Hosea 4:12 - ICIGHAN BIBILO

¹² Ior Av mba keren mhen sha ikon ve, gbough vegh ku pasen ve kwagh; gadia jijingi u idya tsume a ve, ve yem ken idya, ve gbihi Aôndo ve.

Hosea 4:12 Iomraidhean Croise

2 Utor 17:7

Gadia Mbaiserael er TER, Aôndo ve, kwaghbo, u A due a ve ken tar u Igipiti sha ikev i Farao tor u Igipiti la, ve civir mbaaôndo mbagenev,

2 Kroniku 21:13

u gem u ze sha gbenda u utor mba Iserael, man u ne mba ve tem ken Yuda kua Yerusalem sha u ve̱ er idya, er ya u Ahaba lu er nahan, man shi u wua anmgbianev ou mba hen ya u teru mba ve hembe doon a we la,

Upasalmi 106:39

Kape ve hôngor sha aeren a ve la, ve gba eren idya sha aeren a ve la;

Upasalmi 73:27

Gadia nenge, mba ve lu ica a We yô, vea saa ishe; Ú tim mba ve undu U cii sha idya i eren yô.

Yeremia 10:8

Kpa ve imôngo cii, ve lan kwagh ve bume; ityesen i ieev ka kon tsô.

Yeremia 2:27

ve mba ve kaan a tiônkon er: We u ngu terem je; man shi a iwen er: ka we u marem ye; gadia ve gema ijime a Mo, ve ver ishigh sha a Mo ga; kpa sha shighe u ican ia tser ve la, vea kaa a Mo er: Mough sha, yima se!

Yeremia 23:13

M nenge a udangmbaakaav hen uprofeti mba Samaria: mba ôron kwagh pasen ken iti i Baal, ve na ior Av Iserael ve tsume gbenda.

Esekiel 20:32

man kwagh u ne lu henen la kpaa una er je ga; u ne kaa ner: Sé lu nen er akuraior nahan, er uipaven mba ior mba icombor i sha won yô, sha u civir kon man iwen.

Esekiel 21:21

Gadia tor u Babilon tile sha akahar a igbenda, sha mhii u igbenda ihiar la, sha u kpehen ishor; a tsongor avaan keen man keen, a za hen kwagh a terafim, a nenge sha mtema.

Hosea 14:3

Ashiria una yima se ga; sé henda anyinya ga; man sé kera yila tom wase u aveegh ser: Aôndo wase, ga; gadia ka her a We ancôgholov ve zough a mhôônom ma zungwen ye.

Hosea 5:4

Aeren a ve rumun u ve̱ hide hen Aôndo ve ga; gadia jijingi u idya ngu ken a ve, man ve kera fa TER kpaa ga.

Hosea 6:10

M nenge a kwagh u ndôhôrshima ken ya u Iserael; Eferaim er idya ker, Iserael hôngor.

Hosea 9:1

Iserael de kera ember yagh yagh er akuraior nahan ga, gadia u er idya, u undu Aôndo wou, injar i sha idya doo u sha hanma vande u gbiren iyiav.

Levitiku 17:7

Ve̱ de kera senge iniav vev ve̱ naan ujijingi mba bov mba ve lu dondon ve, ve eren idya la ga. I̱ hingir ve tindi u gbem sha won sha ikov ikov.

Levitiku 20:5

Mo Me kera saan ishigh a or la ga, kua a ior mba ken ya u nan kpaa ga, or la kua mba ve er idya a nan imôngo sha u dondon Moleki la cii, Me dugh ve ken nongo ve kera.

Mika 2:11

Aluer or nan ngu zendan ahumbe ityô man nana er aie nana kaa er: Me ôr u kwaghôron u uprofeti sha kwagh u wain man msôrom ma taver yô, or la ma nan lu profeti u ior mban.

Habaku 2:19

Kwagh á tser un u a kaa a kon er: Nder; man a iwen i lamen ga er: Mough sha la, ia fatyô u pasen kwagh kpa? Nenge, i cir i zenaria man azurfa iyol, man iôôn ngi ken atô u i ciôn kpaa ga.

Numeri 15:39

a̱ lu ne anzôr a né kenger sha mi man né umbur atindi a TER cii, né waan a iko kpaa yô; sha er de zenden nen sha ishima yen man sha ashe a en ga, ka kwagh u a ne ne idya i eren je la;

Duteronomi 31:16

Tsô TER kaa a Mose er: Nenge, yaven you a uter ou imôngo; ior mban vea mough vea er idya sha u dondon mbaaôndo mba hev mba hen tar u ve lu zan sha u vea za tema ken u la, vea gbihim kera vea vihi ikuryan Yam i M ye a ve ne.

Mbaajiriv 18:5

Nahan ve kaa a na er: Yô, shi pine Aôndo se̱ fa shin zende u se lu zan ne ua doo yô.