Hosea 8:5 - ICIGHAN BIBILO

⁵ Wanbua wou ndôhôr ishima, Samaria; iyugh Yam yegh sha a ve; ka hanma shighe je vea hingir wan ga?

Hosea 8:5 Iomraidhean Croise

2 Kroniku 13:8

Hegen yô, ne mba henen ner, ne fatyô u hendan a tor u TER, u a lu sha ikev i ônov mba Davidi, gadia ne mba ikumior i vesen je, man ne mba a anibuav mba zenaria mba Yerobiam er ne, er ve̱ hingir ne mbaaôndo la.

Upasalmi 19:13

Kura wanakiriki Wou sha asorabo a sha apera; a̱ de hembem agee ga, tsô me lu a acôghol a wan iyol ga, man shi me war u eren isholibo i vesen.

Anzaakaa 1:22

Ne mbalanenkwagh, ka hanma shighe je lanegh kua de saren ne; man mbapuunakaa kpaa kwaghpuun una de doon ve; abumeaior kpaa aa de u vendan mfe?

Yesaia 45:20

Kohol nen ayol a en va nen; kporom nen imôngo, ne mba ne wer ken akuraior. Ve mba a mfe ga, ve mba ve tee ieev vev mbi i gbe mbi sha kon la, man mba ve eren msen, ve sen aôndo u a fetyô u yiman ga la.

Yeremia 13:27

M nenge akaa a ou a ndôhôrshima ka idya you, man mngor wou sha inja i nyinya la, man ijimba you, sha agungu a ken toho. Kwagh á tser u! We Yerusalem. Ka hanma shighe man ú va hingir wang ase?

Yeremia 4:14

Ôô iferkwagh ken ishima you kera, we Yerusalem, sha u u̱ war. Ka hanma shighe je man mhen wou u sha ifer u a tem a we ne, una kuree?

Yeremia 48:13

Moabi una va ahenge sha ci u Kemoshi, er ya u Iserael lu va ahenge sha ci u Betel, u ve suur sha mi la nahan.

Hosea 10:5

Ishima ngi nyian mbateman ken Samaria sha ci u wanbua u Bete-aven; gadia ior nav vea zungwen un, man upristi nav kpaa, mba ve lu ember un sha ci u icivir na la, vea zungwe, gadia i kar her a na kera.

Hosea 10:8

Ajiir a taven sha a Aven, ka isholibo i Iserael je la, á tim a kera; usaa man usagher vea mende sha atse a ve a nanden nagh sha mi la; vea kaa a iwo er: Cir nen se, man a agungu kpaa er: Kighir nen se.

Hosea 13:2

Hegen kpaa mba eren asorabo zan hemen hemen, mba keren ieev, akombo a i er a sha azurfa ve sha mfe, a cii ka tom u mbafaneev; mba kaan sha a er: Mba ve ne nagh yô, mba susu anibuav.

Hosea 8:6

Gadia kwagh ne due ka ken Iserael; or u eren eev er un, ka aôndo ga; wanbua u Samaria la, á hembe un avur avur.

Amoshi 8:14

Mba ve bumun kwaghbo u Samaria, mba ve kaan er: Er Aôndo wen a lu uma yô, we Dan; man shi: Er gbenda u yemen Bersheba u lu uma yô; vea gba, mayange vea kera mough sha ga.

Mika 1:7

Ieev nav mbi gban a gba cii, á hembe mbi avur avur, man injar na i sha idya la cii á nande i sha usu, Me gema ieev nav cii, mbia hingir ice; gadia ka sha injar i agbaga a kohol mbi ye, man shi mbia hide hen injar i agbaga kpaa.

Aerenakaa A Mbaapostoli 7:41

Sha ayange la ve er eev mbu wanbua ve va a nagh ve va na eev mbula, saan ve iyol a ityom i ave a ve la.

Duteronomi 32:22

Gadia i keer usu sha iyugh Yam, ngu yeghen je u ar shin atô u Sheol je; ngu hian tar a iyiagh ki u ngu hian amagh a iwoogh.