Hosea 4:18 - ICIGHAN BIBILO

¹⁸ Zum u ka vea ma msôrom kera yô, ve gba eren idya; mbatarev vev kpaa kunya doo ve ishima tsung.

Hosea 4:18 Iomraidhean Croise

Genese 38:24

Tsô iwer ngi kom itiar yô, i kaa Yuda er: Tamar kwase u wan wou er idya, a wa iyav sha idya je. Yuda kaa er: Due a na, i̱ nande un.

Upasalmi 47:9

Mbatarev mba iorov kohol hingir ior i Aôndo u Aberaham; gadia iperutya i tar ka i Aôndo je; i kende Un sha kpishi je. Ka Icam. Ka Pasalmi u ônov mba Kora

Ekesodu 23:8

Man shi de ngohol inyaregh ki yamen ishô a mi la ga; gadia inyaregh ki yamen ishô a mi la, ki pirin mba ve nenge la ashe, shi ki nzughul mbaperapera ijir kpaa.

Yeremia 2:21

Nahan kpaa, Mo M môôr we er kon u wain u injaa, ivor i mimi; man ka nyi u gem u hingir Mo agbaa a bo a kon u wain ugen nahana?

Esekiel 16:15

Kpa u suur sha mdooashe wou, man u er idya sha ci u gwa u iti you la, u haa ijimba you sha hanma or u karen cii, i hingir i nan.

Hosea 4:10

Vea ya kwagh, kpa á kuma ve ga; vea er idya, kpa vea seer iyenge ga, sha ci u ve de u wan TER iko yô.

Hosea 4:2

Ka u bumun, man u eren aie, man u wuan, man u iin, man u eren idya; mba hemben uya, je awambe a haan inya dondo sha awambe a haan.

Hosea 9:10

M tser a Iserael er atam a kon u wain ken desereti nahan; M nenge a uter enev er atam a tsutswa a vian sha kon u tur sha m-um na u hiihii la yô; kpa ve va hen Baal-peor ve tsegha ayol a ve sha ci u kwagh u kunya la, nahan ve hingir kwagh ndôhôrshima vough er kwagh u a doo ve ishima la nahan.

Amoshi 5:12

Gadia M fa mngee u atindi a peren a en, man ivesen i asorabo a en; ne mba ne eren mbamimi ican, ne mba ne ngohol inyaregh ki yamen ishô man ne mgbegha mbaibanave hen hundagar kera.

Mika 3:11

Mbahemenev nav mba ôron ijir sha inyaregh ki ken myer, upristi nav kpaa mba tesen sha tôndo, man uprofeti nav mba ôron kwaghôron u profeti sha inyar; nahan kpaa mba suur sha TER, mba kaan er: TER ngu ken vese gaa? Ma kwagh u bo una tser se ga.

Mika 7:3

Ave ve wa iyol u eren kwagh u ifer a ishima i môm; ortaregh ka a sôn, man orjirigh kpaa ka a wa iyol sha u zuan a inyaregh ki ken myer; zegeor ka a due a isharen i dang i ken ishima na la; kape ve cingi kwagh ayol a ve la.

Duteronomi 16:19

De geman ijir ga; shi de hembe wan orgen iko a orgen ga, man shi de ngohol iwua ga; gadia iwua i cirin mbafankwagh ashe, shi i gem akaaôron a mba ve lu a ibo ga la.

1 Samuel 8:3

Ônov nav yô, zaan sha gbenda na vough ga, kpa ve tsume sha inyaregh ki keren, ve ngohol inyaregh ki yamen ishô, ve vihin ijir.