Hosea 4:15 - ICIGHAN BIBILO

¹⁵ Shin er we Iserael u eren idya, nahan kpaa Yuda a̱ de hingir u lun a ibo ga; de kera ve nen hen Gilgal ga, man shi de kera ze nen sha Bete-aven ga, man de kera bumun kaan wer: Er TER A lu uma ne, kpaa ga.

Hosea 4:15 Iomraidhean Croise

2 Kroniku 17:4

kpa a ker Aôndo u ter na, a zenden sha atindi a Na, a er er Iserael nahan ga.

2 Kroniku 21:11

Shi a er ajiir a taven sha, sha iwo i Yuda, a na mba ve tema ken Yerusalem sha u ve̱ er idya; a tsume a Yuda sha gbenda u bo.

Yesaia 48:1

Ungwa nen kwagh ne, we ya u Yakob, ne mba ne yer ayol a en sha iti i Iserael yô, man ne dugh ken mngerem ma Yuda, ne mba ne bumun iti i TER, man ne teren Aôndo u Iserael, kpa i lu sha mimi ga, shin sha perapera kpaa ga.

Yeremia 44:26

Nahan yô, ungwa nen kwaghôron u TER, ne Mbayuda mba ne tem ken tar u Igipiti cii; nenge, M bum sha iti Yam i vesen, kape TER A kaa ne, ma or u Yuda ken tar u Igipiti cii, nana kera ter iti Yam nana kaa er: Er Ter AÔNDO A lu u uma ne, ga.

Yeremia 5:2

Shin vea kaa er: Er TER A lu u uma ne, nahan kpa mba bumun sha aie.

Esekiel 20:39

Sha kwagh wen yô, we ya u Iserael, kape Ter AÔNDO A kaa ne: Yem, hanma or nana̱ gba za civir akombo a nan tsô; kpa ken masetyô yô, nea ver ato her a Mo, man nea kera hôngor a iti Yam i tseghan sha iniav yenev man akombo a en ga.

Hosea 10:5

Ishima ngi nyian mbateman ken Samaria sha ci u wanbua u Bete-aven; gadia ior nav vea zungwen un, man upristi nav kpaa, mba ve lu ember un sha ci u icivir na la, vea zungwe, gadia i kar her a na kera.

Hosea 10:8

Ajiir a taven sha a Aven, ka isholibo i Iserael je la, á tim a kera; usaa man usagher vea mende sha atse a ve a nanden nagh sha mi la; vea kaa a iwo er: Cir nen se, man a agungu kpaa er: Kighir nen se.

Hosea 11:12

Eferaim kasem sha mbaaie, ya u Iserael kpaa kasem sha icugh, man Yuda kpaa ar ave, kera wa Aôndo iko ga man U a lu Icighan u jighjigh la kpaa ga.

Hosea 12:1

Eferaim kôr hur a ahumbe, ngu zan ahumbe a ken ityoughkitaregh ityô; ngu seer a seer aie man ipila iyange jimin cii; ve ya ikur a Ashiria, shi mba zan a mkurem ken tar u Igipiti kpaa.

Hosea 12:11

Er Gileadi vande lun iferkwagh yô, ve hingir gbilinkwagh cii; ken Gilgal mba nan nagh ku sôngon sha anomabua; atse ve a nanden nagh sha mi la aa hingir er atihi a awen ken ihighasule nahan.

Hosea 12:12

Yakob yevese yem ken tar u Aram, Iserael er tom sha u zuan a kwase, sha u zuan a kwase yô, a kura ilev.

Hosea 4:12

Ior Av mba keren mhen sha ikon ve, gbough vegh ku pasen ve kwagh; gadia jijingi u idya tsume a ve, ve yem ken idya, ve gbihi Aôndo ve.

Hosea 5:8

Tôngo nen korough hen Gibea man ikpamkor kpaa ken Rama; gbire nen ivaa ken Bete-aven; mba van we ken ijime, Benyamin.

Hosea 9:15

Iferkwagh ve cii ngi ken Gilgal; ka keela M ker ve ihom ye; sha ci u iferkwagh i aeren a ve la Me zenda ve ken iyou Yam kera; vea kera doom ishima ga; mbatarev vev cii ka mbaahendanev je.

Amoshi 4:4

Va nen hen Betel, va per nen atindi; va nen hen Gilgal va seer peren nen atindi; va nen a iniav yenev mbi sôngon hanma sev, man môm-ken-upue enev hanma iyange i sha utar.

Amoshi 5:5

Kpa de kera keren nen Betel ga, de nyer nen ken Gilgal kpaa ga, shi de ze nen hen Bersheba kpaa ga; gadia á yem a Gilgal uikangen kpee je, man Betel kpaa una hingir gbilinkwagh.

Amoshi 6:10

Man zum u anter u orkpen la, u una nande nan la, una tôô nan sha u duen a akuhe ken iyou la kera, man una pine or u nan lu shin atô u iyou la er: Orgen shi ngu a we imôngo kere? Nana gema á kaa er: Ei; nahan uhiihii la una kaa er: Huan ving, gadia doo u sé ter iti i TER ga.

Amoshi 8:14

Mba ve bumun kwaghbo u Samaria, mba ve kaan er: Er Aôndo wen a lu uma yô, we Dan; man shi: Er gbenda u yemen Bersheba u lu uma yô; vea gba, mayange vea kera mough sha ga.

Mbaefese 5:11

Man de nyer nen nongo a aeren a imegh a a lu a inja ga la ze, kpa guda yô, pase nen a ken igbar.

Yosua 5:9

Tsô TER kaa a Yosua er: Nyian M pahar ityuhwanev mbi Igipiti sha a ven kera ve. Ka nahan man i yer ijiir la iti er, Gilgal zan zan nyian ye.

Yosua 7:2

Tsô Yosua tindi ior due hen Yeriko za hen Ai, u a lu ikua ikua a Bete-aven, vegher u Betel u sha ityoughkitaregh la, a kaa a ve er: Kôndo, za nenge nen tar la mker; tsô ior mbala kôndo za nenge Ai mker.