Hosea 8:6 - ICIGHAN BIBILO

⁶ Gadia kwagh ne due ka ken Iserael; or u eren eev er un, ka aôndo ga; wanbua u Samaria la, á hembe un avur avur.

Hosea 8:6 Iomraidhean Croise

2 Utor 23:15

Man shi atse a nanden nagh sha mi a a lu ken Betel kua ijiir i taven sha i Yerobiam wan u Nebati u a na Iserael a er isholibo la, lu er la, atse shon man ijiir i taven sha la, a hembe a, a nande ijiir i taven sha la, a hembe i zan zan hingir vuwe, a nande Ashera la kpaa.

2 Utor 23:19

Man shi ayou a sha ajiir a taven sha cii a a lu ken agar a Samaria, a utor Mbaiserael lu er sha ci u bamen TER la, Yoshia kar a a kera cii, a er a a vough sha aeren a a er ken Betel la cii.

2 Kroniku 13:8

Hegen yô, ne mba henen ner, ne fatyô u hendan a tor u TER, u a lu sha ikev i ônov mba Davidi, gadia ne mba ikumior i vesen je, man ne mba a anibuav mba zenaria mba Yerobiam er ne, er ve̱ hingir ne mbaaôndo la.

2 Kroniku 31:1

Tsô zum u i kure akaa ne cii yô, Mbaiserael mba ve lu her cii, ve due ve za ken agar a Yuda, ve za hembe mtôm ma awenem, ve gber Asherim kera, ve hembe ajiir a taven sha man atse a nanden nagh sha mi a ken Yuda cii man a ken Benyamin man ken Eferaim kua Manase kpaa, ve vihi a ci ca cii. Tsô ônov mba Iserael cii hide, hanma or nan yem hen gar u nan hen ya u nan.

Yeremia 10:14

Hanma or nan hingir orlanenkwagh, nan ban a mfe; hanma or u nan eren tom sha zenaria nan va ahenge sha ieev mbi nan mbi gban a gba la; gadia ieev mbi nan mbi keren a ker mbila ka kwagh u icughugh je, ma iôôn ngi ken mbi ga.

Yeremia 48:13

Moabi una va ahenge sha ci u Kemoshi, er ya u Iserael lu va ahenge sha ci u Betel, u ve suur sha mi la nahan.

Yeremia 50:2

Pase nen akuraior, yôô nen, tim tuta, yôô nen, de kera yeren nen ga, kaa nen, ner: I ngohol Babilon, Bel va ahenge, kwagh hemba Merodaki; ieev nav va ahenge, kwagh hemba akombo a na.

Hosea 10:2

Asema nga ve ahar, hegen yô, vea ya ibo; Una hembe atse a ve a nanden nagh sha mi, Una vihi mtôm vem ma awenem kera.

Hosea 13:2

Hegen kpaa mba eren asorabo zan hemen hemen, mba keren ieev, akombo a i er a sha azurfa ve sha mfe, a cii ka tom u mbafaneev; mba kaan sha a er: Mba ve ne nagh yô, mba susu anibuav.

Hosea 14:3

Ashiria una yima se ga; sé henda anyinya ga; man sé kera yila tom wase u aveegh ser: Aôndo wase, ga; gadia ka her a We ancôgholov ve zough a mhôônom ma zungwen ye.

Mika 1:7

Ieev nav mbi gban a gba cii, á hembe mbi avur avur, man injar na i sha idya la cii á nande i sha usu, Me gema ieev nav cii, mbia hingir ice; gadia ka sha injar i agbaga a kohol mbi ye, man shi mbia hide hen injar i agbaga kpaa.

Habaku 2:18

Eev mbu gban a gba, mbu or nan gbe mbu la, mbu a inja sha nyi? man shi eev mbu haan, mbu mbu lu ortesen u aiegh la, or u nan gbe mbu la nan gem nan suur sha kwagh u nan gbe la, or ka nan gba ieev mbi gbiliniv mbi fan ityô u lamen ga!

Aerenakaa A Mbaapostoli 17:29

Man er se lu tsombor u Aôndo je yô, doo u sé hen ser, Aôndo ngu er zenaria shin azurfa shin ma iwen i i koo i a kua sha kwaghfan man sha mhen u or nahan ga.

Aerenakaa A Mbaapostoli 19:26

ne mba nengen, shi ne mba ungwan kpaa, ka ken Efese tseegh ga, shi ciôn ma i lu ken Ashia cii je man Paulu ne a lu ulugh ior kpishi, geman ve je, ngu kaan er, mban mba i eren sha ave ne ka mbaaôndo je ga.