Hosea 9:12 - ICIGHAN BIBILO

¹² Shin vea yese ônov vev, nahan kpaa Me ngohol ve ônov kera, zan zan ma or nana kera shi ga; kwagh una tser ve, zum u Me pav a ve la.

Hosea 9:12 Iomraidhean Croise

2 Utor 17:18

Nahan ishima vihi TER a Iserael kpishi, A kar a ve sha ishigh Nagh kera, mô kera shi ga, saa kwe u Yuda tseegh.

2 Utor 17:23

zan zan TER kar a Iserael sha ishigh Nagh kera, er lu kaa mbayev Nav uprofeti ve gema ve ôr yô; ka nahan man i dugh Iserael ken tar na kera, i yem a ve ken Ashiria uikangen zan zan nyian ye.

Yobu 27:14

Aluer ônov mba nan vea ngee kpaa, ka sha ci u hingir kwaghyan u sanker tsô; tsombor u nan kpaa, kwaghyan una kuma u ga.

Yeremia 15:7

M peer ve sha tser hen ihinda i tar ve la; M tsuwe ve ônov kera, M tim ior Av; ve undu igbenda ve la ga.

Yeremia 6:8

We Yerusalem, rumun ityesen, sha er uma Wam a̱ de vende u ga yô; man sha er M̱ de gem u u̱ hingir ice, tar u lun a orteman ker ga, ze.

Ukwelegh 2:20

Nenge, TERE, nenge, un u U er kwagh a na nahan ne! Kasev ve̱ ya ônov vev, mba ve tee ve sha ave laa? I̱ wua pristi man profeti ken icighanjiir u TERE?

Ukwelegh 2:22

U lôhô mcieryol va kasem avegher cii tser, er ka sha iyange i iniongo nahan; ma or u yevese shin u waren kera lu sha iyange i iyugh i TER la ga; mba m tee ve sha ave man mba m yese ve la, orihom wam va tim ve kera.

Hosea 7:13

Kwagh á tser ve! Ve yevese ve undum! I̱ tim ve kera, gadia ve hendan a Mo; ma M paa ve, nahan kpaa ve wam aie iyol.

Hosea 9:13

Eferaim er m nenge a na yô, lu er Tiru nahan, i môôr un sha ijiir i dedoo; kpa Eferaim una due a ônov nav, una va a mi hen orsôngon.

Hosea 9:16

I gbidye Eferaim, mise ve uma kera, vea kera ume atam ga; shin er vea mar kpaa, Me wua ônov vev mba doon ve ishima la kera.

Malaki 2:12

TER A̱ tim or u nan er nahan la, ken utenti mba Yakob kera, oryilan kua orvengese kpaa, kua wen u a ne TER u akum a Sha nagh kpaa.

Numeri 14:34

Iyenge i ayange a ne lu nengen tar la mker, ayange akunduahar la, inyom i môm sha ityough ki hanma iyange, né tôô afer a en, ka anyom akunduahar je la, ka nahan man né fa er i kera doom a ven ga ye.

Numeri 26:65

Gadia TER ôr kwagh ve er: Vea kpe ken desereti kpee; nahan mô ve môm kera shi ga, saa Kalebu wan u Yefune man Yosua wan u Nun.

Duteronomi 28:18

Tsombor wou man iyiagh ki ken sule wou, ibua you i maren kua iyôngo you i maren ia lu a ifan iyol.

Duteronomi 28:32

Á gema ônov ou mba nomso man mba kasev á na ikurior igen, ú lu nengen sha ashe ou, ashe ou kpaa aa yina u ikôr sha ci u veren a sha a ve, sev cii, uwegh ough kpaa kua lu agee a eren ma kwagh ga.

Duteronomi 31:17

Tsô sha iyange la iyugh Yam ia kende sha a ve, Me gbihi ve kera, Me yer ve ishigh Yagh, á omon ve, akaavihin man atsan kpishi aa tser ve; sha iyange la vea kaa er: Kera ka sha ci u Aôndo wase A lu a vese ga, man akaabo ne a tser se nahan ye gaa?

Duteronomi 32:25

Ken won yô, sanker una wuan kera, ken ayou yô, mciem maa tan iyol; á tim anyekwaor man iniunkwase, man wanikundan kua ormendenivu kpaa.

Mbaajiriv 4:16

Kpa Baraki zenda akeke kua akumautya la ijime zan zan ar hen Harosheti u atôatyev; akumautya a Shisera cii kpe ku u sha sanker, or môm war ga.

1 Samuel 16:14

Kpa Jijingi u TER due hen Saulu kera, TER gema tindi jijingi u bo lu haan un mciem iyol.