Hosea 7:5 - ICIGHAN BIBILO

⁵ Sha iyange i tor wase la mbatarev na ayol a ve angev sha m-oso u wain; a naregh uwegh nagh a mbanahantar imôngo.

Hosea 7:5 Iomraidhean Croise

Genese 40:20

Tsô sha iyange i sha utar la, lu iyange i umbur mmar u Farao la, a yôr mbatomov nav cii iwer; tsô a kende orvesen u mbatoonkwaghman man orvesen u mbakaanbredi ityough sha, ken mbatomov nav mbala.

1 Utor 13:4

Tsô, zum u tor ungwa mkaanem ma or u Aôndo, u a genger imo, a ter atse a hen Betel la yô, Yerobiam naregh uwegh nagh sha atse la, kaa er: Kôr un. Tsô uwegh nagh ku a naregh sha a na la saa nelôô, a kera fatyô u hiden a ku ga.

Upasalmi 1:1

I saan or u nan zenden sha mhen u mbaaferev ga la iyol, gbenda u mbaasorabo nan til sha u ga, mbanahantar kpaa nan tem imôngo a ve ga;

Upasalmi 69:12

Mba ve tem hen hundagar yô, mba ôron kwagh wam; m hingir icam i mbahundenmsôrom wan.

Anzaakaa 13:20

Zende a mbafankwagh imôngo, nahan we kpaa ú hingir orfankwagh, kpa ijende i abumeaior yô, ia zua a ican.

Anzaakaa 20:1

Wain ka orpuunakaa, msôrom ma yuwan kpaa ka orayôôso; hanma or u nan hundu ma yô, ka orfankwagh ga.

Yesaia 28:1

Kwagh á tser idyer i tor i gengeseyol i mbahundenmsôrom mba Eferaim man imondon u usen kera, u mdooashe na u tsung la, u a lu sha ityough ki pev u doon sule yum, u mba wain a gbihi ve inya la!

Yesaia 28:14

Nahan yô, ungwa nen kwaghôron u TER, ne mbanahantar mban, ne mba ne hemen ior mba ken Yerusalem!

Daniel 5:23

Kpa u kende a iyol you sha, u hendan a Aôndo u Sha; shi i va a ikav mbi ken iyou Na sha ishigh you kpaa, we man mbatarev ou man kasev ou man kasev ou mba sha uika, ne ma wain a mi; man u civir mbaaôndo mba sha azurfa man mba sha zenaria man mba sha togula man sha iyô man mba ikon man mba sha awen, mba ve nengen ga, ve ongo ga, man ve lu a mfe kpaa ga; man Aôndo u iôôn you i lu sha ikev Na, kua igbenda you cii kpaa, u civir Un ga.

Hosea 7:3

Ve na tor iember sha aeren a ve a bo, kua mbatarev kpaa sha mbaaie vev.

Mateu 14:6

Kpa sha iyange i umbur mmar u Herode la, wan u Herodia u kwase va vine amar sha ishiv vev, nahan doo Herode.

Marku 6:21

Kpa iyange igen ian due, gema lu sha iyange i umbur mmar u Herode la; a er iniongo sha ci u ashagba a na man utormbautyav mba tamen nav man akpamaior a Galilia kpaa.

Mbaefese 5:18

De hundu nen msôrom ga, dang ngu keregh, kpa iv nen a Jijingi.