Hosea 5:13 - ICIGHAN BIBILO

¹³ Zum u Eferaim nenge angev nav man Yuda nenge ivav na yô, nahan Eferaim yem Ashiria, a tindi hen tor Yarebi, kpa a fatyô u wanger ne, shin u been ne ivav kpaa ga.

Hosea 5:13 Iomraidhean Croise

2 Utor 15:19

Pul tor u Ashiria va ityav hen tar la; nahan Menahem na Pul azurfa utalenti dubu, sha er uwegh nagh ku̱ lu a na imôngo sha u taver tor sha ikev na yô.

2 Utor 15:29

Sha ayange a Peka tor u Iserael la, Tigelati-pileser tor u Ashiria va, va ngohol Iyon man Abel-bete-maaka man Yanoa man Kedeshi man Hasor man Gileadi kua Galilia, ka tar u Nafetali cii je la; a kura ve a yem a mi uikangen ken Ashiria.

2 Utor 16:7

Tsô Ahashi tindi mbatyomov za hen Tigelati-pileser tor u Ashiria, kaa er: Mo m ngu wanakiriki wou man wan wou kpaa, yô, va yimam sha ikev i tor u Shiria man sha ikev i tor u Iserael, mba ve mough ityav a mo ne.

Yesaia 3:7

sha iyange la je, nana genger imo, nana venda er: Me fatyô u lun ortwer ga, gadia ken ya wam kwaghyan ngu ga, akondo kpaa ga; de gemem ner, m̱ hingir orvesen u ior ga.

Yeremia 30:12

Gadia TER ngu kaan nahan er: Iyolvihin you, i vihi kpen kpen, man avav a ou kpaa ka a nyoon tsung je.

Esekiel 23:5

Nahan Ohola er idya zum u a lu u Wam la je, ishima na gema var sha mba ve doo un ishima la, ka Mbaashiria je la, mbautyav

Hosea 10:6

Un iyol na kpaa á yem a mi ken Ashiria, á er tor Yarebi iwua a min; Eferaim una ya kunya, man Iserael una va ahenge sha mbamhen nav mba a hen la.

Hosea 12:1

Eferaim kôr hur a ahumbe, ngu zan ahumbe a ken ityoughkitaregh ityô; ngu seer a seer aie man ipila iyange jimin cii; ve ya ikur a Ashiria, shi mba zan a mkurem ken tar u Igipiti kpaa.

Hosea 14:3

Ashiria una yima se ga; sé henda anyinya ga; man sé kera yila tom wase u aveegh ser: Aôndo wase, ga; gadia ka her a We ancôgholov ve zough a mhôônom ma zungwen ye.

Hosea 2:7

Tsô una tôv mba ve doo un ishima la, kpa una kohol ve ga; una ker ve, kpa una zua a ve ga; nahan una kaa er: Guda me hide hen nomom u hiihii la, gadia mlu wam hen shighe la lu guda a u hegen ne.

Hosea 7:11

Eferaim ngu er ibume atii u kaven kwagh ga yô; ka ve yila Igipiti, ve za hen Ashiria.

Hosea 8:9

Gadia ve kôndo sha Ashiria, er jaki i toho i zenden tswen nahan; Eferaim kimbi inyaregh sha u zuan a mba un doo ve ishima yô.

Mika 1:9

Gadia avav a na ka a been ga, man a ar hen Yuda je, a ar hen hunda u ior av, ka hen Yerusalem je la.