Hosea 9:15 - ICIGHAN BIBILO

¹⁵ Iferkwagh ve cii ngi ken Gilgal; ka keela M ker ve ihom ye; sha ci u iferkwagh i aeren a ve la Me zenda ve ken iyou Yam kera; vea kera doom ishima ga; mbatarev vev cii ka mbaahendanev je.

Hosea 9:15 Iomraidhean Croise

Upasalmi 78:60

A undu tabernakel u ken Shilo, tenti u A tim hen atô u ior la.

Yesaia 1:23

Atiator a ou ka mbaahendanev, akar a mbanumungbenda; hanmô ve nan soo inyaregh ki yamen ishô a mi, mba keren injar; mba er ijir i kuran ancôgholov ga, mba we kasev mba côgholov iko sha ijir kpaa ga.

Yeremia 11:15

U a doom ishima la, ka nyi i gbe un, ken iyou Yama? Gadia ka imanger a lu manger ye. Uiceghzwa man icighaninyam vea fatyô u karen a kwagh u una va tser u la kera kpa? Nahan shighe la ú ember kpa?

Yeremia 12:8

Dyako Wam hingir Mo er begha ken ikô nahan; a ta kume a Mo, ka nahan man M ker un ihom ye.

Yeremia 15:1

Nahan TER kaa a mo er: Shin Mose kua Samuel vea tile sha ishigh Yagh je kpaa, mayange Me kera ver ishima sha ior mban ga; zenda ve sha ishigh Yagh kera, ve̱ yem kera.

Yeremia 3:8

Tsô, m nenge, zum u M pav a Iserael u a undu mimi na la sha ci u ityôikaa i idya na la, man M na un takerada u paven ivôson, nahan kpaa, anngô na u kwase, Yuda, u jighjigh ga la, cia ga, kpa un je kpaa a za a za er idya.

Yeremia 5:5

yô, me za hen mbavesen, me za ôr kwagh a ve, gadia ve fa gbenda u TER, man tindi u Aôndo ve. Kpa ve cii imôngo ve kever igbur, ve tôndo ikangenev kera.

Esekiel 22:27

Mbatarev nav ken a na mba er ugbaseela mba anden inyam i ve ker yô, sha u haan awambe, man u timin uuma mba iorov, sha u vea zua a mtsera u sha mimi ga yô.

Esekiel 23:18

Zum u a due a idya na ken igbar man a bugh idyelegh na la, nahan a duem ishima, er anngô na u kwase lu duem ishima nahan.

Hosea 1:6

Shi a wa iyav, a mar wan u kwase. Nahan TER kaa a na er: Ii un iti wer, Lo-ruhama (i zungwe un mhôônom ga), gadia Me kera seer u zungwen ya u Iserael mhôônom sha u den ve ibo ve ga.

Hosea 1:9

Nahan TER kaa er: Ii un iti wer Lo-ami (Ioravga); gadia ne mba ior Av ga, Mo kpaa Me lu Aôndo wen ga.

Hosea 12:11

Er Gileadi vande lun iferkwagh yô, ve hingir gbilinkwagh cii; ken Gilgal mba nan nagh ku sôngon sha anomabua; atse ve a nanden nagh sha mi la aa hingir er atihi a awen ken ihighasule nahan.

Hosea 12:2

TER ngu a ayôôso a Yuda kpaa, Una tsaha Yakob sha ci u igbenda na, man Una na un injar sha aeren a na.

Hosea 3:4

Gadia Mbaiserael vea lu a tor ga ayange kpishi, ortaregh kpaa ga, nagh ku nan kpaa ga, ityôgh ki iwenegh kpaa ga, efodi man terafim kpaa ga;

Hosea 4:15

Shin er we Iserael u eren idya, nahan kpaa Yuda a̱ de hingir u lun a ibo ga; de kera ve nen hen Gilgal ga, man shi de kera ze nen sha Bete-aven ga, man de kera bumun kaan wer: Er TER A lu uma ne, kpaa ga.

Hosea 4:9

Er á er a ior nahan, kape pristi kpaa á er a nan la; Me tsaha un sha ci u igbenda na la man Me na un injar sha aeren a na.

Hosea 7:2

Kpa ve kera fa ken asema a ve er Mo M lu umbur aeren a ve a bo la ga; hegen yô, aeren a ve kase ve wa ve atô, nga sha ishigh Yagh.

Hosea 9:17

Aôndo wam, Una ta ve kera, sha ci u ve ver ato hen a Na ga yô, nahan vea hingir mbaazende azende ken akuraior.

Hosea 9:3

Vea kera tema ken tar u TER ga; kpa Eferaim una hide hen Igipiti man vea ya kwaghyan u wang ga ken Ashiria.

Levitiku 26:30

Shi Me vihi ajiir a en a taven sha la, Me vihi atse a en a nanden kwaghhumandoon sha mi la kera, Me haa akom a en sha akom a mbaaôndo enev mba gbiliniv; ishima ia ndôhôr Mo a ven.

Amoshi 4:4

Va nen hen Betel, va per nen atindi; va nen hen Gilgal va seer peren nen atindi; va nen a iniav yenev mbi sôngon hanma sev, man môm-ken-upue enev hanma iyange i sha utar.

Amoshi 5:27

Nahan yô, Me yem a ven uikangen kar Damaseku yem ken hemen, kape TER A kaa ne, Wen u iti Na i lu Aôndo u akum a Sha la.

Amoshi 5:5

Kpa de kera keren nen Betel ga, de nyer nen ken Gilgal kpaa ga, shi de ze nen hen Bersheba kpaa ga; gadia á yem a Gilgal uikangen kpee je, man Betel kpaa una hingir gbilinkwagh.

Mika 3:11

Mbahemenev nav mba ôron ijir sha inyaregh ki ken myer, upristi nav kpaa mba tesen sha tôndo, man uprofeti nav mba ôron kwaghôron u profeti sha inyar; nahan kpaa mba suur sha TER, mba kaan er: TER ngu ken vese gaa? Ma kwagh u bo una tser se ga.

Mika 6:5

Ne ior Av, umbur nen ase kwagh u Balaki tor u Moabi ngise hen la, man kwagh u Balaam wan u Beor gema kaa a na la; shi kwagh u a er hii hen Shitim zan zan ar hen Gilgal la, sha u ne̱ fa aeren a perapera a TER yô.

Sefania 3:3

Mbatarev mba ker atô na ka ubegha mba tan kume; mbaajiriv nav ka ugbaseela mba aikighe mba ve shin ma kwagh her sha ci u pepe ga yô.

Sekaria 11:8

Tsô m wua mbakuranilev utar ken uwer môm; gadia m kera fatyô u wan ishima a ve ga, ve di kpaa m due ve ishima.

Aerenakaa A Mbaapostoli 4:27

Gadia mimi je, ken gar ne Herode man Pontiu Pilatu kohol a atôatyev man nongoior u Iserael cii imôngo sha Wanakiriki Wou, Yesu, u U shighe Un mkurem la,

Aerenakaa A Mbaapostoli 5:21

Mba ongo nahan yô, ve za nyôr ken tempel pepe, ve gba tesen. Kpa zegepristi va kua mba ve lu a na ityô, ve lôhô mkohol kua mbatamen mba Iserael cii, ve tindi hen gaadi er i̱ va a ve.

Yosua 10:43

Tsô Yosua hide hen afo a hen Gilgal a Iserael cii.

1 Samuel 7:16

Sha hanma inyom a ningir hen Betel man Gilgal kua Misepa; a lu ôron Iserael ijir sha ajiir la cii.