Hosea 7:4 - ICIGHAN BIBILO

⁴ Ve cii ka udyambaiorov; mba er atse a kaan kwagh ker a a tseen her yô, shin er orkaankwagh nan de u kenden usu, zum u a hii u hôron mwem zan zan kwa ua kar zuan sha mi cii yô.

Hosea 7:4 Iomraidhean Croise

Yeremia 23:10

Gadia tar ne iv a udyambaiorov; ifan gema na tar mzungu; ajiir a yan toho a ken taaikôngo uma cii; kwagh u ve ze her ayem yô, saa ka u bo; gbenda u ve keren tahav a mi yô, ka u mimi ga.

Yeremia 9:1

Ityough yagh ma ki lu ase mngerem man ishe yam kpaa ma i lu ase imbor i mlia, ma m vaa tugh kua tetan sha ci u mba i woo ve ken wankwase u ior av la!

Yeremia 9:2

Ma m lu ase a ijiir i tsan ker ken taaikôngo, i i ver sha ci u mbakaren gbenda, ma m pav a ior av, ma m undu ve! Gadia ve cii ka udyambaiorov je, ikumior i lun a jighjigh ga.

Hosea 4:10

Vea ya kwagh, kpa á kuma ve ga; vea er idya, kpa vea seer iyenge ga, sha ci u ve de u wan TER iko yô.

Hosea 4:12

Ior Av mba keren mhen sha ikon ve, gbough vegh ku pasen ve kwagh; gadia jijingi u idya tsume a ve, ve yem ken idya, ve gbihi Aôndo ve.

Hosea 4:2

Ka u bumun, man u eren aie, man u wuan, man u iin, man u eren idya; mba hemben uya, je awambe a haan inya dondo sha awambe a haan.

1 Mbakorinte 5:6

Ihagh yen la doo ga. Ne kera fa er wankwa u kpeghee ka a zua sha ijenmwe cii ga?

Yakobu 4:4

Ne mbadyarev, ne fa er u yan ikar a tar i lu u lun ihom a Aôndo gaa? Nahan yô, or u i sar nan ka lun ikar a tar yô, nan hingir orihom u Aôndo je ve.