Hosea 4:2 - ICIGHAN BIBILO

² Ka u bumun, man u eren aie, man u wuan, man u iin, man u eren idya; mba hemben uya, je awambe a haan inya dondo sha awambe a haan.

Hosea 4:2 Iomraidhean Croise

Genese 4:8

Tsô Kain ôr kwagh a anngô na Abel; man er ve lu ken toho yô, Kain mough num a idyondon na Abel, wua un je.

Yesaia 24:5

Tar iyol i u je kpaa u hôngor sha ci u mba ve tem sha u la; gadia ve per atindi, ve wa aeren a sha ba iko ga, ve vihi ikuryan i tsôron.

Yesaia 48:1

Ungwa nen kwagh ne, we ya u Yakob, ne mba ne yer ayol a en sha iti i Iserael yô, man ne dugh ken mngerem ma Yuda, ne mba ne bumun iti i TER, man ne teren Aôndo u Iserael, kpa i lu sha mimi ga, shin sha perapera kpaa ga.

Yeremia 51:5

Gadia Aôndo, TER u akum a Sha ta Iserael man Yuda kera ga, shin er tar ve u mgbough a ibo hen Icighan u Iserael nahan kpaa.

Yeremia 6:7

Er ijôr i dugh mngerem nahan, kape un kpaa a dugh aferakaa na la; mba ungwan ipila man mkighir ker a na; angev kua avav nga sha ishigh Yagh gbem.

Ukwelegh 4:13

Lu sha ci u asorabo a uprofeti nav man afer a upristi nav, mba ve haa awambe a mba perapera inya ken atô na yô.

Esekiel 7:23

Er ishirigh, gadia tar iv a ibo i awambe, gar la kpaa mgbough a ipila.

Hosea 10:13

Ne kaha kwaghbo ne sunda iferkwagh, ne ya atam a mbaaie; gadia u suur sha gbenda wou, ka sha mngee u ior ou mba ageev.

Hosea 10:4

Mba er akaaôron a gbilinigh, mba bumun sha aie, mba ye ikur; nahan ijirôron ia due er imendenev mbi bov mbi shin ahighasule nahan.

Hosea 11:12

Eferaim kasem sha mbaaie, ya u Iserael kpaa kasem sha icugh, man Yuda kpaa ar ave, kera wa Aôndo iko ga man U a lu Icighan u jighjigh la kpaa ga.

Hosea 12:14

Eferaim na ishima i vihin tsung; nahan TER Una hide a awambe a ifer na sha ityough nagh, man Una or un iyev sha iheen na la.

Hosea 5:2

Mbaahendanev time ihungwa i zan; kpa Mo Me yange ve cii.

Hosea 6:8

Gileadi ka gar u mbaerenafer, a côvor sha awambe.

Hosea 6:9

Man er ikum i mbanumungbenda ka ve yer ve kegh nahan, kape nongo u upristi kpaa ve woo ior sha gbenda u zan Shekem la; een, ve er kwagh u kunya.

Hosea 7:1

Zum u M ver ishima u wanger Iserael yô, nahan ifer i Eferaim gema due ken igbar kua aeren a bo a Samaria kpaa, gadia ve eren kwagh sha aie; ormbaiv ngu nyôron, man ikum i mbanumungbenda ngi numun ken won.

Hosea 7:3

Ve na tor iember sha aeren a ve a bo, kua mbatarev kpaa sha mbaaie vev.

Hosea 7:4

Ve cii ka udyambaiorov; mba er atse a kaan kwagh ker a a tseen her yô, shin er orkaankwagh nan de u kenden usu, zum u a hii u hôron mwem zan zan kwa ua kar zuan sha mi cii yô.

Mika 3:2

ne mba ne ker kwagh u dedoo ihom man kwagh u bo a gem a doo ne, ne mba ka ne hua ior kwavyolough kera, kua inyam ve kpaa sha akuhe a ve kera;

Mika 3:9

Shi ungwa nen kwagh ne, ne mbahemenev mba hen ya u Yakob man mbatarev mba hen ya u Iserael, ne mba ijirôron i mimi i ndôhôr ne ishima, man ne gem ne vihin hanma kwagh u a lu jighilii,

Mika 6:10

Inyaregh ki iferegh shi ki ken iyou i mbaaferev kua ikaren u yinan u a lu a ifan iyol la kpaa gaa?

Mika 7:2

Ormimi saa ishe hen tar kera, man orperapera kera ngu ken ior ga; ve cii mba yeren, keghen u haan awambe inya; hanma or nan ngu nôngon u kôron anngô u nan ken kper.

Sefania 3:1

Kwagh á tser gar u ahendanegh man u hôngorough man u kighir ior!

Sekaria 5:3

Tsô a kaa a mo er: Ngun ka ifan i, i dugh i lu zenden sha tar cii yô, gadia hanma or u nan iin yô, ka sha i á tim nan kera hegen ye; hanmô u nan bumun kpaa, ka sha i á tim nan kera hegen ye.

Sekaria 7:9

TER u akum a Sha ngu kaan nahan er: Ôr ijir sha mimi, tese erdoo man mhôônom ma zungwen, hanma or a anngô u nan,

Mateu 23:35

sha u awambe a mbaperapera a i haa a inya shin tar cii a̱ hide sha ityouv yenev yô, hii sha awambe a Abel, or u perapera, zan zan ar sha awambe a Sekaria, wan u Barakia, u ne wua un hen harga u tempel a atse a nanden nagh sha mi la.

Aerenakaa A Mbaapostoli 7:52

Ka hanmô ken uprofeti je man uter enev tôv nan a ican ga? Ve wua mba ve lu tsengan ôron mve u Ormimi, man hegen ne kpaa ne hingir mbanengen Un mker shi ne wua Un kpaa;

Duteronomi 5:11

De teren iti i TER, Aôndo wou, dang ga; gadia or u nan teren iti i TER dang dang yô, Una na nan ishô mayange ga.

Duteronomi 5:18

Man shi de eren idya ga.

Duteronomi 5:19

Man shi de iin ga.

1 Mbatesalonika 2:15

mba ve wua Ter Yesu kua uprofeti la ye, se kpaa ve tôv se a ican, kwagh ve doo Aôndo ga man shi mba ihom a ior cii kpaa.

Mpase U Yohane 17:6

M shi m nenge kwase la lu hunden sha awambe a uicighanmbaiorov man shi sha awambe a mbashiada mba Yesu kpaa. M nenge a na nahan kpiligh mo iyol je gande.