Hosea 6:7 - ICIGHAN BIBILO

⁷ Kpa ve vihi ikuryan er Adam nahan; ka heera ve er a Mo dang ye.

Hosea 6:7 Iomraidhean Croise

Genese 3:11

A pine un er: Ka an nan kaa u er u ngu idyeleghee? U ya kon u yan M ta icin Mer, de ye ga la, zee?

Genese 3:6

Tsô zum u kwase la nenge er kon la u doo u yan, man shi er u doo ashe kpaa, man u lu kwagh u saren sha u nan or kwaghfan yô, a zôr atam a u, a ya, shi a na nom na, u lu vea na la, un kpaa ya je.

2 Utor 17:15

Ve venda akaawan a Na man ikuryan Na i A ya a uter vev kua mbampase Nav mba A pase ve kpaa; ve gema, ve dondo akaagbilinigh zan zan ve hingir dang, ve dondo akuraior a a kase ve la, a TER wa ve tindi sha kwagh ve er, ve̱ de eren er ve nahan ga la.

Yobu 31:33

Aluer mea cirin akaabo am er Adam nahan, mea yeren ifer yam ken vanger kpaa yô,

Yesaia 24:16

Hii shin ikighir i tar je, se ungwa atsam er: I̱ wuese orperapera. Kpa mo m kaa mer: M ngu saan, kwagh tserem ve! Mbaatsereghev mba eren kwagh sha atseregh, een ka sha atseregh mbaatsereghev ve eren kwagh ye.

Yesaia 24:5

Tar iyol i u je kpaa u hôngor sha ci u mba ve tem sha u la; gadia ve per atindi, ve wa aeren a sha ba iko ga, ve vihi ikuryan i tsôron.

Yesaia 48:8

Een, u ungwa ga; een, u fa ga; een, ato ou vande bughun tsuaa kpaa ga; gadia M fa er u eren kwagh sha atseregh yum yô, i yila u er, orhendankwagh, er u lu ken uya je.

Yeremia 3:7

Ken masetyô u a bee aeren a akaa angan cii yô, M kaa Mer: hide her a Mo, kpa a hide ga; anngô na u kwase, Yuda u jighjigh ga la kpaa, nenge je.

Yeremia 31:32

kpa ia kera lu sha inja i ikuryan i M ya a uter vev ayange a M kôr ve uwegh sha u duen a ve ken tar u Igipiti la ga—ikuryan Yam i ve vihi la, shin er M lu ter ve je nahan kpaa, kape TER A kaa ne.

Yeremia 34:18

Me na ior mba ve per atindi a Am, mba ve er sha akaaôron a ikuryan i ve ya sha ishigh Yagh ne ga la, vea hingir er wanbua u ve pav un avegher ahar ve kar her atô u avegher a na la nahan;

Yeremia 5:11

Gadia ya u Iserael kua ya u Yuda ve tsughum tsung je, kape TER A kaa ne.

Yeremia 9:6

Ya wou ngu ken atô u icugh, sha ci u icugh ve yô, ve venda u fan Mo, kape TER A kaa ne.

Hosea 5:7

Ve er a TER dang; gadia ve mar ônov mba sha idya; hegen yô, uwer u he ua tim ve kera a ityar ve cii.

Hosea 8:1

Wa korough sha zwa. Bee iguve ngi shilin sha ya u TER; sha ci u ve vihi ikuryan Yam man ve per tindi Wam.

Mbaromanu 5:14

Nahan kpaa ku tema tor hii sha Adam zan zan ar sha Mose, kua sha mba ve er isholibo sha inja i mper i Adam per tindi la ga kpaa; un yô, gema lu ikav i tesen sha Un u Una va la.

Duteronomi 31:20

Gadia zum u Me va a ve ken tar u M bum a uter vev, tar u dumbur a atumbabua man iyough la, vea yaan, vea iden, vea kehen, nahan vea gema vea za hen mbaaôndo mbagenev vea civir ve, vea laham, vea vihi ikuryan Yam.

Mbaheberu 8:9

kpa ia kera lu sha inja i ikuryan i M ya a uter vev sha iyange i M kôr ve uwegh u duen a ve ken tar u Igipiti la ga. Gadia ve kera lu ken ikuryan Yam la vough ga nahan Mo kpaa, M kera wa ve iko ga, kape Ter kaa la.