Hosea 4:3 - ICIGHAN BIBILO

³ Ka nahan man tar u lu uren man mba ve tem ken u cii ve lu usen ye: inyamtoho kua inyon i purugh sha, een, ishu i shin zegemnger kpaa, á kar a i kera.

Hosea 4:3 Iomraidhean Croise

Yesaia 33:9

Tar ngu zungwen, ngu usen; Lebanon va ahenge, a use; Sharon hingir er desereti nahan; Bashan man Karmel ve ndoor ika kera.

Yeremia 12:4

Ka hanma iyange je man tar ua de u uren, man ahu a shin tar cii aa de u usene? Sha ci u kwaghbo u mba ve tem ken u la, ishôso ngi timin kua inyon kpaa, sha ci u ve kaan er: Una nenge mkur wase ga, yô.

Yeremia 23:10

Gadia tar ne iv a udyambaiorov; ifan gema na tar mzungu; ajiir a yan toho a ken taaikôngo uma cii; kwagh u ve ze her ayem yô, saa ka u bo; gbenda u ve keren tahav a mi yô, ka u mimi ga.

Yeremia 4:25

M nenge, ma or lu ga, inyon i sha cii kpa, i purugh i yem kera.

Yeremia 9:10

Me gber kwelegh sha ci u iwo, man sha ci u ajiir a ilev yan toho ken taaikôngo la, Me zungwe; gadia i nande a, a hia je ma or fatyô u karen her ga; man i kera ungwa mliam ma uile ga, inyon i purugh sha kua ishôso i ken toho cii nyôngoso, yem kera.

Yeremia 9:9

Nahan Me kera or ve iyev sha ci u akaa ne gaa, kape TER A pin ne, Me kera or imbaikurior ne iyev gaa?

Esekiel 38:20

ishu i shin zegemnger man inyon i sha, man inyamtoho, man akaa a kpelan iyav inya shin tar cii, man ior mba ve lu sha tar cii, vea gbidye akarkase iyol sha ishigh Yagh á yôhôl iwo kera, man ajiir a taven sha aa tsehe, man hanma kpekpe una yôhôl.

Yoel 1:18

Nenge, er uzendenya ve toghoroo! Kondo akumabua iyol sha ci u toho u aa ya ngu ga, een, ikumiyôngo je kpaa ngi yan ican.

Amoshi 1:2

A kaa er: TER ngu tan kume ken Shion, ngu taver imo Na ken Yerusalem je, ajiir a yan toho a uile zungwe, ityough ki Karmel kpaa ure.

Amoshi 5:16

Nahan yô, TER, Aôndo u akum a Sha, Ter, ngu kaan nahan er: Mliam maa lu sha ityembe cii; sha igbenda cii á kaa er: Kpe ahii! Kpe ahii! Vea yila orsule sha u nana̱ va zungwe, man mbafankwelegh er ve̱ gber kwelegh.

Amoshi 8:8

Tar ua kera tenger sha kwagh ne ga, man hanma or u nan tem ken u kpaa nana kera zungwe gaa? Een, u cii ua mough sha, er ifi u Nil nahan; á tenger u shi ua songor er ifi u Igipiti nahan.

Nahum 1:4

Ka A zôhô a zegemnger, A er un a̱ uma, A uma uifi cii; Bashan use kua Karmel, man imondon u sha Lebanon kpaa use.

Sefania 1:3

Me kar a or kua zendenya kera; Me kar a inyon i sha kera, man ishu i shin zegemnger, kua atôakaa a nan gbev mbu nôngon, a mbaaferev imôngo; shi Me tim or sha tar kera, kape TER A kaa la.

Sekaria 5:4

Me na ia due, kape TER u akum a Sha A kaa ne, ia nyôr ken iyou i ormbaiv man ken iyou i or u bumun iti Yam sha aie; ia tema ken atô u iyou i nan, ia nande i puru a ikpande i i kua awen a i kpaa.