Hosea 5:5 - ICIGHAN BIBILO

⁵ Ihagh i Iserael ngi nan un ibo ken igbar je; nahan Iserael man Eferaim vea nôngo gbev ken ifer ve la; Yuda kpaa una nôngo gbev a ve imôngo.

Hosea 5:5 Iomraidhean Croise

Anzaakaa 11:21

Á shi didi kpaa, iferor nana war ibo i yan ga, kpa tsombor u mbaperapera yô, ua war.

Anzaakaa 11:5

Perapera u ormimi una kôôm nan gbenda, kpa iferor nan gba sha ifer i nan je.

Anzaakaa 14:32

Iferor ka nan gba sha ifer i nan, kpa orperapera yô, ka nan lu a mwar ken ku u nan je kpaa.

Anzaakaa 24:16

Gadia orperapera ka nan gba kwa taankaruhar kpa nan mough, kpa iferor yô, ka nan gba ken bocan.

Anzaakaa 30:13

Kov ngu, kpash, imanger i ashe a ve kehe tsô! Akurashee ve nga sha je.

Yesaia 3:8

Gadia Yerusalem nôngo gbev, Yuda kpaa gba; gadia nombor ve kua aeren a ve nga ihom a TER, sha u bamen ashe a Na a icivirigh.

Yesaia 3:9

Msange ve u sha dooshima ngu eren shiada nan ve ibo; mba pasen kwaghbo ve er Sodom nahan, mba yeren kwagh ga. Kwagh tser ve ve! Gadia ve va a kwaghbo sha ayol a ve!

Yesaia 44:9

Ve mba ve gbe ieev, ve cii ka agbilinaior tsô, man akaa a doon ve yum la, aa lu ve a inja ga; ushiada vev mba nengen ga, mba fe kwagh kpaa ga, nahan kunya ua kôr ve.

Yesaia 59:12

Gadia atindi a ase a peren ngee sha ishigh You, asorabo ase kpaa nga nan se ibo; gadia atindi a ase a peren nga a vese ityô, man aferakaa ase kpaa, se fa a,

Yeremia 14:7

Shin er aferakaa ase a lu pasen se nan se ibo, nahan kpaa, er kwagh sha ci u iti You TERE, gadia mbamhirjime asev ngee; ka We se er U kwaghbo ye.

Yeremia 2:19

Iferkwagh you ia tsaha u, man mhirjime wou una yange u; fa man nenge, er ka kwagh u bo man u yuwan er u undu TER, Aôndo wou, man er mcie u cian Mo la, a kera lu ker a we ga yô, kape Ter A kaa ne, TER u akum a Sha.

Hosea 14:1

We, Iserael, hide hen TER, Aôndo wou; gadia u nôngo gbev sha ifer you.

Hosea 14:2

Tôô nen akaaôron ne, za nen a mi; hide nen hen TER; kaa nen a Na ner: De ifer ci ca cii, rumun kwagh u a lu u doon yô, nahan sé gema ityumbujôôv yase sé na nagh sha mi, sha ityough ki anomabua.

Hosea 4:5

Wea nôngo gbev atetan, man profeti kpaa una nôngo gbev a we imôngo tugh; Me tim ngôu kpaa.

Hosea 5:14

Gadia Me hingir Eferaim er begha nahan man ya u Yuda kpaa er gumbegha nahan; Mo, een, Mo je, Me tuse, Me kar kera; Me yem a mi, ma oryiman nana lu ga.

Hosea 7:10

Ihagh i Iserael ngi nan un ibo ken igbar je, nahan kpaa ve hide hen TER Aôndo ve ga, ve kera ker Un kpaa ga.

Hosea 8:14

Gadia Orgban u Iserael hungul un, a maa ayou a utor; Yuda maa agar kpishi a lun a ugir, kpa Me tindi usu ken agar a na, ua hia ayouautya a a.

Amoshi 5:2

Iniunkwase i Iserael la i gba, ia kera mough ga, i ta i inya hen tar u i, or u moughon a i nan ngu ga.

Mateu 23:31

Kape ne lu eren shiada pasen ayol a en er ne lu ônov mba mbawuan uprofeti je la.

Luka 19:22

Kpa a kaa a na er: Ka sha kwagh ôron u ken zwa wou je man me ôr u ijir ye, we ortom u ifer ne! U fa er m lu nomor yô, m tee henpe m ver ga, man m sondo henpe m lee kpaa ga yô.