Hosea 4:11 - ICIGHAN BIBILO

¹¹ Idya man wain man zar u wain u he mba kar a kwaghfan kera.

Hosea 4:11 Iomraidhean Croise

Anzaakaa 20:1

Wain ka orpuunakaa, msôrom ma yuwan kpaa ka orayôôso; hanma or u nan hundu ma yô, ka orfankwagh ga.

Anzaakaa 31:4

Doo u utor, Lemuel, doo u utor ve̱ de maan wain ga, shin u mbatarev kpaa msôrom ma yuwan ma doo ve ga,

Anzaakaa 6:32

Or u nan er idya a kwase yô, nan kav kwagh je ga, or u nan er nahan la, ka uma u nan nan lu timin ye.

Orpasenkwagh 7:7

Mimi je inyaregh ki ngohol sha apera ka ki gema orfankwagh nan hingir ibumeor, inyaregh ki yamen ishô ki vihin mkav kera.

Yesaia 28:7

Mban kpaa ve hingir mee sha zar u wain man zemba ze zemba sha msôrom ma yuwan; pristi kua profeti ve hingir mee sha msôrom ma yuwan, wain nzughul a ve, ve hingir zemba ze zemba sha msôrom ma yuwan; mpase u sha mnenge kera wanger ve ga, mba nôngon gbev sha ijirôron.

Yesaia 5:12

Ve mba a adiguve man molo man genga man imar kua wain hen uiniongo vev la, kpa aeren a TER yô, ve wa a iko ga, man tom u ave Na kpaa mba nengen a mi ga.

Yeremia 23:13

M nenge a udangmbaakaav hen uprofeti mba Samaria: mba ôron kwagh pasen ken iti i Baal, ve na ior Av Iserael ve tsume gbenda.

Hosea 4:12

Ior Av mba keren mhen sha ikon ve, gbough vegh ku pasen ve kwagh; gadia jijingi u idya tsume a ve, ve yem ken idya, ve gbihi Aôndo ve.

Hosea 5:4

Aeren a ve rumun u ve̱ hide hen Aôndo ve ga; gadia jijingi u idya ngu ken a ve, man ve kera fa TER kpaa ga.

Hosea 7:11

Eferaim ngu er ibume atii u kaven kwagh ga yô; ka ve yila Igipiti, ve za hen Ashiria.

Levitiku 10:9

Msôrom, shin ma kwaghman u taver yô, de me nen ga, we kua ônov ou kpaa, zum u nea nyôron ken tenti u kohol ker la, sha er né kpe ga yô; ka tindi u eren sha mi gbem sha ikov ikov;

Luka 21:34

Kpa ver nen ishima sha ayol a en, asema a en a̱ de yoho sha hua u sha kwaghyan man sha ihundugh man sha akaa a nyian ishima a uma ne ga, iyange la i̱ de va bulun ne er kwaghhônon nahan ga;

1 Samuel 25:36

Er Abigail hide hen Nabal yô, Nabal lu eren iniongo hen ya na er ka iniongo i tor yô; yô, Nabal kpaa ishima lu un saan saan, gadia lu hunden tsung; nahan a ôr un ma kwagh je ga, zan zan sev av.