Hosea 4:10 - ICIGHAN BIBILO

¹⁰ Vea ya kwagh, kpa á kuma ve ga; vea er idya, kpa vea seer iyenge ga, sha ci u ve de u wan TER iko yô.

Hosea 4:10 Iomraidhean Croise

2 Kroniku 24:17

Er Yehoyada kpe kera yô, atiator a Yuda va gure civir tor. Tor kpaa ver ato hen ve.

Upasalmi 125:5

Kpaa mba ve hulugh ve yem uihurenmbaigbendav vev yô, TER Una due a ve kera a mbaerenifer imôngo. Bem a̱ lu sha Iserael! Ka icam i zan iniongo

Upasalmi 36:3

Akaaôron a nan a ken zwa u nan ka a ifer man a icughugh kpaa; nan undu mfe nan de u eren dedoo kpaa;

Anzaakaa 13:25

Orperapera ka nan ya kwagh i kuma nan, kpa iyav mbu iferor yô, mbua lu ijen.

Yeremia 34:15

Kpa ne yô, ne gema, ne er kwagh u a lu vough sha ashe Am, er ne yee i pase ikpan i toho yô, hanma or a or u wan ndor a nan; shi ne ya ikur sha ishigh Yagh ken iyou i i yer i sha iti Yam;

Yeremia 9:12

Ka anti je nan lu orfankwagh u nana kav kwagh nee? Wen u zwa u TER u er kwagh a nan sha u nana pase kwagh nee? Ka sha ci u nyi man tar u saa ishe, u hie er taaikôngo nahan je or kera karen ken u ga?

Esekiel 18:24

Kpa aluer orperapera nana gema á undu perapera u nan man nana er iferkwagh nana eren akaa a ndôhôrshima a iferor nan eren yô, nahan nana lu uma jee? Á kera umbur aerenakaa a nan a perapera a nan lu eren la kwa môm tsô kpaa ga; ka sha ci u mimi ga u nan man sha ci isholibo i nan er la je, nana kpe ye.

Esekiel 22:9

Mbaangerev tema ken a we sha u haan awambe, man ve ya kwagh sha iwo ken a we, ve er ijimba ker atô wou.

Hosea 4:14

Me kera tsaha ônov enev mba kasev sha ijimba ve ga, man kasev mba ônov enev sha idya ve kpaa ga; gadia nomso ayol a ve kpaa mba zan hen udyambakasev ken iuv, man mba ne nagh a udyambakasev mba ken ayou a akombo la imôngo; ior mba ve lu a mkav ga yô, á tim ve kera.

Hosea 7:4

Ve cii ka udyambaiorov; mba er atse a kaan kwagh ker a a tseen her yô, shin er orkaankwagh nan de u kenden usu, zum u a hii u hôron mwem zan zan kwa ua kar zuan sha mi cii yô.

Levitiku 26:26

Zum u Me vihi kwaghyan wen u ne suur sha mi la kera yô, kasev pue vea kaa bredi wen ken atse môm, vea kar bredi wen myohom man vea hide á na ne yô; né ya, kpa á kuma ne ga.

Mika 6:14

Ú ya, kpa á kuma u ga, ijen ia lu u ken atô; ú kura kwagh, kpa ú war a mi ga; man kwagh u ú yem a mi la kpaa, Me gema Me na sanker.

Sefania 1:6

man mba ve hir ijime sha u dondon TER, mba ve keren TER ga, shin ve pin Un kwagh kpaa ga la.

Hagai 1:6

Ne lôô kpishi, kpa ne sunda kpeghee; ka ne ya kwagh kpa i kuma ne ga; ne haa akondo iyol, kpa i tsee ma or iyol ga; man or u nan eren tom sha tôndo kpaa, nan hee injar i nan ngohol la ken ikpa i peven.