Hosea 6:6 - ICIGHAN BIBILO

⁶ Gadia ka dooshima a sarem ye, ka nagh ga; man mfe u fan Aôndo kpaa hembam doon a iniav mbi nanden.

Hosea 6:6 Iomraidhean Croise

1 Kroniku 28:9

Nahan yô, we wan wam Solomon, fa Aôndo u teru, civir Un a ishima i môm man ishima i gbar gbar kpaa; gadia TER tev asema cii, man A kar hanma mhen cii. Aluer ú ker Un yô, ú zua a Na; man aluer ú undu Un yô, Una ta u kera, Una hunde ishima a we gbem je.

Upasalmi 50:8

Me zôhô a we sha ci u nagh ough ga; nagh ough ku nanden, ku sha ishigh Yagh gbem.

Anzaakaa 21:3

U eren perapera kua mimi, hemba doon TER a nagh ku nan.

Orpasenkwagh 5:1

Ver ishima sha nguhar wou zum u u zaan hen iyol i Aôndo yô; gadia u zan sha u za ungwan hemba doon a u nan nagh ku abumeaior la; gadia ve kera fa er ve lu eren ifer ga.

Yesaia 1:11

Ka nyi i gbem a iniav yenev mbi sôngon kpishi laa? kape TER A pin la. Iniav mbi nanden mbi sha anomaiyôngo, man ahôm a uicighanmbaabuav duem ishima; awambe a abua man a agumaiyôngo kua a ukpev kpaa, kera doom ga.

Yesaia 58:6

Kwaghyan u hôron u M tsough yô, kera ka u né sagh ikangenev mbi iferkwagh kera, man né poso igbur, né na mba i kighir ve la ian u yemen, man shi né kever hanma igbur gaa?

Yeremia 22:16

A wa iko sha ijir i mbaatsanev kua mbaibanave, nahan tar doo. Kera ka u fan Mo je la gaa? Kape TER A kaa ne.

Yeremia 7:22

Gadia zum u M due a uter enev ken tar u Igipiti la, M ôr kwagh a ve ga, m kaa ve kwagh sha kwagh u iniav mbi nanden shin mbi sôngon kpaa ga.

Daniel 4:27

Nahan yô, tor, rumun kwaghwan u m we u ne, pav a asorabo a ou, gema eren perapera, man pav a aferakaa a ou kpaa, gema zungwe mbaatsanev mhôônom; tso alaghga á seer ayange a mkpeyol wou.

Hosea 14:2

Tôô nen akaaôron ne, za nen a mi; hide nen hen TER; kaa nen a Na ner: De ifer ci ca cii, rumun kwagh u a lu u doon yô, nahan sé gema ityumbujôôv yase sé na nagh sha mi, sha ityough ki anomabua.

Hosea 2:20

Me kange zwa a we sha mimi, nahan ú fa TER.

Hosea 4:1

Ungwa nen imo i TER ne Mbaiserael; gadia TER ngu a ayôôso a mba ve tem ken tar ne, sha ci u jighjigh a lu ga, dooshima kpaa ga, shin u fan Aôndo ken tar ne kpaa ga yô.

Hosea 8:13

Mba sôngon iniav nan Mo, ka ve inyam tsô, mba ye i, doo TER a mbi ga; hegen yô, Una umbur iferkwagh ve man Una tsaha ve sha asorabo a ve, vea hide ken Igipiti.

Amoshi 5:21

M kôr uiniongo enev ihom, M laha ve, uicighanmbamkohol vev kpaa ve doom ishima ga.

Mika 6:6

Ka nyi me va a mi sha ishigh ki TERE, me va gure sha ishigh ki Aôndo u Sha? M̱ va sha ishigh Nagh a iniav mbi nanden, agumabua a a kom inyom i mômôô?

Mika 6:8

Yô, A tese u, kwagh u dedoo, we or; tsô ka nyi TER A keren her a we, saa u eren kwagh u mimi man u soon u zungwen mhôônom, man u hiden a iyol ijime er u zenden vea Aôndo wou la gaa?

Mateu 12:7

Man aluer nea fe inja i kwagh ne er: Ka mhôônom ma zungwen ma doom ye, ka nagh ku nan ga, yô, ma ne ne mbalun a ibo ga la ibo dang nahan ga;

Mateu 5:7

Saan mba ve zungu mhôônom la iyol, gadia á zungwe ve mhôônom.

Mateu 9:13

Kpa yem nen za hen nen inja i kwagh ne: Mo yô, ka mhôônom ma zungwen ma doom ye, ka nagh ku nan ga; gadia M va sha u Me yilan mbaperapera ga, kpa ka mbaasorabo.

Marku 12:33

Man shi A̱ doo or ishima sha ishima i nan cii man sha mkav u nan cii man sha agee a nan cii kpaa. Shi or u nan we ndor a nan kpaa, nana̱ doo nan ishima er iyol i nan nahan la, hemba nagh ku sôngon ica je.

Yosua 5:5

Gadia i tsôngo ior mba ve due la cii, kpa mba i mar ve sha gbenda ken toho cii ken ijime i ve due ken Igipiti la yô, i tsôngo ve ga.

1 Yohane 2:3

Ka sha kwagh ne je man se fa er se fe Un ye, aluer sea kuran atindi a Na yô.

1 Yohane 3:6

Hanma or u nan luun ker a Na yô, nan eren isholibo ga; hanma or u nan eren isholibo yô, nan ngu a nenge a Na ga, mfe kpaa nan fa Un ga.

1 Samuel 15:22

Tsô Samuel kaa er: Iniav mbi nanden kua mbi sôngon, doo TER ishima er iko i wan sha imo i TER nahan kpa? Yô, nenge, iko i wan hemba nagh ku sôngon, man u veren ato kpaa hemba ahôm a anomaiyôngo.