Hosea 5:14 - ICIGHAN BIBILO

¹⁴ Gadia Me hingir Eferaim er begha nahan man ya u Yuda kpaa er gumbegha nahan; Mo, een, Mo je, Me tuse, Me kar kera; Me yem a mi, ma oryiman nana lu ga.

Hosea 5:14 Iomraidhean Croise

Yobu 10:16

Shin ityough yagh kia kende sha kpaa, Ú tôvom er begha a tev kwagh nahan; shi Ú er a mo á kpiligh iyol je.

Yobu 10:7

shin er U fe er m lu a ibo ga nahan kpaa, man er ma or u nana fatyô u yiman or sha ikev You kpaa nan lu ga?

Upasalmi 50:22

Ver nen ishima sha kwagh ne, ne mba Aôndo A hungul ne yô, sha er M̱ de tusen a ven man ma or u yiman nana lu ga ze.

Upasalmi 7:2

sha er a̱ de tusen a mo, er begha ka a tuse a kwagh, orwasen a kera lu ga, nahan ga.

Yesaia 5:29

kume ve ngu er ngôbegha yô, vea ta kume er agumabegha yô; een, vea kpela iker, vea tsuwe vea kôr inyam, vea kpela i vea yem a mi doo doo kpaa, ma or u yiman i nana lu ga.

Yeremia 25:38

A mough hen ijiir Na i yeren kera, er gumbegha nahan; gadia tar ve hingir ice sha ci u sanker u aperagh man sha ci u iyugh Na i tsung.

Ukwelegh 3:10

Ngum er dwem u a uv a keghen kwagh nahan, man er begha ken ajiir a yeren nahan.

Hosea 13:6

Zum u ve zua a kwaghyan yô, ve ya ve ide; er ve ide yô, asema a ve kende sha; ka sha ci u nahan Mo M hungul ve ye.

Hosea 2:12

Me vihi ikon i wain na man ikon i tur na, i a kaa er: Ka injar yam i mba m doo ve ishima ve nem la; Me gema i ia hingir ikô, inyamtoho ia ya i.

Hosea 6:1

Va sé hide nen hen TER; gadia ka Un A ande ye, shi Una wanger se; ka Un A gber avav ye, shi Una kange se a.

Amoshi 2:14

Or u wan kpaver kpaa, ayem á nunde nan, orageegh nana kera fatyô u eren kwagh sha agee a nan ga, orutaha kpaa nana kera fatyô u waren uma u nan ga;

Mika 5:8

Asande a Yakob a a shi her la, aa lu ken akuraior, ken atô u ior kpishi, er begha a lu ken atô u inyamtoho nahan man er gumbegha ken atô u akum a iyôngo nahan, u zum u ka una nyôr ker yô, a ndyar, a tuse caver caver, man ma oryiman kpaa nan kera lu ga.

Duteronomi 28:31

Á sôngo bua wou sha ashe a ou je, kpa ú ya inyam na ga; á ngohol jaki you sha apera sha ishigh you je, kpa á hide a mi ga; á gema iyôngo you á na mbaihomov ou, kpa ú zua a or u nana yima u ga.

Duteronomi 32:39

Yô, nenge ka Mo je ne, ma aôndo ugen ngu a Mo imôngo ga; ka M wua, M shi M nder; M gber ivav, M shi M er i de kpaa; ma or môm ngu a tahav mbu nana yima ugen sha ikev Yam ga.