Hosea 6:9 - ICIGHAN BIBILO

⁹ Man er ikum i mbanumungbenda ka ve yer ve kegh nahan, kape nongo u upristi kpaa ve woo ior sha gbenda u zan Shekem la; een, ve er kwagh u kunya.

Hosea 6:9 Iomraidhean Croise

Genese 12:6

Tsô Aberam gba zenden ken tar la zan zan za ar hen tembe u Shekem, hen kon u terebin u More. Sha ayange la Mbakanaan lu ken tar la.

1 Utor 12:25

Tsô Yerobiam maa Shekem sha tar u iwoogh u Eferaim, a tema ker; a mough keregh, a za maa Penuel.

Esera 8:31

Tsô se mough hen ifi u Ahava sha uwer u hiihii ayange a u pue kar ahar sha u zan ken Yerusalem; uwegh ku Aôndo wase kpaa lu a vese, A yima se sha ikev i orihom kua i ornumungbenda.

Yeremia 11:9

TER shi kaa a mo er: I tser a mzoughzwa u bo hen ior mba Yuda, kua mba ve tem ken Yerusalem kpaa.

Esekiel 22:25

Uprofeti Nav zua zwa u bo ker atô u u, er ka begha u tan kume anden inyam i a ker yô; ve ya uuma mba iorov, ve kura inyarev man akaa a injaa, ve seer kasev mba côgholov ken u kpishi.

Esekiel 22:27

Mbatarev nav ken a na mba er ugbaseela mba anden inyam i ve ker yô, sha u haan awambe, man u timin uuma mba iorov, sha u vea zua a mtsera u sha mimi ga yô.

Esekiel 22:9

Mbaangerev tema ken a we sha u haan awambe, man ve ya kwagh sha iwo ken a we, ve er ijimba ker atô wou.

Esekiel 23:27

Kape Me na ijimba you la ia bee her a we, man idya you i i dugh ken tar u Igipiti la, nahan ú kera kende ashe sha a ve ga, man ú kera umbur Igipiti kpaa ga.

Hosea 2:10

Hegen Me pase idyelegh na ken igbar sha ishigh ki mba ve doo un ishima yô, or u yiman un sha ikev Yam kpaa, nana lu ga.

Hosea 4:2

Ka u bumun, man u eren aie, man u wuan, man u iin, man u eren idya; mba hemben uya, je awambe a haan inya dondo sha awambe a haan.

Hosea 5:1

Ungwa nen kwagh ne, ne upristi, man ver ishima we ya u Iserael, kegh ato, we ya u tor! Gadia á ôr ne ijir sha ci u ne hingir kwaghhônon hen Misepa, man kper u wan sha Tabor.

Hosea 5:2

Mbaahendanev time ihungwa i zan; kpa Mo Me yange ve cii.

Hosea 7:1

Zum u M ver ishima u wanger Iserael yô, nahan ifer i Eferaim gema due ken igbar kua aeren a bo a Samaria kpaa, gadia ve eren kwagh sha aie; ormbaiv ngu nyôron, man ikum i mbanumungbenda ngi numun ken won.

Mika 3:9

Shi ungwa nen kwagh ne, ne mbahemenev mba hen ya u Yakob man mbatarev mba hen ya u Iserael, ne mba ijirôron i mimi i ndôhôr ne ishima, man ne gem ne vihin hanma kwagh u a lu jighilii,

Mika 7:2

Ormimi saa ishe hen tar kera, man orperapera kera ngu ken ior ga; ve cii mba yeren, keghen u haan awambe inya; hanma or nan ngu nôngon u kôron anngô u nan ken kper.

Sefania 3:3

Mbatarev mba ker atô na ka ubegha mba tan kume; mbaajiriv nav ka ugbaseela mba aikighe mba ve shin ma kwagh her sha ci u pepe ga yô.

Marku 14:1

Tsô ka shin ayange ahar a iniongo i Paseka kua i bredi u i we kwa sha mi ga la, ia kuma yô, upristi mba tamen man mbangeren gba keren ian i vea kôr Un sha atseregh, vea wua Un.

YOHANE 11:47

Tsô upristi mba tamen man Mbafarishi ve zua mkohol, ve kaa er: Se er nana, gadia Or ne ngu eren uivande kpishi.

Aerenakaa A Mbaapostoli 4:24

Tsô mba ongo nahan yô, ve genger imo ve sôn Aôndo a ishima i môm er: Tere, ka We u U er Sha man tar man zegemnger kua akaa a a lu ken ve cii kpaa ye.