Hosea 7:1 - ICIGHAN BIBILO

¹ Zum u M ver ishima u wanger Iserael yô, nahan ifer i Eferaim gema due ken igbar kua aeren a bo a Samaria kpaa, gadia ve eren kwagh sha aie; ormbaiv ngu nyôron, man ikum i mbanumungbenda ngi numun ken won.

Hosea 7:1 Iomraidhean Croise

Yesaia 28:1

Kwagh á tser idyer i tor i gengeseyol i mbahundenmsôrom mba Eferaim man imondon u usen kera, u mdooashe na u tsung la, u a lu sha ityough ki pev u doon sule yum, u mba wain a gbihi ve inya la!

Yesaia 59:12

Gadia atindi a ase a peren ngee sha ishigh You, asorabo ase kpaa nga nan se ibo; gadia atindi a ase a peren nga a vese ityô, man aferakaa ase kpaa, se fa a,

Yesaia 59:13

ka u peren atindi man u nyiman TER, man u geman kera den u dondon Aôndo wase ityô, u ôron kwagh u mkighir u sha ican man mhendan, u henen akaaôron a aiegh ken ishima man ôron a kpaa.

Yesaia 59:14

Ijirôron i mimi kpaa, i daa i kera, i hide ijime, perapera kpaa tile ca; gadia mimi nôngo gbev gba hen tembejirigh, man perapera kpaa kera zua a gbenda u nyôron ga.

Yeremia 51:9

Ma se wanger Babilon, kpa a wanger ga; sé undu nen un, sé yem nen hanma or hen tar u nan; gadia ijirôron na ar Sha je, i kôndo a i sha zan zan za ar sha kwavaôndo je.

Esekiel 16:46

Wanngôu u tamen u kwase ka Samaria, u a tema ken uwegh ough ku imesegh la, un a ônov nav mba kasev; man anngôu u kiriki u kwase, u a tema ken uwegh ough ku yanegh la, ka Sodom ma ônov nav mba kasev.

Esekiel 23:4

Ati a ve lu Ohola, ka u vesen je la, man Oholiba anngô na u kwase; ve hingir mba Av man ve mar ônov mba nomso man mba kasev. Sha kwagh u ati ve yô, Samaria ka Ohola, man Yerusalem gema ka Oholiba.

Esekiel 24:13

Sha ci u ijimba you i dang la, sha ci u M wanger we, kpa u wanger ga, nahan á kera wanger we sha hôngor wou ga, zan zan iyugh Yam sha a we ia mem.

Hosea 10:5

Ishima ngi nyian mbateman ken Samaria sha ci u wanbua u Bete-aven; gadia ior nav vea zungwen un, man upristi nav kpaa, mba ve lu ember un sha ci u icivir na la, vea zungwe, gadia i kar her a na kera.

Hosea 11:12

Eferaim kasem sha mbaaie, ya u Iserael kpaa kasem sha icugh, man Yuda kpaa ar ave, kera wa Aôndo iko ga man U a lu Icighan u jighjigh la kpaa ga.

Hosea 11:8

Me er nan man Me de u kera Eferaim, Me er nan man Me gbihi u Iserael? Me er nan man Me de u, u hingir er Adema nahana? Me er nan man Me gema u u hingir er Seboim nahana? Ishima gemam kimi, mhôônom kôrom tsung.

Hosea 12:1

Eferaim kôr hur a ahumbe, ngu zan ahumbe a ken ityoughkitaregh ityô; ngu seer a seer aie man ipila iyange jimin cii; ve ya ikur a Ashiria, shi mba zan a mkurem ken tar u Igipiti kpaa.

Hosea 12:2

TER ngu a ayôôso a Yuda kpaa, Una tsaha Yakob sha ci u igbenda na, man Una na un injar sha aeren a na.

Hosea 4:17

Eferaim var a akombo; de un tsô.

Hosea 4:2

Ka u bumun, man u eren aie, man u wuan, man u iin, man u eren idya; mba hemben uya, je awambe a haan inya dondo sha awambe a haan.

Hosea 5:1

Ungwa nen kwagh ne, ne upristi, man ver ishima we ya u Iserael, kegh ato, we ya u tor! Gadia á ôr ne ijir sha ci u ne hingir kwaghhônon hen Misepa, man kper u wan sha Tabor.

Hosea 6:4

Me er nana a we, we Eferaim? Me er nana a we, we Yuda? Gadia dooshima wen ngu er ka ibeenegh ki pepegh yô, man er avure a ka a ndoor kera fese yô.

Hosea 7:13

Kwagh á tser ve! Ve yevese ve undum! I̱ tim ve kera, gadia ve hendan a Mo; ma M paa ve, nahan kpaa ve wam aie iyol.

Hosea 8:5

Wanbua wou ndôhôr ishima, Samaria; iyugh Yam yegh sha a ve; ka hanma shighe je vea hingir wan ga?

Hosea 8:9

Gadia ve kôndo sha Ashiria, er jaki i toho i zenden tswen nahan; Eferaim kimbi inyaregh sha u zuan a mba un doo ve ishima yô.

Amoshi 3:10

Gadia ve kera fa u eren kwagh u mimi ga, kape TER A kaa ne, ve mba ve ombon ipila man iv ken ayou a ve a tor la.

Amoshi 3:9

Yôô nen sha ayouator a Ashedodi, man sha ayouator a ken tar u Igipiti, ner: Kohol nen sha iwo i Samaria, yô, nenge, uzegembaayôôsov mba ve lu ker, man mbamkighir mba ker atô na la.

Amoshi 8:14

Mba ve bumun kwaghbo u Samaria, mba ve kaan er: Er Aôndo wen a lu uma yô, we Dan; man shi: Er gbenda u yemen Bersheba u lu uma yô; vea gba, mayange vea kera mough sha ga.

Mika 6:16

Gadia mba eren sha atindi a Omri kua sha aeren a hen ya u Ahaba cii, man ne mba zenden sha mbamhen vev; sha u Me gema u u̱ hingir ice, man mba ve tem ker kpaa ve̱ hingir kwagh u̱ gbiren iwer a min; nea tôô iheen i ior Av kpaa.

Mateu 23:37

Yerusalem, Yerusalem, we u u woo uprofeti man u te mba i tindi ve her a we, awen ne; ka acin a me je man i lum pe kohol ônov er ngôikegh ka a kohol ônov nav shin akper a na nahan, kpa ne rumun ga!

Luka 13:34

Kpash! Yerusalem, Yerusalem, we u u woo uprofeti man u te mba i tindi ve her a we, awen ne! Ka acin a me je man i lum pe kohol ônov ou er ngôikegh ka a kohol ônov nav, shin akper a na nahan, kpa ne rumun ga!

Luka 19:42

A kaa er: Kpash, ma u shi fe akaa a a lu nan bem nyian ne; kpa hegen yô, nga myer sha ashe ou.