memfishi una ii ve; akaa a ve a doon a azurfa la, ukôrakondo vea ya dyako sha mi, usaa vea mende ken utenti vev.

Levitiku 18:28

sha er tar u̱ de soo ne kera, zum u ne hôngor a u, er lu u suwa akuraior a a vande a ven la nahan ga.

Levitiku 20:22

Waan nen akaawan a Am cii kua akaaôron Am a jirigh iko, eren nen sha a kpaa, sha er tar u M lu van a ven ker Mer, tema nen ker la, ua suwa ne kera ga yô.

Levitiku 25:23

I̱ de teen inya la i̱ saan ga; gadia ka inya Yam, gadia ne mba mbavannya man ushirmbaiorov Av.

Amoshi 7:17

nahan yô, TER ngu kaan nahan er: Kwase wou una hingir idyakwase ken gar, ônov ou mba nomso man mba kasev á wua ve sha sanker, sule wou kpaa á kar kwar a mi sha kor u karen kwagh a min; we iyol you kpaa ú kpe ken tar u hôngorough, Iserael kpaa á kura un ken tar na kera, á yem a na uikangen.

Mika 2:10

Mough sha, yem nen, gadia ka ijiir i memen ne ga; sha ci u i hôngor yô, ia va a mtim, ka mtim u vihin tsung je.

Aerenakaa A Mbaapostoli 10:14

Kpa Peteru kaa er: Nahan ga, Tere, gadia mayange je m ngu a ya ma kwagh u hôngorough shin kwagh u wang ga nahan ga.

Duteronomi 28:63

Tsô, er TER A ember ne sha u Una ver ne doo doo, man Una seer ne iyenge la, kape TER Una ember ne sha u nan ne, né saa ishe man sha u Una tim ne la; á kar a ven ken tar u ú ze sha u za ngohol u la kera.

Duteronomi 28:68

TER Una hide a we ken Igipiti sha utso sha gbenda u m kaa u mer: Mayange ú kera nenge a u ga la; keela né teen ayol a en ner mbaihomov enev ve̱ yam, né lu ikpan i nomso man i ukase kpaa, kpa ma or nana rumun u yamen ne ga.

Duteronomi 4:26

m yila Sha man tar ve̱ lu shiada sha a ven nyian, né per Yordan sha u za ngohol u la je ga; né tsa ayange kpishi ken u ga, tsô né tim purututu.

Yosua 23:15

Tsô, er akaa a dedoo a TER, Aôndo wen, ôr a ven la cii a er ne sha mi nahan yô, kape TER shi Una va ne a akaabo cii, zan zan Una tim ne sha tar u dedoo kera, u TER, Aôndo wen, A ne ne u ne.