Hosea 7:12 - ICIGHAN BIBILO

¹² Zum u vea yemen yô, Me hôn ve sha kper; Me sen a ve shin inya er ka inyon i sha, nahan; Me tsaha ve er i vande yôôn ken mkohol ve nahan.

Hosea 7:12 Iomraidhean Croise

Yobu 19:6

Fa nen, ka Aôndo je, A nzughul a mo ye, A wa kper Na kasem yisa.

Orpasenkwagh 9:12

Gadia or fe shighe u nan ga; er ishu i i ker shin kper u bo yô, man er inyon i i ker sha kwaghhônon yô, kape ka i kôr ônov mba iorov sha shighe u bo, zum u ka a bur ve a bur la.

Yeremia 16:16

Nenge, Me tindi, á yila mbakôronishu kpishi, kape TER A kaa ne, vea va kôr ve; ken masetyô Me tindi, á yila mbayarenikôr kpishi, vea num ve sha hanma uwo man sha hanma igungu man ken ikwe i avande kpaa.

Yeremia 44:4

Nahan kpaa M tindi ne a mbatomov Av cii, uprofeti, pepe kua aikighe Mer: Shi de eren nen kwagh u ndôhôrshima ne, u uma Wam a nyagh un la ga.

Esekiel 12:13

Me haa un kper Wam, man una gba ken kwaghhônon Wam; Me va a na hen Babilon ken tar u Mbakaldi; kpa una nenge a u ga, una kpe ker.

Esekiel 17:20

Me samber kper Wam sha a na, á kôr un ken kwaghhônon Wam, Me va a na ken Babilon, Me za ôr un ijir keela sha ci u mimi ga ve, u ve er a Mo sha mimi ga la.

Esekiel 32:3

Ter AÔNDO ngu kaan nahan er: Me samber kper Wam sha a we; Me tindi ikpelaior i i kohol ken akuraior kpishi, vea kpela u sha kper Wam.

Hosea 5:9

Eferaim una hingir ice sha iyange i mtsaha la; ken ikwe i Iserael M pase kwagh u una va er kpee yô.

Mpase U Yohane 3:19

Mo yô, mba ve doom cii ka M tsaha ve shi M kôôm ve kpaa, nahan yô, ver ishima, gema ishima.